ខេត្តកណ្តាល ៖ កូនប្រុសចិត្តបា.បម្នាក់ ខណៈផឹកស្រវឹងស្រា បានយកកាំបិតដេញចាក់បងថ្លៃ រួចថែមទាំងគំរា.មសម្លា.ប់ឪពុកទៀត ហើយក៏ត្រូវបានសមត្ថកិច្ចចាប់វា.យខ្នោះ បន្ទាប់ពីទទួលពាក្យបណ្តឹងពីសាច់ញាតិ ។ ហេតុការណ៍នេះ បានកើតឡើងកាលពីថ្ងៃទី៧ ខែឧសភា ឆ្នាំ២០២២កន្លងទៅ វេលាម៉ោងប្រមាណ៣និង៣០នាទីរសៀល នៅភូមិព្រែកស្នង ឃុំព្រែកគយ ស្រុកស្អាង ។
សមត្ថកិច្ចបានឱ្យដឹងថា ឪពុកដែលត្រូវកូនប្រុសរូបនេះគំរា.មសម្លា.ប់ឈ្មោះ ជា យឿន អាយុ៦០ឆ្នាំ មុខរបរជាងកាត់សក់ មានទីលំនៅក្នុងភូមិ-ឃុំខាងលើ ។ ចំណែកកូនប្រុសរូបនេះមានឈ្មោះ យឿន បារាំង ហៅប្រុស អាយុ២៧ឆ្នាំ មុខរបរមិនពិតប្រាកដ ។
សមត្ថកិច្ចបន្តថា មុនពេលកើតហេតុ កាលពីថ្ងៃទី១ ខែឧសភា ឆ្នាំ២០២២កន្លងទៅ វេលាម៉ោងប្រហែល១១និង៣០នាទីយប់ ឈ្មោះ បារាំង បានផឹកស្រាបៀរជាមួយបងថ្លៃ ឈ្មោះ ស្វិត សាវ៉េត រួចក៏ឈ្លោះប្រកែកគ្នា ។ ខណៈពេលនោះឈ្មោះ យឿន បារាំង បានស្ទុះចូលទៅក្នុងផ្ រួចទះយកដាវមករកកា.ប់ឈ្មោះ ស្វិត សាវ៉េត ដោយឃើញដូច្នេះ ឪពុកឈ្មោះ ជា យឿន ក៏បានចូលទៅឃាត់ និងបានយកដាវពីឈ្មោះ យឿន បារាំង ទៅទុក ។
ប្រភពដដែលបន្តថា បន្ទាប់មក ឈ្មោះ យឿន បារាំង បានចូលទៅក្នុងផ្ទះ រួចយកកូនកាំបិតមករកចាក់ឈ្មោះ ស្វិត សាវ៉េត ទៀត តែត្រូវឪពុកទៅឃាត់ទៀត ស្រាប់តែឈ្មោះ យឿន បារាំង យកកូនកាំបិតនោះចាក់ឪពុកត្រូវចំកំពួនដៃខាងឆ្វេង បណ្ដាលឱ្យរងរបួស និងត្រូវបានក្រុមគ្រួសារដឹកយកទៅព្យាបាលនៅឯមន្ទីរពេទ្យ ។
ប្រភពដដែលបន្តទៀតថា លុះនៅថ្ងៃទី៧ ខែឧសភា ឆ្នាំ២០២២ វេលាម៉ោងប្រហែល៣និង៣០រសៀល ឪពុកត្រឡប់ពីមន្ទីរពេទ្យមកដល់ផ្ទះវិញ ស្រាប់តែកូនប្រុសឈ្មោះ យឿន បារាំង នេះ យកដាវមកគំរា.មកា.ប់ឪពុកថែមទៀត ។ ដោយទ្រាំនឹងទង្វើរបស់កូនប្រុសរូបនេះមិនបាន ទើបឪពុកទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រែកគយ ឲ្យជួយអន្តរាគមន៍ឃាត់ខ្លួនកូនប្រុសនាំយកទៅចាត់ការតាមច្បាប់ ។
ក្រោយមក ជនសង្ស័យខាងលើ ក៏ត្រូវបានបញ្ជូនបន្តទៅអធិការដ្ឋាននគរបាលស្រុកស្អាងទៀត ដើម្បីកសាងសំណុំ
រឿងចាត់ការតាមនីតិវិធីច្បាប់ ៕
ចែករំលែកព័តមាននេះ