ខេត្តបន្ទាយមានជ័យ ៖ មន្ត្រីនគរបាលស័ក្តិបួនម្នាក់ដែលធ្វើសកម្មភាពបា.ញ់អ្នកស៊ីឈ្នួលឃ្វាលក្របី បណ្តាល
រងរបួសហើយរត់ចោលផ្ទះទាំងក្រុមគ្រួសារ ខណៈសត្វពពែជាង៣០ក្បាលកំពុងនៅក្នុងទ្រុងគ្មានអ្នកមើលថែ និងដាក់ចំណីឱ្យស៊ីទេ ទីលំនៅក្នុងភូមិឃុំអូរបីជាន់ ស្រុកអូរជ្រៅ ។
លោក អ៊ឹម សុភារៈ អធិការនគរបាលស្រុកអូរជ្រៅ បានប្រាប់ថ្ងៃទី០៩ ឧសភា ថា មន្ត្រីនគបាលដែលបា.ញ់ទៅលើអ្នកស៊ីឈ្នួលឃ្វាលក្របីរងរបួសធ្ងន់ គឺពេលនេះកំពុងសម្រាកព្យាបាលនៅមន្ទីពេទ្យខេត្តបន្ទាយមានជ័យ ។ រីឯ ជនដៃដល់កំពុងរត់គេចខ្លួននាំទាំងគ្រួសារទៅជាមួយផង ។ ហើយនៅផ្ទហសល់តែសត្វពពែក្នុងទ្រុងជាង៣០ក្បាលគ្មានមើលថែទេ ។ បច្ចុប្បន្ន កម្លាំងនគរបាលជំនាញកំពុងស្រាវជ្រាវរកចាប់ខ្លួន ដើម្បីអនុវត្តតាមច្បាប់។
លោកបញ្ជាក់ទៀតថា ជនរងគ្រោះខាងលើ មានឈ្មោះ ឃាង វណ្ណា ភេទប្រុស អាយុ៥៥ឆ្នាំ (ជាអ្នកស៊ីឈ្នួលឃ្វាលក្របី ) រស់នៅភូមិថ្នល់បត់ ឃុំអូរបីជាន់ ស្រុកអូរជ្រៅ និងជនបង្កមានឈ្មោះ រ៉ា ទឹមច័ន្ទពិសី ភេទប្រុសអាយុ៤២ឆ្នាំ (ជាមន្ត្រីនគរបាលអត្តលេខ៥៦៥៧៥ ឋានន្តស័ក្តិវរសេនីយ៍ត្រី មានតួនាទីនាយរងការិយាល័យកិច្ចការផ្ទៃក្នុងក្រសួងមហាផ្ទៃដែលស្នាក់នៅភូមិ.ឃុំអូរបីជាន់ ស្រុកអូរជ្រៅ មានស្រុកកំណើតផ្ទៈលេខ11E0E1E2ផ្លូវលំភូមិឫស្សី១ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
លោក អ៊ឹម សុភារៈ បានបញ្ជាក់ថា កាលពីថ្ងៃទី០៧ ខែឧសភា នៅចំណុចដីឡូតិ៍១កន្លែង ស្ថិតភូមិ.ឃុំអូរបីជាន់ ស្រុកអូរជ្រៅ មានករណីបា.ញ់ទៅលើជនរងគ្រោះម្នាក់ឈ្មោះ ឃាង វណ្ណា (អ្នកស៊ីឈ្នួលឃ្វាលក្របី) បណ្តាលរបួសកំភួនជើងខាងឆ្វេងត្រូវបានបញ្ជូនទៅកាន់មន្ទីពេទ្យខេត្តបន្ទាយមានជ័យ ហើយជនដៃដល់ដែលគេស្គាល់មានឈ្មោះ រ៉ា ទឹមច័ន្ទពិសី (ជាមន្ត្រីនគរបាលក្រសួងមហាផ្ទៃ)ក្រោយបង្កបានរត់គេចខ្លួន) ។
លោកបានបញ្ជាក់ថា តាមការស្រាវជ្រាវមូលហេតុដែលជនល្មើសបា.ញ់ទៅជនរងគ្រោះ ព្រោះតែទំនាស់ពាក្យសំដីរឿងក្របីចូលស៊ីស្មៅក្នុងចំការដែលទុកឱ្យពពែស៊ី ក្រោយទំនាស់ពាក្យសំដីហើយទៅអង្គុយលេងលើគ្រែជាមួយកម្លាំងយោធា ស្រាប់តែជនបង្កបានយកកាំភ្លើងបា.ញ់សត្វវ៉ាំងឡុងបា.ញ់ទៅលើជនរង១គ្រាប់ចំកំភួនជើងខាងឆ្វេងបណ្តាលរបួសធ្ងន់ហើយជនល្មើសបានរត់គេចខ្លួនទាំងគ្រួសារដែលបន្សល់ទុកពពែក្នុងទ្រុងជាង៣០ក្បាលគ្មានអ្នកមើលថៃ ហើយកម្លាំងនគរបាលជំនាញកំពុងស្រាវជ្រាវរកចាប់ខ្លួនដើម្បីអនុវត្តន៍តាមច្បាប់ ៕
ចែករំលែកព័តមាននេះ