ក្នុងសេចក្តីប្រកាសកាលមួយពីថ្ងៃទី២០ តុលា ទីបញ្ជាការដ្ឋានកងទ័ពស៊ីរីនិយាយថា កងទ័ពរដ្ឋាភិបាលស៊ីរីនឹងបា.ញ់ទម្លាក់យន្តហោះតួកគីក្នុងករណីមានការវាយប្រហារថ្មីៗប្រឆាំងដែនដីស៊ីរី ។
ក្នុងសេចក្តីប្រកាសកាលមួយពីថ្ងៃទី២០ តុលា ទីបញ្ជាការដ្ឋានកងទ័ពស៊ីរីនិយាយថា កងទ័ពរដ្ឋាភិបាលស៊ីរីនឹងបាញ់ទម្លាក់យន្តហោះតួកគីក្នុងករណីមានការវាយប្រហារថ្មីៗប្រឆាំងដែនដីស៊ីរី ។
សេចក្តីប្រកាសនោះអះអាងថា កងទ័ពស៊ីរីនឹងវាយបកវិញចំពោះការប៉ុនប៉ងថ្មីរំលោភដែនអាកាសស៊ីរីពីសំណាក់បណ្តាយន្តហោះតួកគី ។ យន្តហោះទាំងនោះនឹងបាញ់ទម្លាក់តាមគ្រប់មធ្យោបាយដែលមាន ។
ទីបញ្ជាការដ្ឋានយោធាស៊ីរីចោទប្រកាន់កងទ័ពអាកាសតួកគីថាទម្លាក់គ្រាប់បែកលើភូមិទាំងឡាយនាភាគខាងជើងក្រុងអាឡែប ។ សេចក្តីប្រកាសគូសបញ្ជាក់ថា របបលោកអ័រដូហ្គាន ជាអ្នកទទួលខុសត្រូវលើការសម្លាប់ជនស៊ីវិល១៥០នាក់ នៅភូមិ HASSADJEK ភូមិ VARDIA និងភូមិ HESSYA ក្នុងការវាយប្រហារតាមអាកាសនានា ។
កាលពីថ្ងៃទី២៤ សីហាកន្លងមកនេះកងទ័ពតួកគីបានធ្វើប្រតិបត្តិការយោធាមួយឈ្មោះថា BOULLIER DE L’EUPHRATE ប្រឆាំងពួករដ្ឋអ៊ិស្លាម ។ កងទ័ពនោះបានវាយបណ្តេញពួកជីហាដ ចេញពីក្រុង JARABLUS របស់ស៊ីរីនៅជាប់ព្រំដែនជាមួយការចូលរួមរបស់ពួកប្រឆាំងស៊ីរីដែលតួកគីជួយទ្រទ្រង់រួចបន្តការវាយលុកសំដៅទៅភាគអាគ្នេយ៍។ ប្រធានាធិបតីតួកគីលោកវីស៊ីបតៃយីបអ័រដូហ្គានថ្លែងថា ប្រតិបត្តិការនោះសំដៅបណ្តេញពួកភេរវករចេញពីដែនដីមួយមានទំហំសរុប៥០០០គីឡូម៉ែត្រក្រឡា ហើយបង្កើតតំបន់សន្តិភាពមួយសម្រាប់ទទួលពួកជនភៀសខ្លួន ៕
ចែករំលែកព័តមាននេះ