ខណ្ឌជលផលបញ្ជូនមនុស្ស៥នាក់ទៅតុលាការបន្តឃុំខ្លួននៅពន្ធនាគារ
ខេត្តស្ទឹងត្រែង ៖ តាមរបាយការណ៍នៃខណ្ឌរដ្ឋបាលជលផលខេត្តស្ទឹងត្រែងបានបង្ហាញថាមនុស្សចំនួន៥នាក់ត្រូវបានចាប់ខ្លួនបញ្ជូនទៅកាន់តុលាការជាមួយសំណុំរឿងបទល្មើស
ខេត្តស្ទឹងត្រែង ៖ តាមរបាយការណ៍នៃខណ្ឌរដ្ឋបាលជលផលខេត្តស្ទឹងត្រែងបានបង្ហាញថាមនុស្សចំនួន៥នាក់ត្រូវបានចាប់ខ្លួនបញ្ជូនទៅកាន់តុលាការជាមួយសំណុំរឿងបទល្មើសមួយចំនួនប្រព្រឹត្តនៅខេត្តស្ទឹងត្រែងហើយក្នុងនោះតុលាការក៏បានសម្រេចឃុំខ្លួននៅពន្ធនាគារផងដែរ។
លោក ទុំ នីរ៉ូ ប្រធានស្តីទីខណ្ឌរដ្ឋបាលជលផលខេត្តស្ទឹងត្រែងបានឲ្យដឹថា បទល្មើសនេសាទបានកើតឡើងនៅតាមតំបន់មួយចំនួនហើយត្រូវកម្លាំងរដ្ឋបាលជលផលរួមសហការណ៍ជាមួយ អធិការដ្ឋានរដ្ឋបាលជលផលមេគង្គ និងរដ្ឋបាលជលផលថ្នាក់ជាតិ អាជ្ញាធរមូលដ្ឋាន កម្លាំងឆ្មាំទន្លេ សហគមន៍នេសាទ បរិស្ថាននុរក្ស នគរបាលប៉ុស្តិ៍រដ្ឋបាល វរៈសេនាតូច នគរបាលព្រំដែនគោកលេខ៧០១ វរៈសេនាតូចយោធាការពារព្រំដែនលេខ៤២៣ប្រចាំការនៅតំបន់អូរតាឡាស់ បានចុះបង្ក្រាបបទល្មើសជលផលសម្រេចបានជាលទ្ធផលក្នុងនោះរួមមាន រឹបអូសនិងបំផ្លាញចោលនូវឧបករណ៍ដាយ ចំនួន១៥មាត់ មានប្រវែងសរុប២៧៦ម៉ែត្រ បង្គោល២០០ដើម ក្តារបន្ទះបះធ្វើព្រួល១២០សន្លឹក តង់១ ថ្នង់ដួសត្រី៤ ទ្រុងប្រស់ត្រី១ ជៀលផ្តៅ១ កញ្ច្រែងជ័រ១ កានចំណុះ៣០លីត្រ១ រឹបអូសទូកពីជនសង្ស័យឆក់ត្រី ៣គ្រឿង ម៉ាស៊ីន៣គ្រឿង ក្បាលឆក់៥គ្រឿង អាគុយ៣គ្រឿង សំណាញ់១វង់ ម្សៅថ្នាំពុល១កំប៉ុង មងក្រឡាតូចចំនួនជាង១,៥ សង់ទីម៉ែត្រ និងធំជាង១៥សង់ទីម៉ែត្របានប្រវែង៣៨,០០២ម៉ែត្រ សន្ទូចចំនួនននោង លួចដាក់នៅក្នុងតំបន់អភិរក្សចំនួន១,២២១ផ្លែ។
លោកបន្តថាក្នុងនោះជំនាញបានឃាត់ខ្លួនមនុស្សចំនួន៥នាក់កសាងសំណុំរឿងបញ្ជូនទៅអយ្យការអមសាលាដំបូងខេត្ត បានណែនាំអប់រំអ្នកនេសាទកុំឲ្យនេសាទដោយមងគ្រប់ប្រភេទក្នុងតំបន់អភិរក្ស និងមងប្រវែងលើសពី១០០ម៉ែត្រ ក្នុងរដូវបិទនេសាទបានចំនួន១៩៣ទូក ធ្វើការប្រមាណ និងធ្វើកិច្ចសន្យាឲ្យបញ្ឈប់នេសាទដោយមងប្រវែងជាង១០០ម៉ែត្រក្នុងរដូវបិទនេសាទចំនួន១៧៨ទូកក្នុងរយៈពេល១០ខែចាប់ពីខែមករា ២០១៦ ដល់ខែតុលា ២០១៦។
លោកប្រធានស្តីទីបានបន្តថាសកម្មភាពនេសាទខុសច្បាប់នោះរួមមានការនេសាទដោយឧបករណ៍ឆក់ និងប្រើប្រាស់សារធាតុពុល។ លោកបានបញ្ជាក់ថាកម្លាំងជំនាញរួមទាំង កម្លាំងសហការណ៍នៅតែបន្តការបង្ក្រាបឲ្យមានប្រសិទ្ធធានាបានការការពារធនធានធម្មជាតិ និងលប់បំបាត់រាល់សកម្មភាពល្មើសច្បាប់ទាំងផងដែរ៕
ចែករំលែកព័តមាននេះ