យើងជួបប្រទះភាពតានតឹងដោយសារមូលហេតុជាច្រើនក្នុងជីវិតរស់នៅប្រចាំថ្ងៃរបស់យើង ហើយយើងមិនគួរមើលស្រាលពីបញ្ហានេះទេ ព្រោះវាអាចបំបាក់ភាពរឹងមាំរបស់យើងបាន។ ទោះជាយ៉ាងណាក្តី មានវិធីសាមញ្ញ និង
យើងជួបប្រទះភាពតានតឹងដោយសារមូលហេតុជាច្រើនក្នុងជីវិតរស់នៅប្រចាំថ្ងៃរបស់យើង ហើយយើងមិនគួរមើលស្រាលពីបញ្ហានេះទេ ព្រោះវាអាចបំបាក់ភាពរឹងមាំរបស់យើងបាន។ ទោះជាយ៉ាងណាក្តី មានវិធីសាមញ្ញ និងមានប្រសិទ្ធភាពមួយចំនួនអាចដោះស្រាយបញ្ហានេះបាន ។ វាប្រហែលមិនមានប្រសិទ្ធភាពសម្រាប់មនុស្សគ្រប់គ្នាទេ ប៉ុន្តែអ្នកគួរតែសាកល្បងអនុវត្តវិធីទាំងនេះ ព្រោះអ្នកមិនចំណាយអ្វីទាំងអស់ ហើយប្រហែលជាអ្នកអាចទទួលបានលទ្ធផលដ៏មិនគួរឱ្យជឿផង ។
ខាងក្រោមនេះគឺជាវិធីសាមញ្ញទាំង៦ក្នុងការកាត់បន្ថយ និងបំបាត់រោគសញ្ញានៃភាពតានតឹង ។
១-សិតសក់របស់អ្នក
វាស្តាប់ទៅដូចជាចម្លែកបន្តិច ប៉ុន្តែវិធីនេះមានប្រសិទ្ធភាពបំបាត់ការឈឺក្បាលរបស់អ្នក បន្ទាប់ពីអ្នកបានចំណាយពេលពេញមួយថ្ងៃនៅកន្លែងធ្វើការ ។ សិតសក់របស់អ្នកឱ្យបានប្រហែល១០-១៥នាទីនៅពេលល្ងាច ។ អ្នកនឹងមានអារម្មណ៍ថាចង្វាក់បេះដូងរបស់អ្នកចាប់ផ្តើមលោតយឺតជាងពេលធ្វើការ និងសាច់ដុំរបស់អ្នកបានសម្រាក ។
២-បរិភោគអាហារ ឆ្ងាញ់ៗ
អាហារដែលមានរសជាតិឆ្ងាញ់ គឺជាថ្នាំបន្សាបភាពតានតឹងដ៏មានប្រសិទ្ធភាព ។ ដើម្បីធ្វើឱ្យអ្នកមានអារម្មណ៍ល្អ ត្រីសម្បូរខ្លាញ់ (មានផ្ទុកអាស៊ីតអូមេហ្គា៣) គឺល្អសម្រាប់ប្រព័ន្ធសរសៃប្រសាទរបស់អ្នក ។ ប៉ុន្តែបើអ្នកមិនចូលចិត្តជម្រើសនេះ អ្នកអាចញាំុការ៉េម ឬចេកដែលពួកវាមានប្រសិទ្ធភាពប្រឆាំងបញ្ហាបាក់ទឹកចិត្ត ។
៣-ការម៉ាស្សា
ដើម្បីរក្សាថាមពលក្នុងខ្លួន ចូរម៉ាស្សាតំបន់ក្រោមច្រមុះ ចន្លោះចិញ្ចើម ក្រោមបបូរមាត់ និងបាតដៃរបស់អ្នកឱ្យបានរយៈពេល៣០វិនាទីសម្រាប់តំបន់ នីមួយៗ ។
៤-ត្រដុសដៃទាំងពីរ
នេះជាវិធីសាស្ត្រដែលអ្នកនឹកស្មានមិនដល់ ប៉ុន្តែមានប្រសិទ្ធភាពខ្ពស់ក្នុងការកាត់បន្ថយឥទ្ធិពលនៃភាពតានតឹងលើរាងកាយ ។ ត្រដុសដៃរហូតអ្នកមានអារម្មណ៍ថា មានកំដៅដែលកើតឡើងដោយការកកិតនេះ បន្ទាប់មកយកដៃដែលមានកំដៅនេះម៉ាស្សាត្រចៀករបស់អ្នកទាំងសងខាង ។ សកម្មភាពដ៏សាមញ្ញនេះអាចជួយឱ្យអ្នកមានភាពសកម្មឡើងវិញ និងជួយក្នុងការផ្តោតអារម្មណ៍បានល្អប្រសើរជាងមុនលើកិច្ចការដែលអ្នកកំពុងធ្វើ ។
៥-ប្រើជណ្តើរ
រត់ឡើងចុះជណ្តើរឱ្យបាន៣០វិនាទី ។ ការធ្វើបែបនេះនឹងបង្កើនលំហូរអុកស៊ីសែនទៅចិញ្ចឹមតំបន់ដែលទាក់ទងនឹងភាពតានតឹងនៅខួរក្បាល ជាលទ្ធផលអ្នកនឹងមានអារម្មណ៍ធូរស្រាលជាងមុន ។
៦-រាំ
ចលនាចង្វាក់សំឡេងតន្ត្រីជួយរាងកាយក្នុងការកាត់បន្ថយភាពតានតឹង ហើយវាសប្បាយជាងការទៅហាត់ប្រាណនៅឯក្លឹបទៅទៀត ប្រសិនបើការធ្វើលំហាត់ប្រាណអាចជួយឱ្យអារម្មណ៍របស់អ្នកស្ងប់ ៕
ចែករំលែកព័តមាននេះ