រាជធានីភ្នំពេញ ៖ លោកស៊ីម សុវណ្ណដុល្លារ ជាអ្នកចម្រៀងឆ្លងកាត់ការពុះពារ និងអាជីពនេះរហូតពេលខ្លះស្ទើរតែនឿយណាយចង់ចាកចេញ ។ ដោយការខំប្រឹងប្រែង ទីបំផុតលោកស៊ីម សុវណ្ណដុល្លារ
រាជធានីភ្នំពេញ ៖ លោកស៊ីម សុវណ្ណដុល្លារ ជាអ្នកចម្រៀងឆ្លងកាត់ការពុះពារ និងអាជីពនេះរហូតពេលខ្លះស្ទើរតែនឿយណាយចង់ចាកចេញ ។ ដោយការខំប្រឹងប្រែង ទីបំផុតលោកស៊ីម សុវណ្ណដុល្លារ បានក្លាយជាសមាជិកប្រចាំផលិតកម្មមួយ ។
រកបានផលិតកម្មថ្មីសម្រាប់ជ្រកនេះលោកស៊ីម សុវណ្ណដុល្លារ ចាត់ទុកថាជាសមិទ្ធផលមួយដែលជួយឲ្យលោកមានឱកាសល្អបន្តទៅមុខទៀត ហើយព្យាយាមខិតខំធ្វើបែបណាឲ្យការច្រៀងកាន់តែលេចធ្លោឡើង ។ ពីមុនលោកស៊ីម សុវណ្ណដុល្លារ ហាក់បាក់ទឹកចិត្ត ដ្បិតពេលទៅណាមកណាមិនសូវមានគេចាប់អារម្មណ៍ សូម្បីតែនៅក្នុងសង្គមសិល្បៈ ។
តារាចម្រៀងស៊ីម សុវណ្ណដុល្លារ ជាអ្នកកំពង់ចាម ជាមន្ត្រីយោធា តែហេតុតែមាននិស្ស័យស្រឡាញ់ចូលចិត្តក៏ចាប់អាជីពសិល្បៈថែមទៀត ។ លោកស៊ីម សុវណ្ណដុល្លារ មានចិត្តស្រឡាញ់សិល្បៈទើបខំធ្វើការងារដើម្បីរក្សាទុកស្នាដៃទៅមុខ ។ លោកខំពុះពារជាមួយអាជីពសិល្បៈទោះជារកប្រាក់ចំណូលបានតិចតួចក្តី ។
តារាចម្រៀងស៊ីម សុវណ្ណដុល្លារ ជាអ្នកខេត្តកំពង់ចាម ជាមន្ត្រីយោធា តែហេតុតែមាននិស្ស័យស្រឡាញ់ក៏ចាប់អាជីពសិល្បៈថែមទៀត ។
លោកស៊ីម សុវណ្ណដុល្លារ បញ្ជាក់ថាឆ្លងកាត់អាជីពសិល្បៈអស់ពេលជាច្រើនខែច្រើនឆ្នាំមកនេះ លោកទើបតែបានចូលផលិតកម្មអីុអឹមជី និងថតចម្រៀងបានមួយចំនួន ក្នុងនោះបទមួយកំពុងតែទាក់ទាញគ្រាន់បើ គឺបទ «ពេលអត់ពីបង» ពិសេសលេចធ្លោតាមហ្វេសប៊ុក ។ «ជាអ្នកសិល្បៈមួយដួងមិនមែនចេះតែទទួលបានជោគជ័យនោះឡើយ ពេលខ្លះស្ទើរតែអស់សង្ឃឹមចង់ដើរបកក្រោយវិញ ។ មានរឿងជាច្រើនដែលខ្ញុំជួបក្នុងសង្គមសិល្បៈដូចជាមានការមាក់ងាយពីតារាសិល្បៈដូចគ្នា គេមិនសូវជាមើលឃើញ ឬចូលចិត្តតួថ្មី ។
មានប្រការខ្លះខ្ញុំត្រូវគ្រូបង្ហាត់សិល្បៈក្នុងក្លឹបមួយសន្យាខ្យល់ ជួយរកទីផ្សារឲ្យសិស្សសម្តែង អួតថាស្គាល់ផលិតកម្មនេះ ផលិតកម្មនោះ ឬទូរទស្សន៍នេះទូរទស្សន៍នោះ គឺបោកសិស្សទាំងស្រស់ យកតែលុយបង្ហាត់ពីម្នាក់ទៅម្នាក់រហូត ទីបំផុតធ្វើមិន គឺមិនបានជួយសិស្ស បានតែខាត និងខូចឈ្មោះ។ យ៉ាងណាក្តីនេះជាបទពិសោធន៍ មកពីយើងមិនស្គាល់សង្គមសិល្បៈច្បាស់ ចេះតែតាមគេតាមឯង ទុកចិត្តតែលើរៀមច្បងចាស់ទុំ។ បើទោះជាខ្ញុំមិនបានលូតលាស់ជាងនេះក៏គិតថាពេលនេះសិល្បៈរបស់ខ្ញុំបានប្រសើរជាងមុនដែលខ្ញុំផ្ទាល់ត្រូវតែខិតខំធ្វើយ៉ាងណាឲ្យខ្លួនកាន់តែវិវឌ្ឍតទៅមុខ ។ ព្រោះខ្ញុំមិនត្រឹមតែចេះច្រៀងនោះទេ ខ្ញុំចង់ក្តោបទីផ្សារសិល្បៈបានច្រើនទាំងការសម្តែងភាពយន្ត ក៏ដូចជាការរៀនធ្វើពិធីករជាដើម ។ អ្វីដែលខ្ញុំចង់ផ្តាំផ្ញើនោះសូម លោកគ្រូៗដែលអួតថាជាគ្រូបង្ហាត់សិល្បៈស្គាល់គេ ស្គាល់ មេៗក្នុងចង្កោមសិល្បៈ សូមចៀសចេញពីការបោកប្រាស់ ភូតកុហកតួថ្មីទៅដើម្បីកុំឲ្យខូចឈ្មោះ គួរតែនិយាយគ្នាត្រង់ទៅត្រង់មក ប្រសើរជាងតាំងខ្លួនជាអ្នកហំហាន តែធ្វើមិនបាន យកតែលុយគេទៅហើយមិនរវល់ទៀតនោះ»៕
ចែករំលែកព័តមាននេះ