រាជធានីភ្នំពេញ ៖ ការប្រឡងចម្រៀងលំដាប់ពិភពលោក «ខេមបូឌាន អាយឌល រដូវកាលទី២» រៀបធ្វើឡើងពីស្ថានីយទូរទស្សន៍ហង្សមាស បានឆ្លងដល់វគ្គផ្សាយបន្តផ្ទាល់ ដោយសល់តែបេក្ខជនបេក្ខនារីមានសមត្ថភាពចំនួន១២រូប ត្រូវបន្តការងារនេះយ៉ាងលំបាកៗតទៅទៀត ។
យ៉ាងណាមិញ គេកត់សម្គាល់ឃើញថា កញ្ញាម៉ង់ ចាន់កញ្ញា និងកញ្ញាហ៊ិន លីដា ពួកគេទាំងពីរធ្លាប់កាន់ពានលេខ១ដូចគ្នា របស់ការប្រឡងចម្រៀងមួយរហូត ចាំអ៊ុតមើលថា តើសំឡេងពីរោះម្យ៉ាងម្នាក់នេះ អាចឆក់បានតំណែងលេចធ្លោឬយ៉ាងណា។
ចំនួនបេក្ខជនបេក្ខនារី ដែលត្រូវឡើងមកប្រកួតគ្នាក្នុងវគ្គផ្សាយបន្តផ្ទាល់នៅរាត្រីថ្ងៃអាទិត្យវេលាម៉ោង៨យប់ នាផ្សារទំនើបអ៊ីអន
ម៉ល រាជធានីភ្នំពេញ កំពុងតែត្រូវបានសាងនូវភាពរំជើបរំជួលកម្មវិធីឲ្យកាន់តែក្តៅឡើងៗ ខណៈដែលអ្នកប្រឡងទាំងនោះ សុទ្ធតែមានទឹកដមសំឡេងពីរោះម្យ៉ាងៗ គួរឱ្យចង់ស្តាប់ ។
ការឆ្លងដល់វគ្គផ្សាយបន្តផ្ទាល់នេះ មានចំនួនបេក្ខជន១២រូប ដែលត្រូវជម្រុះចម្រាញ់យ៉ាងលំបាកលំបិតតាំងពីវគ្គទី១ វគ្គច្រៀងនៅចំពោះមុខគណៈកម្មាការវគ្គចាប់គូចម្រៀងជាក្រុមនិងវគ្គច្រៀងនៅចំពោះមុខទស្សនិកជនដូចជាតារាអាជីពឲ្យគណៈកម្មាការវាយតម្លៃថា តើបេក្ខជនណាឆ្លាតវាងវៃ និងមានស្មារតីរឹងមាំជាមួយឧបសគ្គបានឬអត់? ។
ឆ្លងតាមការទស្សនាទាំង១២រូបនេះ ត្រូវលត់ដំប្រឡងក្នុងបរិយាកាសផ្សេងៗ ដូចជាត្រូវច្រៀងនៅតាមឆ្នេរសមុទ្រកម្ពុជា ដ៏ស្រស់ស្អាតច្រៀង នៅលើកំពូលភ្នំបូកគោជាដើមដែលនេះ ហាក់ជាសម្ពាធមួយលើបេក្ខជនមិនធម្មតាឡើយ ។ ទីបំផុត ឆ្លងកាត់វគ្គជាច្រើនដែលមានបេក្ខជនខ្លះញញឹមខ្លះទួញយំជាទឹកភ្នែកសោកស្តាយគេរកបាន១២នាក់ដយតម្រូវចូលប្រឡងជាមូយវិញ្ញាសាយ៉ាងច្រើនទៀតក្នុងបទចម្រៀងមានគ្រប់បែបសណ្ឋានដើម្បីតេស្តី៍មើលថាតើអ្នកណាជាជើងខ្លាំងក្រោមការទទួលស្គាល់ពីទស្សនិកជន។
ចែករំលែកព័តមាននេះ