រាជធានីភ្នំពេញ ៖ បុរសម្នាក់ត្រូវបុរស២នាក់ព្រួតគ្នាវាយរហូតសន្លប់ស្តូកស្តឹងរួចជិះម៉ូតូគេចខ្លួនបាត់ បន្ទាប់ពីភាគីទាំង២បានជិះម៉ូតូបុកគ្នាបង្កឲ្យមានការភ្ញាក់ផ្អើលកាលពីវេលា …
រាជធានីភ្នំពេញ ៖ បុរសម្នាក់ត្រូវបុរស២នាក់ព្រួតគ្នាវាយរហូតសន្លប់ស្តូកស្តឹងរួចជិះម៉ូតូគេចខ្លួនបាត់ បន្ទាប់ពីភាគីទាំង២បានជិះម៉ូតូបុកគ្នាបង្កឲ្យមានការភ្ញាក់ផ្អើលកាលពីវេលាម៉ោង៨ និង០៥នាទីយប់ ថ្ងៃទី២០ ខែតុលា ឆ្នាំ២០១៦ តាមបណ្តោយផ្លូវជាតិលេខ៣ ស្ថិតក្នុងភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះជិះម៉ូតូម៉ាកហុងដាឌ្រីម (សង់ប៊ិច) ពណ៌ខ្មៅ ពាក់ស្លាកលេខ ភ្នំពេញ 1BE-2359 បើកបរក្នុងទិដៅពីត្បូងទៅជើងតែម្នាក់ឯង ចំណែកម៉ូតូបង្កជិះគ្នា២នាក់ មិនចាំម៉ាក ជិះឆ្លងផ្លូវលិចទៅកើត ។
ប្រភពព័ត៌មានពីប្រជាពលរដ្ឋដែលបានឃើញហេតុការណ៍បានឲ្យដឹងថា មុនពេលកើតហេតុគេឃើញម៉ូតូរងគ្រោះបើកបរក្នុងទិសដៅពីត្បូងទៅជើង លុះមកដល់ចំណុចកើតហេតុស្រាប់តែម៉ូតូបង្កជិះគ្នា២នាក់បើកឆ្លងផ្លូវក្នុងទិសដៅលិចទៅកើតក្នុងល្បឿនលឿនបានបុកម៉ូតូរងគ្រោះបណ្តាលឲ្យដួលរងរបួសស្រាល ។ បន្ទាប់មកក៏បានឈ្លោះប្រកែកគ្នា ដោយខាងម៉ូតូបង្កចោទប្រកាន់ថាជនរងគ្រោះជាអ្នកបើកម៉ូតូបុកម៉ូតូរបស់គេ រួចហើយអ្នកជិះម៉ូតូបង្កទាំង២នាក់បានគ្នាព្រួតវាយជនរងគ្រោះម្នាក់ឯងរហូតដេកដួលសន្លប់ រួចលើកម៉ូតូជិះចេញទៅបាត់ ។
ចំណែកជនរងគ្រោះបន្ទាប់ពីសន្លប់មួយសន្ទុះទើបបានដឹងខ្លួនតិចៗបាននិយាយប្រាប់ថា មិនដឹងមូលហេតុអ្វីទេបានជាអ្នកជិះម៉ូតូបង្កបុកម៉ូតូរបស់គាត់ហើយនាំគ្នាព្រួតវាយគាត់បែបនេះ ។
ក្រោយពេលកើតហេតុ ជនរងគ្រោះត្រូវបានរថយន្តរបស់អង្គភាព៧១ដឹកយកទៅព្យាបាលនៅមន្ទីរពេទ្យព្រះកុសមៈ ចំណែកម៉ូតូត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលចោមចៅ ៕
ចែករំលែកព័តមាននេះ