ខេត្តសៀមរាប ៖ បុរសម្នាក់បានដឹកស្រីស្នេហ៍ទៅងូតទឹកលេងនៅម្តុំទំនប់ម្កាក់ ហើយប្រហែលជាខុសមាត់អ្វីហើយមើលទៅបានជាអ្នកថែរក្សានៅតំបន់នេះមិនប្រណីដោយធ្វើឲ្យរថយន្តជ្រុលធ្លាក់ចូលទឹកផ្ងារពោះឡើងលើ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១០ និង៣៥នាទីព្រឹក ថ្ងៃ២០ ខែតុលា ឆ្នាំ២០១៦ នៅទំនប់ម្កាក់ ស្ថិតក្នុងឃុំគោកធ្លកលើ ស្រុកជីក្រែង ។
ប្រភពពីសមត្ថកិច្ចបានប្រាប់ឲ្យដឹងថា រថយន្តដែលធ្លាក់ចូលទំនប់ម្កាក់នោះម៉ាកកាមរីបាឡែន ពាក់ស្លាកលេខ ភ្នំពេញ 2T-9232 បើកបរដោយឈ្មោះ ហុង ឆាណុន ភេទប្រុស អាយុ៣៦ឆ្នាំ មានទីលំនៅសង្កាត់ស្វាយដង្គំ ក្រុង សៀមរាប និងអ្នករួមដំណើរស្រីៗ២នាក់ទៀត ប៉ុន្តែពួកគេមិនបានប្រាប់ឈ្មោះដល់សមត្ថកិច្ចនោះទេ ។
ប្រភពបានបន្តទៀតថា បន្ទាប់ពីម្ចាស់រថយន្តបានបើកធ្លាក់ទឹកក្នុងទំនប់ម្កាក់រួចមក ម្ចាស់រថយន្តមិនបានពឹងពាក់សមត្ថកិច្ចទេ ដោយពួកគេបានទូរស័ព្ទហៅរថយន្តមកស្ទួចឡានរបស់គេយកចេញពីក្នុងទឹកមកលើគោកវិញដោយខ្លួន ប៉ុន្តែរថយន្តត្រូវបានខូចខាតបែកកញ្ចក់ខាងមុខទាំងស្រុង ។
គួរបញ្ជាក់ផងដែរថា នៅក្នុងស្រុកជីក្រែងមានករណីគ្រោះថ្នាក់ចរាចរណ៍បានកើតឡើង២ករណីក្នុងរយៈពេល១ថ្ងៃ គឺករណីទី១ គ្រោះថ្នាក់ចរាចរណ៍រវាងរថយន្តនិងម៉ូតូ បណ្តាលឱ្យស្លាប់ម្នាក់ របួសធ្ងន់២នាក់ និង ករណីទី២ រថយន្តបាឡែនក្តៅស្ទុះរួចចុះងូតទឹកផ្ញាពោះឡើងលើ ខណៈដែលបានដឹកគូស្នេហ៍ទៅងូតទឹកលេងនៅម្តុំទំនប់ម្កា្កក់ ដែលជារមណីដ្ឋានទើបនឹងបើកថ្មី ហើយប្រហែលជាខុសមាត់ខុសកអ្វីហើយទើបអ្នកថែរក្សានៅទីនោះមិនប្រណៃឱ្យ ៕
ចែករំលែកព័តមាននេះ