រាជរដ្ឋាភិបាលគ្រោងចំណាយជាង៥ពាន់លានដុល្លារនៅឆ្នាំ២០១៧
រាជធានីភ្នំពេញ ៖ ទីបំផុតទៅសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០១៧ បានត្រូវគណៈរដ្ឋមន្ត្រីអនុម័តហើយនៅព្រឹកថ្ងៃទី២១ តុលា ២០១៦ …
រាជធានីភ្នំពេញ ៖ ទីបំផុតទៅសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០១៧ បានត្រូវគណៈរដ្ឋមន្ត្រីអនុម័តហើយនៅព្រឹកថ្ងៃទី២១ តុលា ២០១៦ ។
បើតាមតួលេខថវិកាជាតិដែលត្រូវចំណាយសម្រាប់ឆ្នាំ២០១៧ និង ដែលត្រូវបានបង្ហាញឡើងនៅក្នុងសម័យប្រជុំពេញអង្គ គណៈរដ្ឋមន្ត្រីក្រោមអធិបតីភាពដ៍ខ្ពង់ខ្ពស់សម្តេចតេជោ ហ៊ុន សែន កាលពីព្រឹកថ្ងៃសុក្រមានចំនួន២០១៨៤៤៥៧លានរៀលស្មើនឹងជាង៥ពាន់លានដុល្លារអាមេរិកនិងស្មើនឹង២២,៦៧%នៃGDP (ផលិតផលសរុបក្នុងស្រុក=ផ.ស.ស) គឺកើនចំនួន១៥,៦% បើធៀបទៅនឹងឆ្នាំ២០១៦ ។
ថវិកាជាតិនៅឆ្នាំ២០១៧ខាងលើក៍រួមទាំងការចំណាយលើការដំឡើងបៀវត្សមន្ត្រីរាជការ កងកម្លាំងប្រដាប់អាវុធក្នុងអត្រា១២% នៃការចំណាយលើបន្ទុកបុគ្គលិក ការដំឡើងប្រាក់ឧបត្ថម្ភប្រពន្ធមន្ត្រីនិងកងកម្លាំង១៥០០០រៀល កូន១០០០០រៀលនិងប្រាក់បំណាច់មុខងារ ប្រាក់សោធននិវត្តន៍ និងប្រាក់មន្ត្រីជាប់កិច្ចសន្យាផងដែរ ។
ក្រៅពីអនុម័តថវិកាជាតិសម្រាប់គ្រប់គ្រងឆ្នាំ២០១៧ គណៈរដ្ឋមន្ត្រីក៍បានអនុម័តផងដែរនូវសេចក្តីព្រាងច្បាប់ស្តីពីការទូទាត់ថវិកា ទូទៅរបស់រដ្ឋសម្រាប់ការគ្រប់គ្រងឆ្នាំ២០១៥ និង សេចក្តីព្រាងយុទ្ធសាស្ត្រអភិវឌ្ឍវិស័យហិរញ្ញវត្ថុឆ្នាំ២០១៦-២០២៥ ៕
ចែករំលែកព័តមាននេះ