រឿងស្នេហ៍ត្រីកោណ ប្រពន្ធដើមជួលឃាតករថ្លៃ១ពាន់ដុល្លារឱ្យប្រហារជីវិតប្តី
រាជធានីភ្នំពេញ ៖ កោះសន្តិភាពបានចេញផ្សាយជាបន្តបន្ទាប់ ពីហេតុការណ៍ប្រទះឃើញសាកសពបុរសម្នាក់ ដែលត្រូវបានឃាតករវាយសម្លា.ប់រួចយកដុំថ្មចងសណ្ដូន
រាជធានីភ្នំពេញ ៖ កោះសន្តិភាពបានចេញផ្សាយជាបន្តបន្ទាប់ ពីហេតុការណ៍ប្រទះឃើញសាកសពបុរសម្នាក់ ដែលត្រូវបានឃាតករវាយសម្លា.ប់រួចយកដុំថ្មចងសណ្ដូន
រាជធានីភ្នំពេញ ៖ កោះសន្តិភាពបានចេញផ្សាយជាបន្តបន្ទាប់ ពីហេតុការណ៍ប្រទះឃើញសាកសពបុរសម្នាក់ ដែលត្រូវបានឃាតករវាយសម្លាប់រួចយកដុំថ្មចងសណ្ដូនទម្លាក់ទឹកប្រឡាយកប់ក្នុងគំនរសំរាម រហូតហើមស្អុយទៅហើយទើបគេដឹង ហើយភ្លាមៗនោះឃាតករមិនត្រូវបានវែកមុខនោះឡើយ ។ ចំណែកកម្លាំងកងរាជអាវុធហត្ថរាជធានីភ្នំពេញ បានចុះធ្វើការស្រាវជ្រាវជាបន្តបន្ទាប់ ។ ក្រោយពីត្រូវស្ត្រីដែលអះអាងថា ជាប្រពន្ធដើម និងចុងចេញមុខអះអាងពីអត្តសញ្ញាណរបស់អ្នកដែលស្លាប់ថាជា
ប្តីរបស់ខ្លួន ។
រហូតមកដល់យប់ថ្ងៃទី២០ តុលា សមត្ថកិច្ចកំណត់បានមុខសញ្ញាឃាតករ និងឈានដល់ការចាប់ខ្លួនជនដៃដល់ម្នាក់ ។ ជនជាប់ចោទជាឃាតករបានសារភាពថា ប្រពន្ធដើមរបស់ជនរងគ្រោះ គឺជាអ្នកជួលខ្លួនឲ្យសម្លាប់ ដោយឲ្យថ្លៃឈ្នួលចំនួន១ពាន់ដុល្លារ ។ សមត្ថកិច្ចបានដាក់ការសង្ស័យថា នេះជារឿងស្នេហាត្រីកោណខឹងប្ដីក្បត់ចិត្តទៅមានប្រពន្ធចុងម្នាក់ទៀត ។
គួររំលឹកផងដែរថា កាលពីវេលាម៉ោង១០និង៤០នាទីព្រឹកថ្ងៃទី១៤ តុលា មានហេតុការណ៍ភ្ញាក់ផ្អើលមួយបានកើតឡើង បន្ទាប់ពីប្រជាពលរដ្ឋបានប្រទះឃើញសាកសពបុរសម្នាក់អណ្ដែតនៅក្នុងទឹកប្រឡាយមួយកន្លែង ដោយមានគេចងថ្មសណ្តូនពន្លិចផង មានទីតាំងស្ថិតនៅខាងក្រោយសួនឧស្សាហកម្មកាណាឌីយ៉ា ភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។ បុរសដែលស្លាប់នោះឈ្មោះ កៅ ផា អាយុ៤៨ឆ្នាំ មុខរបរបើកបររថយន្តឈ្មួលពីខេត្តស្វាយរៀងចូលទៅខេត្តកំពង់ចាម និងរាជធានីភ្នំពេញ និងមានទីលំនៅក្នុងភូមិត្រពាំងដំរី ឃុំកំពង់អំពិល ស្រុករំដួល ខេត្តស្វាយរៀង ។
បុរសរងគ្រោះមានប្រពន្ធដើមឈ្មោះ សៅ សំអឿន អាយុ៤៦ឆ្នាំ មានកូនចំនួន៤នាក់ ប្រុស៣នាក់ ស្រី១នាក់ រស់នៅក្នុងបន្ទុកគ្រួសារ និងប្រពន្ធចុងឈ្មោះ ចាប សាម៉េត អាយុ៣៣ឆ្នាំ មុខរបរកម្មការិនីរោងចក្រកាត់ដេរ ស្នាក់នៅក្នុងភូមិចុងព្រែក ឃុំកំពង់ព្រែក ស្រុករមាសហែក និងមានស្រុកកំណើតភូមិតាហង់ ឃុំអណ្តូងពោធិ៍ ស្រុករមាសហែក ខេត្តស្វាយរៀងទំនាក់ទំនងស្នេហាជាមួយប្រពន្ធចុងនោះមិនមានកូន ។ តាមប្រភពព័ត៌មានបានឱ្យដឹងថា មុនត្រូវសម្លាប់ឈ្មោះ កៅ ផា បានចេញពីផ្ទះ ដោយបើកបររថយន្តម៉ាក សាំយ៉ុង ពណ៌ស ពាក់ស្លាកលេខ ភ្នំពេញ 2AB-4728 និងចិញ្ចៀនមាសមួយវង់ទម្ងន់៥ជីផងដែរ គឺបានដឹកម៉ូយទៅខេត្តសៀមរាបក៏បាត់ដំណឹងតែម្តង ។
លុះដល់ថ្ងៃទី១៦ តុលា ត្រូវបានគេប្រទះឃើញសាកសពត្រូវឃាតករវាយសម្លាប់រួចយកខ្សែនីឡុងចងជើងទាំងពីរ ព្រមទាំងយកខ្សែគោចងជាប់ចង្កេះ រួចបានយកដុំថ្មចងសណ្ដូនទម្លាក់ចូលទៅក្នុងប្រឡាយទឹកសំអុយ ។ បន្ទាប់ពីការធ្វើកោសល្យវិច័យរួលរាល់ នគរបាលបាននាំយកសាកសពទៅដាក់ឈាបនដ្ឋានវត្តគោកចំបក់ រង់ចាំក្រុមគ្រួសារទៅទទួលយក ប៉ុន្តែមិនឃើញក៏សម្រេចបូជានៅទីនោះ ព្រោះមិនអាចរក្សាសពទុកបានយូរនោះទេ ព្រោះពេលប្រទះឃើញនោះសពមានស្ថានភាពហើមស្អុយទៅហើយ ។ លុះដល់វេលាល្ងាចថ្ងៃទី១៥ តុលា ទើបមានស្ត្រី២នាក់ដែលជាប្រពន្ធដើម និងប្រពន្ធចុង ព្រមទាំងកូនបានទៅរកនិងអះអាងថា អ្នកស្លាប់គឺជាប្ដី និងជាឪពុករបស់ខ្លួន ដោយចំណាំតាមរយៈសម្លៀកបំពាក់ និងខ្សែក្រវាត់ដែលនគរបាលបានដោះទុកមុនពេលបូជា ទើបពេលនោះសមត្ថកិច្ចបានស្គាល់អត្តសញ្ញាណរបស់សព ។
ប្រភពខាងលើបានបន្តថា ខណៈនោះប្រពន្ធដើមបាននិយាយប្រាប់នគរបាលថា ប្ដីរបស់ពួកគាត់ត្រូវបានបុរសម្នាក់ឈ្មោះ សូ ផា ហៅ អ៊ូក អាយុ៣០ឆ្នាំ ដែលមានមុខរបរបើកបររថយន្តឈ្នួលដែរ និងមានទីលំនៅក្នុងភូមិជាមួយគ្នានោះជួលរថយន្តប្ដីគាត់ជិះ ដោយប្រាប់ថាទៅកាន់ខេត្តសៀមរាប ទាំងទៅនិងមកក្នុងតម្លៃ២៥០ដុល្លារអាមេរិក ។
បន្ទាប់ពីនិយាយត្រូវរ៉ូវគ្នាហើយ ក៏បានចាកចេញពីផ្ទះ កាលពីវេលាម៉ោង៤ទៀបភ្លឺថ្ងៃទី១២ តុលា ខណៈនោះរូបគាត់ដែលជាប្រពន្ធដើមបានទំនាក់ទំនងសួរនាំប្ដីតាមទូរស័ព្ទជាញឹកញាប់ហើយបានខលចូល និងទាក់ទងគ្នាបានរហូតដល់វេលាល្ងាចថ្ងៃដដែល ស្រាប់តែខលលែងចូល ហើយ២ថ្ងៃក្រោយមកទើបគេប្រទះឃើញសពប្តី ។
សមត្ថកិច្ចបានចាប់អារម្មណ៍ផងដែរ គឺនៅពេលដឹងថាប្ដីស្លាប់ នាងប្រពន្ធចុងបានសោក សង្រេងដោយសារស្តាយស្រណោះជីវិតប្តី ផ្ទុយទៅវិញប្រពន្ធដើមអត់យំសោះ និងមានទឹកមុខធម្មតាៗគួរឲ្យមានការសង្ស័យ ។ ដើម្បីវែកមុខឃាតករ ខណៈនោះកម្លាំងនគរបាល និងកងរាជអាវុធហត្ថបានធ្វើការស្រាវជ្រាវរៀងៗខ្លួន។ ប្រភពដដែលបានបន្តថា រហូតមកដល់យប់ថ្ងៃទី២០ តុលា ទើបកម្លាំងកងរាជអាវុធហត្ថរាជធានីភ្នំពេញបញ្ចេញស្នាដៃ បំបែកសំណុំរឿងដ៏អាថ៌កំបាំងមួយនោះ ដោយបានកំណត់មុខសញ្ញាឃាតករ និងអ្នកនៅពីក្រោយខ្នង ហើយបានឈានទៅដល់ការចាប់ខ្លួនជនដៃដល់ម្នាក់ឈ្មោះ សូ ផា ហៅ អ៊ូក នៅចំណុចផ្ទះជួល ដែលមានទីតាំងស្ថិតនៅក្បែររបងរោងចក្រសួនឧស្សាហកម្មកាណាឌីយ៉ា ស្ថិតក្នុងភូមិ ត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ គឺជននេះហើយដែលជួលរថយន្តថាជិះទៅសៀមរាប ។
ក្រោយការចាប់ខ្លួនជននេះបានសារភាពប្រាប់កម្លាំងកងរាជអាវុធហត្ថថា ខ្លួនពិតជាបានសម្លាប់ជនរងគ្រោះមែន ដោយប្រពន្ធដើមបុរសនោះឈ្មោះ សៅ សំអឿន ជាអ្នកជួលឲ្យសម្លាប់ដោយឲ្យថ្លៃឈ្នួលចំនួន១ពាន់ដុល្លារ ។ បន្ទាប់មកពួកគេបានរៀបចំផែនការនាំជនរងគ្រោះទៅសម្លាប់ ដោយបានឲ្យខ្លួនជាអ្នកជួល ជនរងគ្រោះឲ្យដឹកទៅកាន់ខេត្តសៀមរាប ក្នុងតម្លៃ២៥០ដុល្លារអាមេរិក ហើយពេលទៅដល់ក្នុងភូមិសាស្ត្រខេត្តកំពង់ធំ ខណៈពេលជនរងគ្រោះឈប់រថយន្ត ចុះបត់ជើងតូច(នោម)ខ្លួនក៏បានវាយពីក្រោយរហូតដល់ស្លាប់ រួចបានដឹកសពត្រឡប់យកទៅចោលក្នុងប្រឡាយទឹកនោះតែម្ដង ។ បន្ទាប់មក ក៏បានបើករថយន្តយកទៅប្លុងចោលនៅក្នុងស្រុករមាសហែក ខេត្តស្វាយរៀង និងត្រូវបានសមត្ថកិច្ចរកឃើញ កាលពីថ្ងៃទី១៨ តុលា ហើយក្រោយពេលបានចម្លើយសារភាពខ្លះៗពីជននោះ កម្លាំងកងរាជអាវុធហត្ថ រាជធានីភ្នំពេញបានបន្តទៅឃាត់ខ្លួនស្ត្រីជាប្រពន្ធដើម និងអ្នកពាក់ព័ន្ធឯទៀត ។
តាមប្រភពក្រៅផ្លូវការខ្លះបាននិយាយថា ឃាតករដៃដល់មាន២នាក់ រួមជាមួយស្រីស្នេហ៍ម្នាក់ផង ។ ប៉ុន្តែប្រភពខ្លះទៀតថា ស្រីស្នេហ៍របស់ជនដៃដល់មិនមានពាក់ព័ន្ធទេ ។
ដោយសារការចាប់បានជនដៃដល់ត្រូវបានអ្នកចាប់កំពុងលាក់បាំង មិនបញ្ចេញព័ត៌មានឱ្យអ្នកសារព័ត៌មានបានដឹងនោះ ទើបការផ្សាយពីព័ត៌មានពិតស្ថិតក្នុងភាពមិនច្បាស់លាស់ ។
ចាប់បានឧក្រិដ្ឋជន គឺជាស្នាដៃធំធេងណាស់ ឯការលាក់បាំង គឺជារឿងផ្សេងទៀត នាំឱ្យមានការសង្ស័យផ្សេងៗ តើចាំបាច់អីត្រូវព្យាយាមលាក់យ៉ាងនេះ ?
ចែករំលែកព័តមាននេះ