វិមានក្រឹមឡាំងនិយាយកាលពីថ្ងៃទី១០ មីនាថា ប្រធានាធិបតីរុស្ស៊ី លោកឌីមីទ្រី ម៉េដវ៉េដេវ បានចុះហត្ថលេខាលើក្រិត្យមួយហាមប្រាមលើការផ្គត់ផ្គង់អាវុធទៅឱ្យប្រទេសលីប៊ី ។ ការិយាល័យព័ត៌មានប្រធានាធិបតីរុស្ស៊ីឱ្យដឹងថា ក្រិត្យនេះជាវិធានការដើម្បីអនុវត្តដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិលេខ១៩៧០ ដែលហាមប្រាមការផ្គត់ផ្គង់អាវុធ គ្រឿងផ្ទុះ និងឧបករណ៍យោធាទៅឱ្យលីប៊ី ជាប្រទេសមួយស្ថិតនៅអាហ្វ្រិកខាងជើង ។
ជាមួយគ្នានេះ ទីភ្នាក់ងារព័ត៌មានរុស្ស៊ី Interfax រាយការណ៍ថា ស្ថិតក្រោមក្រិត្យនេះ រុស្ស៊ីនឹងពិនិត្យរាល់ទំនិញទាំងអស់ចេញ និងចូលប្រទេសលីប៊ី ប្រសិនបើព័ត៌មានផ្តល់ហេតុផលគួរឱ្យជឿទុកចិត្តថា ទំនិញទាំងនោះមានលាក់របស់ដែលហាមប្រាម ៕
ចែករំលែកព័តមាននេះ