រាជធានីភ្នំពេញ ៖ ជនសង្ស័យជួញដូរ និងប្រើប្រាស់គ្រឿងញៀ.នចំនួន១៦នាក់ ក្នុងនោះមានស្ត្រី២នាក់ត្រូវបានកម្លាំងនគរបាលខណ្ឌសែនសុខ ឃាត់ខ្លួន ក្នុងការចុះរដ្ឋបាលកាលពីម៉ោង១២ថ្ងៃត្រង់
រាជធានីភ្នំពេញ ៖ ជនសង្ស័យជួញដូរ និងប្រើប្រាស់គ្រឿងញៀនចំនួន១៦នាក់ ក្នុងនោះមានស្ត្រី២នាក់ត្រូវបានកម្លាំងនគរបាលខណ្ឌសែនសុខ ឃាត់ខ្លួន ក្នុងការចុះរដ្ឋបាលកាលពីម៉ោង១២ថ្ងៃត្រង់ ថ្ងៃទី២១ ខែតុលា ឆ្នាំ២០១៦នេះ នៅក្នុងភូមិបុរីកម្មករ (ត្រពាំងឈូក)ដែលជាតំបន់ស្មុគស្មាញ។
នៅក្នុងប្រតិបត្តិការនេះ សមត្ថកិច្ចដកហូតថ្នាំញៀនគ្រឿងញៀនប្រភេទម៉ាទឹកកក៥កញ្ចប់ និងឧបករណ៍ប្រើប្រាស់មួយចំនួនទៀត។ លោកវរៈសេនីយ៍ឯក ម៉ក់ ហុង អធិការនគរបាលខណ្ឌ សែនសុខបានឲ្យដឹងថា ដោយមានបទបញ្ជាពីលោកអគ្គស្នងការរងនគរបាលជាតិ និងជាស្នងការរាជធានីភ្នំពេញ លោកបានបញ្ជាឲ្យកម្លាំងនគរបាលចុះសហការណ៍ធ្វើរដ្ឋបាលនៅចំណុចខាងលើដែលជាតំបន់ស្មុគស្មាញហើយឈានទៅឃាត់ខ្លួន ជនសង្ស័យជួញដូរ និងប្រើប្រាស់គ្រឿងញៀនចំនួន១៦នាក់ក្នុងនោះមានស្ត្រី២នាក់ព្រមទាំងដកហូតបានវត្ថុតាង មួយចំនួនផងដែរ។
គួរបញ្ជាក់ថា ក្នុងភូមិបុរីកម្មករ(ត្រពាំងឈូក) ជាកន្លែងចែកចាយចរាចរគ្រឿងញៀន និងជាកន្លែងផ្តល់ទីតាំង ដល់ក្រុមយុវជននាំគ្នាទៅប្រើប្រាស់គ្រឿងញៀន។ កន្លងមក តំបន់នេះជាតំបន់មួយដែលអាជ្ញាធរយកចិត្តទុកដាក់ ហើយចុះរដ្ឋបាលឃាត់ជនសង្ស័យជាបន្តបន្ទាប់មិនចេះអស់៕
ចែករំលែកព័តមាននេះ