ហ៊ានមែន! ធ្លាប់មានទំនាស់នាំបក្សពួក៣នាក់មកវា.យជនរងគ្រោះបែកក្បាល
- បន្ទាយមានជ័យ
យុវជនម្នាក់ ខណៈកំពុងអង្គុយលេងនៅសួនច្បារ បានត្រូវគូបដិបក្សវា.យបែកក្បាល និងហូរឈា.មតាមត្រចៀក ។ អំពើហិ.ង្សានេះ
ខេត្តបន្ទាយមានជ័យ ៖ យុវជនម្នាក់ ខណៈកំពុងអង្គុយលេងនៅសួនច្បារ បានត្រូវគូបដិបក្សវា.យបែកក្បាល និងហូរឈា.មតាមត្រចៀក ។ អំពើហិ.ង្សានេះ បានកើតឡើងកាលពីថ្ងៃទី៧ ខែឧសភា ឆ្នាំ២០២២កន្លងទៅ ទោះជាយ៉ាងណា ជនដៃម្នាក់ត្រូវបានចាប់ខ្លួន តែបក្សពួក២នាក់ទៀតកំពុងរត់គេចខ្លួន ។
ជនដៃដល់ដែលត្រូវបានចាប់ខ្លួនមានឈ្មោះ វឿន វីរៈ ភេទប្រុស អាយុ២០ឆ្នាំ រស់នៅភូមិព្រៃឫស្សី សង្កាត់ព្រះពន្លា ក្រុងសិរីសោភ័ណ ។
បើតាមវរសេនីយ៍ត្រី យ៉ាន់ សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណ បានថ្លែងថា ស្ត្រីឈ្មោះ សុខ ចាន់ធូ អាយុ២៥ឆ្នាំ ត្រូវជាបងបង្កើតរបស់ជនរងគ្រោះឈ្មោះ សុខ រិទ្ធីស័ក ភេទប្រុស អាយុ១៤ឆ្នាំ រស់នៅភូមិសូភី
សង្កាត់កំពង់ស្វាយ ក្រុងសិរីសោភ័ណ បានប្តឹងចោទជន១ក្រុមមានគ្នា៣នាក់ថា បានវា.យប្អូនប្រុសនាង បណ្តាលឱ្យបែកក្បាល និងហូរឈា.មតាមត្រចៀក ។ អំពើហិ.ង្សានេះ កើតឡើង ខណៈពេលប្អូនប្រុសនាងកំពុងអង្គុយលេងនៅសួនច្បារកោះពងសត្វ កាលពីវេលាម៉ោងប្រមាណ៥ល្ងាច ថ្ងៃទី៥ ខែឧសភា ឆ្នាំ២០២២ នៅភូមិកោះពងសត្វ សង្កាត់ភ្នៀត ក្រុងសិរីសោភ័ណ ។
ក្រោយពីទទួលពាក្យបណ្តឹងខាងលើនេះ កម្លាំងសមត្ថកិច្ចបានធ្វើការស្រាវជ្រាវកំណត់មុខសញ្ញា ហើយនៅវេលាម៉ោងប្រមាណ១២និង២០នាទីថ្ងៃត្រង់ ថ្ងៃទី៦ ខែឧសភា ឆ្នាំ២០២២ ក៏បានឃាត់ខ្លួនជនម្នាក់ដែលជាជនដៃដល់ឈ្មោះ វឿន វីរៈ នៅភូមិព្រៃឫស្សី សង្កាត់ព្រះពន្លា ក្រុងសិរីសោភ័ណ និងបានដកហូតកាំបិត១ ។ ចំណែកបក្សពួក២នាក់ទៀត កំពុងរត់គេចខ្លួន ។
លោក យ៉ាន់ សុវណ្ណ បន្តថា នៅចំពោះមុខសមត្ថកិច្ច ជនឈ្មោះ រឿន វីរៈ បានឆ្លើយថា ខ្លួននិងបក្សពួកពិតជាបានវា.យជនរងគ្រោះមែន ដោយសារគំនុំដែលជនរងគ្រោះធ្លាប់មានទំនាស់ជាមួយបក្សពួកខ្លួន ទើបព្រួតគ្នាវា.យ ដើម្បីសងសឹក ៕
ចែករំលែកព័តមាននេះ