តើអ្នកមានមុខចាស់ជាងវ័យឬ ? ក្រៅពីហ្សែន មានកត្តាជាច្រើនធ្វើឲ្យមុខអ្នកចាស់កាន់តែលឿន។ សូមបង្ហាញទម្លាប់រស់នៅប្រចាំថ្ងៃចំនួន ៨ ធ្វើឲ្យអ្នកមើលទៅក្មេងជាងវ័យ ដោយមិនចាំបាច់ប្រើប្រាស់ថ្នាំ ឬវះកាត់កែសម្រស់។ សូមចងចាំថាវាមិនយឺតពេលពេកទេក្នុងការចាប់ផ្តើមឥឡូវនេះ ដូច្នេះចូរផ្លាស់ប្តូរបៀបរស់នៅទាំងនេះ ។
១-របបអាហារមានជាតិខ្លាញ់ទាប
ដើម្បីបងា្ករភាពជ្រីវជ្រួញ វាជាការសំខាន់ក្នុងការទទួលទានអាស៊ីតខ្លាញ់អូមេហ្គា៣ ដែលវាជួយរក្សាស្បែកឱ្យមានភាពទន់រលោង។ របបអាហារដែលមានជាតិខ្លាញ់ទាបជួយទប់ស្កាត់សមាសភាគដែលបណ្តាលឲ្យមុខយើងចាស់ជាងវ័យ។
២-ការប្រើប្រាស់់បំពង់បឺត
នៅពេលយើងបឺតភេសជ្ជៈដោយប្រើប្រាស់បំពង់បឺត សាច់ដុំបបូរមាត់របស់អ្នកនឹងប្រឹងដែលអាចបង្កឱ្យមានស្នាមជ្រីវជ្រួញនៅជុំវិញមាត់របស់អ្នក ។ ការជក់បារីក៏ឲ្យលទ្ធផលដូចគ្នាដែរ សូមទទួលទានដោយផ្ទាល់ពីកែវ ។ ចំពោះ អ្នកជក់បារីសូមព្យាយាមបញ្ឈប់វា ។ វាអាចប្រើពេលយូរ និងលំបាក ប៉ុន្តែអត្ថប្រយោជន៍នៃការឈប់ជក់បារីគឺច្រើន ។
៣-ដេកចំហៀង
ការដេកចំហៀង និងបែរមុខទៅរកខ្នើយអាចបណ្តាលឲ្យកើតស្នាមជ្រីវជ្រួញនៅលើថ្ពាល់ និងចង្កា ។ អ្នកជំនាញបាននិយាយថា ការដេកផ្ងារគឺជាជម្រើសដ៏ល្អបំផុតក្នុងការដេក និងរក្សាសម្រស់អ្នកឲ្យនៅតែស្រស់ស្អាត និងក្មេងជាងវ័យ។
៤-ឥរិយាបថមិនល្អ
ឥរិយាបថមិនល្អអាចធ្វើឲ្យឆ្អឹងខ្នងរបស់អ្នកកោង ហើយជាលទ្ធផលសាច់ដុំ និងឆ្អឹងរបស់អ្នកនឹងមានភាពខុសប្រក្រតី ។ ការខូចខាតទាំងនេះនឹងធ្វើឲ្យមានការឈឺចាប់ និងអស់កម្លាំង ហើយជាញឹកញាប់វាអាចបណ្តាលឱ្យខូចទ្រង់ទ្រាយឆ្អឹងខ្នងជារៀងរហូត។
៥-ការប្រើឡេការពារកម្តៅថ្ងៃតែពេលវិស្សមកាល
កាំរស្មី UV គឺជាមូលហេតុចម្បងធ្វើឲ្យស្បែកចាស់មុនអាយុ។ ដើម្បីការពារខ្លួនអ្នកពីផលប៉ះពាល់នៃកម្តៅព្រះអាទិត្យ វាជាការសំខាន់ក្នុងការលាបឡេការពារកម្តៅថ្ងៃសូម្បីតែនៅពេលមិនសូវមានពន្លឺព្រះអាទិត្យ ដោយសារតែពពកអាចរារាំងកាំរស្មី UV បានត្រឹមតែ ២០% ប៉ុណ្ណោះ ។
៦-មើលទូរទស្សន៍ច្រើនពេក
ការសិក្សាមួយបានរកឃើញថា រៀងរាល់ម៉ោងដែលអ្នកចំណាយទៅលើការមើលទូរទស្សន៍ អាយុសង្ឃឹមរស់របស់អ្នកថយចុះ ២២ នាទី។ ក្រុមអ្នកជំនាញបានណែនាំថា មិនថាអ្នកអង្គុយលើសាឡុង ឬអង្គុយនៅនឹងតុរបស់អ្នក អ្នកគួរតែក្រោកដើររៀងរាល់កន្លះម៉ោងម្តង ។
៧-គេងមិនគ្រប់គ្រាន់
មនុស្សពេញវ័យត្រូវការគេងយ៉ាងហោចណាស់៧ ម៉ោងរៀងរាល់យប់ ។ ការគេងមិនបានគ្រប់គ្រាន់នឹងបណ្តាលឲ្យអ្នកកាន់តែអស់កម្លាំង ហើយថែមទាំងធ្វើឱ្យអ្នកមានអាយុខ្លី។ ក្រុមអ្នកជំនាញបានណែនាំឲ្យចូលគេងឲ្យបានលឿន ប្រសិនបើអ្នកខ្វះថាមពល មានបញ្ហាផ្លូវចិត្ត ឬឡើងទម្ងន់ ។
៨-ភាពតានតឹងដោយសារកង្វះការរៀបចំ
ការសិក្សាជាច្រើនបានបង្ហាញថា ជំងឺស្ត្រេសរ៉ាំរ៉ៃធ្វើឱ្យកោសិកាខូចខាតធ្ងន់ ដែលវានឹងបង្កើនល្បឿនដំណើរកាវិវឌ្ឍទៅរកភាពចាស់។ ដូច្នេះសូមព្យាយាមកុំពន្យារការងារដល់ថ្ងៃស្អែកម្តងហើយម្តងទៀត តែព្យាយាមធ្វើវាឲ្យទាន់ពេលវេលា នោះអ្នកនឹងមិនកើតជំងឺស្ត្រេសដោយសារតែកង្វះការរៀបចំនោះទេ ៕
ចែករំលែកព័តមាននេះ