លោក ខៀវ កាញារីទ្ធ ៖ ស៊ីហ្គេម2023ជាព្រឹត្តិការណ៍កីឡាប្រចាំជីវិតដែលយើងរង់ចាំអស់64ឆ្នាំមកហើយ
- ភ្នំពេញ
រាជធានីភ្នំពេញ ៖ ឯកឧត្តមខៀវ កាញារីទ្ធ រដ្ឋមន្ត្រីក្រសួងព័ត៌មាន បានមានប្រសាសន៍ថា ព្រឹត្តិការណ៍កីឡាស៊ីហ្គេម
រាជធានីភ្នំពេញ ៖ ឯកឧត្តមខៀវ កាញារីទ្ធ រដ្ឋមន្ត្រីក្រសួងព័ត៌មាន បានមានប្រសាសន៍ថា ព្រឹត្តិការណ៍កីឡាស៊ីហ្គេម
រាជធានីភ្នំពេញ ៖ ឯកឧត្តមខៀវ កាញារីទ្ធ រដ្ឋមន្ត្រីក្រសួងព័ត៌មាន បានមានប្រសាសន៍ថា ព្រឹត្តិការណ៍កីឡាស៊ីហ្គេមលើកទី៣២ឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះ គឺយើងរង់ចាំអស់៦៤ឆ្នាំមកហើយ ។ វាបានក្លាយជាព្រឹត្តិការណ៍ប្រចាំជីវិតរបស់យើង ដោយមួយជីវិតយើងស្គាល់តែម្ដងប៉ុណ្ណោះ ។ ដូច្នេះយើងគួរតែរួមគ្នាធ្វើវាឲ្យបានល្អ។ ឯកឧត្តមខៀវ កាញារីទ្ធ មានប្រសាសន៍បែបនេះនៅក្នុងឱកាសធ្វើសន្និសីទសារព័ត៌មានមួយនៅពហុកីឡដ្ឋានជាតិមរតកតេជោ កាលពីថ្ងៃទី៧ ឧសភា។
ទន្ទឹមគ្នានេះដែរ ឯកឧត្តមរដ្ឋមន្ត្រីក្រសួងព័ត៌មានក៏បានជំរុញទៅដល់គ្រប់ប្រព័ន្ធផ្សព្វផ្សាយទាំងអស់ត្រូវរួមគ្នាធ្វើការផ្សព្វផ្សាយឲ្យបានទូលំទូលាយនៅក្នុងព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេមដែលកម្ពុជាយើងទទួលធ្វើជាម្ចាស់ផ្ទះលើកទី៣២ឆ្នាំ២០២៣ជាប្រវត្តិសាស្ត្រឲ្យទទួលបានជោគជ័យទាំងអស់គ្នា ។ សន្និសីទសារព័ត៌មានដែលបានអញ្ជើញតំណាងកាសែត វិទ្យុនិងទូរទស្សន៍មកពីគ្រប់ស្ថាប័នចូលរួមនៅក្នុងឱកាសនេះផងដែរគឺដើម្បីកន្ទ្រាក់អារម្មណ៍ទៅដល់អ្នកសាព័ត៌មានជាពិសេសពិធីករ ពិធីការិនី អ្នកព័ត៌មានកីឡាឲ្យយល់ពីសារសំខាន់នៃការធ្វើជាម្ចាស់ផ្ទះកីឡាស៊ីហ្គេមនិងអាស៊ានប៉ារ៉ាហ្គេមឆ្នាំ២០២៣ ឲ្យផ្ដុំកម្លាំងគ្នាធ្វើការផ្សព្វផ្សាយទៅដល់ប្រជាពលរដ្ឋឲ្យបានយល់ដឹងទូលំទូលាយទាំងអស់គ្នា ។
ឯកឧត្តមបានមានប្រសាសន៍សង្កត់ធ្ងន់ទៀតថា ស៊ីហ្គេមឆ្នាំ២០២៣យើងរង់ចាំអស់៦៤ឆ្នាំមកហើយទើបធ្វើបានម្ដងនេះទេ បានន័យថាមួយជីវិតយើងទើបតែធ្វើបានម្ដងគត់នៅស្រុកខ្មែរ ។ វាបានក្លាយជាព្រឹត្តិការណ៍ប្រចាំជីវិត បើយើងមិនរួមគ្នាផ្សព្វផ្សាយឲ្យបានល្អទេនោះ វាស្មើនឹងជោគជ័យបានត្រឹម៥០%ប៉ុណ្ណោះ។
ឯកឧត្តមវ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានមានប្រសាសន៍លើកឡើងអំពីព្រឹត្តិការណ៍កីឡាស៊ីហ្គេមឆ្នាំ២០២៣ផងដែរថា តាំងពីឆ្នាំ១៩៥៩មក នេះគឺជាលើកទី១ហើយដែលកម្ពុជាមានឱកាសរៀបចំព្រឹត្តិការណ៍កីឡាប្រចាំតំបន់ដ៏ធំមួយនេះឡើង ហើយវាអាចអូសទាញប្រតិភូ អត្តពលិកចូលរួមយ៉ាងតិចក៏៧០០០នាក់ដែរ ។ ដូច្នេះវាទាមទារឲ្យមានការចូលរួមនៅគ្រប់មជ្ឈដ្ឋាន ភាគីពាក់ព័ន្ធប្រជាពលរដ្ឋគ្រប់ច្រកល្ហក គ្រប់ស្ថាប័ន ជាពិសេសអ្នកសារព័ត៌មាន ក៏ត្រូវចូលរួមផ្សព្វផ្សាយឲ្យបានទូលំទូលាយផងដែរ ៕
ចែករំលែកព័តមាននេះ