ព្រឹកមិញ ! ផ្អើលអស់កន្លែងលក់ម៉ូតូនៅក្រុងកំពង់ចាម
ខេត្តកំពង់ចាម ៖ កម្លាំងសមត្ថកិច្ចចម្រុះកាលពីព្រឹកថ្ងៃទី២១ ខែតុលា ឆ្នាំ២០១៦ បានឆ្មក់ចុះធ្វើរដ្ឋបាលចំហរទ្រង់ទ្រាយធំដែលមិនធ្លាប់មានមុនមកនៅតាមទីតាំងហាងលក់ម៉ូតូធំៗ …
ខេត្តកំពង់ចាម ៖ កម្លាំងសមត្ថកិច្ចចម្រុះកាលពីព្រឹកថ្ងៃទី២១ ខែតុលា ឆ្នាំ២០១៦ បានឆ្មក់ចុះធ្វើរដ្ឋបាលចំហរទ្រង់ទ្រាយធំដែលមិនធ្លាប់មានមុនមកនៅតាមទីតាំងហាងលក់ម៉ូតូធំៗ …
ខេត្តកំពង់ចាម ៖ កម្លាំងសមត្ថកិច្ចចម្រុះកាលពីព្រឹកថ្ងៃទី២១ ខែតុលា ឆ្នាំ២០១៦ បានឆ្មក់ចុះធ្វើរដ្ឋបាលចំហរទ្រង់ទ្រាយធំដែលមិនធ្លាប់មានមុនមកនៅតាមទីតាំងហាងលក់ម៉ូតូធំៗប្រមាណ២០កន្លែងនៅក្រុងកំពង់ចាមដោយមិនឲ្យម្ចាស់ដឹងជាមុន ។
លោក ប្រាក់ ចាន់ធី នាយកសាខាគយ និងរដ្ឋាករខេត្តកំពង់ចាម បានមានប្រសាសន៍ឲ្យដឹងថា ដោយសារកម្លាំងសម្ងាត់បានផ្តល់ព័ត៌មានមកថា នៅតាមហាងលក់ម៉ូតូមួយចំនួននៅក្នុងក្រុងកំពង់ចាមនៅតែបន្តលក់ម៉ូតូមិនបានបង់ពន្ធនាំចូលដោយស្របច្បាប់ ហេតុដូច្នេះហើយទើបរូបលោកបានដឹកនាំកម្លាំងជាច្រើននាក់សហការជាមួយនគរបាលអន្តរាគមន៍ខេត្ត អាវុធហត្ថ ដោយមានការចូលរួមសម្របសម្រួលពីស្ថាប័នតុលាការខេត្តចុះត្រួតពិនិត្យ និងធ្វើរដ្ឋបាលតាមហាងម៉ូតូជាច្រើនដោយមិនឲ្យម្ចាស់ដឹងជាមុន ។
លោក ប្រាក់ ចាន់ធី បន្តថា ពេលចុះធ្វើរដ្ឋបាលនោះគឺធ្វើឡើងនៅតាមហាងលក់ម៉ូតូធំៗប្រមាណ២០កន្លែង ក្នុងនោះមានហាងដូចជា ហាង វ៉ា ពេជ្រ, ហាង លីម ប៉ោហ័ង, ហាង លី ហួ, ហាង លីម គឹមឃាង រួមនឹងផ្ទះលក់ម៉ូតូផ្សេងៗទៀត ដោយដកហូតបានម៉ូតូគេចពន្ធចំនួន១៦គ្រឿងយកមករក្សាទុកបណ្ដោះអាសន្ននៅស្នាក់ការគយ និងរដ្ឋាករខេត្ត ដើម្បីកោះហៅម្ចាស់ឲ្យមកធ្វើកំណត់ហេតុដើម្បីបញ្ជូនទៅថ្នាក់លើដោះស្រាយតាមច្បាប់នៅពេលក្រោយ ។
លោកនាយកសាខាគយនិងរដ្ឋាករខេត្ត បញ្ជាក់ថា ក្នុងពេលដែលរូបលោកចុះតាមហាងលក់ម៉ូតូក៏មានអ្នកខ្លះបានទាញម៉ូតូជិះគេចចេញពីសមត្ថកិច្ច ដែលតាមការសន្និដ្ឋានម៉ូតូប៉ុន្មានគ្រឿងនោះអាចនឹងមិនមានពន្ធត្រឹមត្រូវទើបជិះរត់ដូច្នេះ ។ ហើយតាមការសង្កេតឃើញថា ពលរដ្ឋកាន់តែមានការភ្ញាក់រលឹកខ្ពស់ ដោយបានបំពេញកតាព្វកិច្ចបង់ពន្ធត្រឹមត្រូវបានច្រើនគួរឲ្យកត់សំគាល់ នៅសល់ខ្លះៗសូមធ្វើយ៉ាងណាគោរពច្បាប់ឲ្យបានគ្រប់ៗគ្នាទើបជាការប្រសើរ ។ ហើយរូបលោកនឹងបន្តដឹកនាំកម្លាំងចុះឆែកតាមហាងលក់ម៉ូតូនៅពេលក្រោយៗទៀតឲ្យបានដូចភ្លៀងរលឹម ៕
ចែករំលែកព័តមាននេះ