រាជធានីភ្នំពេញ ៖ លំនៅឋានចំនួន១៨ខ្នងនៅតំបន់ខ្មែរអ៊ីស្លាមរស់នៅ ត្រូវបានអគ្គីភ័យឆាបឆេះយ៉ាងសន្ធោសន្ធៅទាំងកណ្តាលយប់អស់ជិត២ម៉ោង បណ្តាលអោយរងការខូចខាតទាំងស្រុង រួមជាមួយទ្រព្យសម្បត្តិជាច្រើន ។ ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោង១១និង១០យប់ថ្ងៃទី០៦ ខែឧសភា…
រាជធានីភ្នំពេញ ៖ លំនៅឋានចំនួន១៨ខ្នងនៅតំបន់ខ្មែរអ៊ីស្លាមរស់នៅ ត្រូវបានអគ្គីភ័យឆាបឆេះយ៉ាងសន្ធោសន្ធៅទាំងកណ្តាលយប់អស់ជិត២ម៉ោង បណ្តាលអោយរងការខូចខាតទាំងស្រុង រួមជាមួយទ្រព្យសម្បត្តិជាច្រើន ។ ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោង១១និង១០យប់ថ្ងៃទី០៦ ខែឧសភា ឆ្នាំ២០២២ នៅតាមបណ្តោយផ្លូវជាតិលេខ៥ ភូមិ២ ក្រុម៤ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ ដែលជាភូមិ ខ្មែរអ៊ិស្លាមរស់នៅ ។
អគ្គីភ័យនេះ បានឆាបឆេះចេញពីផ្ទះលេខ១១៦៧ ដែលមានម្ចាស់ឈ្មោះសា ឯល ភេទប្រុស អាយុ៧០ឆ្នាំ មុខរបរលក់ដូរ ជាជនជាតិខ្មែរអ៊ិស្លាម ដែលបានចាក់សោរទុកចោល ហើយភ្លើងបានឆាបឆេះរាលដាលយ៉ាងរហ័ស ។ តាមព័ត៌មានអោយដឹងថា នៅពេលដែលអ្នកភូមិដែលកំពុងតែដេកលង់លក់ ស្រាប់តែភ្លើងបានឆាបឆេះចេញផ្ទះជនជាតិអ៊ិស្លាមខាងលើ ដែលបានចាក់សោទុកចោល ។ ដោយសារតែផ្ទះនោះធ្វើពី ឈើ ភ្លើង បានឆាបឆេះយ៉ាងរហ័សរាលដាលទៅផ្ទះ ឈើដូចៗគ្នាយ៉ាងសន្ធោសន្ធៅ ។
ភ្លាមៗ រថយន្តពន្លត់អគ្គិភ័យជាច្រើនគ្រឿងបានទៅអន្តរាគមន៍បាញ់ពន្លត់ តែពុំអាចទប់ស្កាត់បានទាន់ពេល ព្រោះលំណង់ទាំងនោះ មិនរៀបរយស្ថិតនៅជាប់ៗគ្នា ដោយរថយន្ត ពុំអាចចូលបាន។ តាមនគរបាលការិយល័យ បង្ការ ពន្លត់អគ្គីភ័យនិងសង្គ្រោះ នៃស្នងការនគរបាលរាជធានីភ្នំពេញបានអោយដឹងថា នៅក្នុងហេតុការណ៍នេះរថយន្ត ពន្លត់អគ្គិភ័យចំនួន៣០គ្រឿង ទៅអន្តរាគមន៍បាញ់ពន្លត់ ហើយភ្លើងបានរលត់ទៅវិញ នៅវេលាម៉ោងប្រមាណ០១និង០០នាទីរំលងអធ្រាត្រ ថ្ងៃទី០៧ ខែ ឧសភា ឆ្នាំ២០២២។
តាមនគរបាលអោយដឹងទៀតថា អគ្គីភ័យនេះបានបំផ្លាញផ្ទះ ធ្វើពីថ្មក្រោមឈើលើប្រក់ក្បឿង និងសង្ក័សី អស់ចំនួន ១៨ខ្នង ព្រមទាំងទ្រព្យសម្បត្តិមួយចំនួន គ្មានសល់ តែពុំបណ្តាលអោយមនុស្ស រងរបួសឡើយ ។ តាមនគរបាលអោយដឹងថា អគ្គិភ័យនេះ បណ្តាលមកពីឆ្លងចរន្តអគ្គិសនី ខណៈពេលដែលម្ចាស់ផ្ទះបិទទ្វាចាក់សោទុកចោល ។ បន្ទាប់ពី រងគ្រោះនៅព្រឹកថ្ងៃទី០៧ ខែ ឧសភា អាជ្ញាធរខណ្ឌឬស្សីកែវ ក៏បាននាំអំណោយទៅចែកជូនដល់ប្រជាពលរងគ្រោះជាបន្ទាន់ ដើម្បីសម្រួលដល់ការលំបាក ។
ចែករំលែកព័តមាននេះ