ពូកែកា.ប់ចាក់ប្លន់ម៉ូតូគេ អស់លក្ខណ៍ថ្ងៃនេះហើយ
រាជធានីភ្នំពេញ ៖ ជនសង្ស័យម្នាក់ (ពីបទកា.ប់នឹងដាវប្លន់យកម៉ូតូ) ត្រូវបាននគរបាលខណ្ឌប្ញស្សីកែវ ធ្វើការបង្ហាញមុខ កាលពីវេលាម៉ោង១១ និង៣០ថ្ងៃត្រង់ទី២១ តុលា ២០១៦ ។
រាជធានីភ្នំពេញ ៖ ជនសង្ស័យម្នាក់ (ពីបទកា.ប់នឹងដាវប្លន់យកម៉ូតូ) ត្រូវបាននគរបាលខណ្ឌប្ញស្សីកែវ ធ្វើការបង្ហាញមុខ កាលពីវេលាម៉ោង១១ និង៣០ថ្ងៃត្រង់ទី២១ តុលា ២០១៦ ។
រាជធានីភ្នំពេញ ៖ ជនសង្ស័យម្នាក់ (ពីបទកាប់នឹងដាវប្លន់យកម៉ូតូ) ត្រូវបាននគរបាលខណ្ឌប្ញស្សីកែវ ធ្វើការបង្ហាញមុខ កាលពីវេលាម៉ោង១១ និង៣០ថ្ងៃត្រង់ទី២០ តុលា ២០១៦ ។
លោកវរសេនីយ៍ត្រី អ៊ីវ ឈុនផេង អធិការរងនគរបាលខណ្ឌប្ញស្សីកែវបានឱ្យដឹងថា ជនសង្ស័យរូបនោះ ត្រូវកម្លាំងនគរបាលប៉ុស្តិ៍ទួសង្កែ និងប្រជាការពារ សហការជាមួយនគរបាលខណ្ឌឃាត់ខ្លួនបាន កាលពីវេលាម៉ោង០១ និង៣០នាទីយប់រំលងអធ្រាត្រ ចូលថ្ងៃទី១៨ តុលា បន្ទាប់ពីជននោះ មានបក្សពួក៣នាក់ បានធ្វើសកម្មភាពកាប់ប្លន់យកម៉ូតូម៉ាក ZoomerX កាលពីយប់ថ្ងៃទី១៤ តុលាឆ្នាំ ២០១៦ កន្លងមក ស្ថិតនៅចំណុចផ្លូវលំ ក្នុងភូមិទួលគោក សង្កាត់ទួលសង្កែ ។
ជនសង្ស័យខាងលើឈ្មោះជួន វិចិត្រ ហៅសិដ្ឋ ភេទប្រុស អាយុ២៣ឆ្នាំ ស្នាក់នៅផ្ទះជួលក្នុងភូមិទួលគោក សង្កាត់ទួលសង្កែ ខណ្ឌប្ញស្សីកែវ ។ ជនសង្ស័យជាមុខសញ្ញាកាប់ប្លន់យកម៉ូតូយ៉ាងសកម្ម និងមានចរិតសាហាវ ដែលបានកាប់នៅលើជនរងគ្រោះឈ្មោះស៊ឹម សុខរុន ភេទប្រុស អាយុ២២ឆ្នាំ ជាជាងផ្សារដែក បណ្តាលអោយរងរបួសធ្ងន់ ហើយប្លន់យកម៉ូតូម៉ាក ZoomerX ពណ៌ខ្មៅលាយទឹកប្រាក់ ពាក់ស្លាកលេខភ្នំពេញ១FY-០៦៤៩មួយគ្រឿង បានសម្រេច ។ លុះប្រមាណ១ម៉ោងក្រោយមក ត្រូវក្រុមគ្រួសារ និងសមត្ថកិច្ចប្រទះឃើញម៉ូតូ ត្រូវជនសង្ស័យផ្តួលម៉ូតូចោលរត់គេចខ្លួនបាត់។
បន្ទាប់មក កម្លាំងបានសហការជាមួយនគរបាលប៉ុស្តិ៍ ធ្វើការស្រាវជ្រាវឈានទៅកំណត់មុខសញ្ញា ហើយឃាត់ខ្លួនជនសង្ស័យ ម្នាក់ ក្នុងរយៈពេល៣ថ្ងៃក្រោយ ព្រមទាំងស្រាវជ្រាវដកហូតបានដាវសាមូរ៉ៃចំនួន២ដើមនៅព្រឹកថ្ងៃទី២០ តុលា នេះ ដោយជនសង្ស័យបានសារភាពថា កន្លងមករូបគេធ្វើសកម្មភាពកាប់ប្លន់យកម៉ូតូបាន៥លើកមកហើយ។
ចែករំលែកព័តមាននេះ