លួងលោមយុវតី16ឆ្នាំទៅរំលោ.ភរួចចាក់សោឱ្យមិត្តភក្ដិរំលោ.ភដែរ
ខេត្តកណ្ដាល ៖ យុវតីវ័យ១៦ឆ្នាំម្នាក់ បានចាញ់បោកការលួងលោមក្រុមជនកំហូច នាំនាងទៅរំលោ.ភបូកនៅផ្ទះជួលរហូតបានសម្រេចគ្រប់គ្នា កាលពីថ្ងៃ
ខេត្តកណ្ដាល ៖ យុវតីវ័យ១៦ឆ្នាំម្នាក់ បានចាញ់បោកការលួងលោមក្រុមជនកំហូច នាំនាងទៅរំលោភបូកនៅផ្ទះជួលរហូតបានសម្រេចគ្រប់គ្នា កាលពីថ្ងៃ១៧ តុលា នៅក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ហើយត្រូវម្ដាយនាងរងគ្រោះតាមរកឃើញ ក៏ប្ដឹងឱ្យនគរបាលឃាត់ខ្លួនបានម្នាក់ រីឯបក្សពួកម្នាក់ទៀតគេចខ្លួនបាត់កាលពីរសៀលថ្ងៃទី២០ តុលា ។
មន្ត្រីនគរបាលស្រុកខ្សាច់កណ្ដាល បានឱ្យដឹងថា ជនសង្ស័យដែលបានឃាត់ខ្លួនឈ្មោះសេង ឧស្សាហ៍ ហៅនា អាយុ១៨ឆ្នាំ និងម្នាក់ទៀតដែលបានគេចខ្លួនឈ្មោះ ឃឺន ចាន់ធី អាយុ១៨ឆ្នាំ ។ អ្នកទាំងពីរគ្មានមុខរបរពិតប្រាកដ ពួកគេមានទីលំនៅឃុំពុកឫស្សី ស្រុកខ្សាច់កណ្តាល ។ ចំណែកនារីរងគ្រោះ អាយុ១៦ឆ្នាំ ជាសិស្ស មានទីលំនៅស្រុកខ្សាច់កណ្ដាល ។
មន្ត្រីនគរបាលបានឱ្យដឹងបន្ថែមថា ជនសង្ស័យនិងនារីរងគ្រោះមានទំនាក់ទំនងស្គាល់គ្នាពីមុនមក ។ លុះនៅយប់ថ្ងៃទី១៦ តុលា ឈ្មោះ ឃឺន ចាន់ធី បានបបួលនិងបានឌុបនាងពីវត្តព្រែកបង្កង ឃុំព្រែកតាកូវ ឆ្ពោះទៅវត្តឥន្ទលីបូរណ៍ ភូមិពុកឫស្សីលើ ឃុំពុកឫស្សី ដើម្បីទៅមើលគេរាំធុងបាសនៅទីនោះរហូតដល់ម៉ោង១១យប់ ។
បន្ទាប់មកឈ្មោះ សេង ឧស្សាហ៍ ក៏បានឌុបនាង និងឈ្មោះ ឃឺន ចាន់ធី មកផ្ទះឈ្មោះ វិសា នៅភូមិពុកឫស្សីលើ ឃុំពុកឫស្សី ហើយបានអង្គុយលេងបៀនៅទីនោះរហូតដល់ភ្លឺ ។ នៅថ្ងៃទី១៧ តុលា ម៉ោង៥ព្រឹកឈ្មោះ ឃឺន ចាន់ធី បានឌុបនាងរងគ្រោះទៅផ្ទះជួលរបស់ខ្លួននៅម្តុំស្ទឹងមានជ័យ រាជធានីភ្នំពេញ ដល់ម៉ោង១១ព្រឹកឈ្មោះឃឺន ចាន់ធី បានរំលោភសេពសន្ថវៈលើនារីនោះបានសម្រេចមួយលើក ។ លុះដល់ម៉ោង១២ឈ្មោះ ឃឺន ចាន់ធី បានទូរសព្ទ័ហៅឈ្មោះ សេង ឧស្សាហ៍ ទៅផ្ទះជួលរបស់ខ្លួន ហើយឲ្យឈ្មោះ សេង ឧស្សាហ៍ នៅក្នុងផ្ទះជួលនោះជាមួយជនរងគ្រោះ ដោយឈ្មោះ ឃឺន ចាន់ធី បានចាក់សោពីក្រៅ ។
នៅថ្ងៃទី១៨ តុលា នាងរងគ្រោះនៅក្នុងផ្ទះជួលជាមួយឈ្មោះ សេង ឧស្សាហ៍ ដោយសារឈ្មោះ ឃឺន ចាន់ធី ចាក់សោជាប់ពីខាងក្រៅ ក៏ត្រូវឈ្មោះ សេង ឧស្សាហ៍ បានចាប់រំលោភ នាងបានសម្រេចចំនួនពីរលើក និងនៅថ្ងៃទី១៩ តុលា នាងរងគ្រោះក៏ត្រូវឈ្មោះ ឃឺន ចាន់ធី ឌុបយកមកទុកចោលនៅរង្វង់មូលស្ពានព្រែកតាមាក់ ពេលនោះនាងមិនហ៊ានចូលផ្ទះទេ និងបានទូរស័ព្ទហៅមិត្តភក្តិឲ្យមកយកខ្លួនទៅភ្នំពេញវិញ ។ រហូតដល់ថ្ងៃទី២០ តុលា ឪពុកម្ដាយនាងរងគ្រោះបានរកឃើញឈ្មោះ សេង ឧស្សាហ៍ នៅផ្ទះជួលរបស់ឈ្មោះ ឃឺន ចាន់ធី ម្តុំស្ទឹងមានជ័យ រាជធានីភ្នំពេញ ក៏បាននាំឈ្មោះ សេង ឧស្សាហ៍ ទៅរកយុវតីជាកូនឃើញនៅខណ្ឌឫស្សីកែវ ។
បន្ទាប់ពីរកឃើញ ឪពុកម្តាយបានសួរនាំ ទើបបានដឹងពីហេតុការណ៍ចាប់រំលោភ ក៏បាននាំឈ្មោះ សេង ឧស្សាហ៍ និងកូនស្រីមកដាក់ពាក្យបណ្ដឹងនៅប៉ុស្តិ៍ព្រែកតាកូវ ហើយត្រូវកម្លាំងប៉ុស្តិ៍ឃាត់ខ្លួនបញ្ជូនមកអធិការដ្ឋាននគរបាលស្រុកខ្សាច់កណ្ដាល ដើម្បីសាកសួរបន្ត និងកសាងសំណុំរឿងចាត់ការតាមផ្លូវច្បាប់ ៕
ចែករំលែកព័តមាននេះ