គួរឲ្យអបអរសម្រាប់ច្បាប់សេវាកម្មពាណិជ្ជកម្មdrone ដំបូងលើលោកបានចាប់ផ្តើមអនុវត្តនៅក្នុងប្រទេសរ្វ៉ាន់ដា ។ ប្រតិបត្តិការប្រើប្រាស់drone ដែលបំពាក់ស្លាបហោះហើរដោយស្វ័យប្រវត្តិ ទៅកាន់គោលដៅនានាក្នុងប្រទេសមួយដែលនៅកណ្តាលទ្វីបអាហ្វ្រិកបានចាប់ផ្តើមដោយរលូន ។
តួនាទីរបស់Drone គឺហោះហើរទៅតាមគោលដៅដែលបានកំណត់ បន្ទាប់មកទម្លាក់ប្រអប់ដែលមានដឹកជញ្ជូនភ្ជាប់ជាមួយឆត្រយោង ។ វាជាdrone ដែលមិនចុះចតនៅកន្លែងដាក់អីវ៉ាន់មុនពេលហោះត្រឡប់មកវិញនោះទេ ។ វាជាបច្ចេកវិទ្យាដែលដឹកជញ្ជូនទំនិញ ឬរបស់របរនានាបានលឿនជាងការដឹកជញ្ជូនតាមដងផ្លូវ ។
វាមានឈ្មោះថាZipline គឺជាគំរោងស្តារឡើងវិញរបស់អាមេរិក ដែលធ្វើឡើងពីម៉ាស៊ីនមួយប្រភេទដែល ត្រូវបានគេប្រើប្រាស់ជាផ្លូវការនៅក្រុមហ៊ុនGoogle ក្រុមហ៊ុនSpace X ក្រុមហ៊ុនLockheed Martin និង បណ្តាក្រុមហ៊ុនបច្ចេកវិទ្យាដទៃផ្សេងទៀត ។
Dron ត្រូវបានគេប្រើប្រាស់ដើម្បីជញ្ជូនឈាម ប្លាស្មា សារធាតុជំនួយនានាទៅកាន់មន្ទីរពេទ្យនានានៅជុំវិញតំបន់ដាច់ស្រយាលភាគខាងលិចនៃប្រទេសរ្វ៉ាន់ដា និងបានជួយពន្លឿនពេលវេលាក្នុងការដឹកជញ្ជូនពីច្រើនម៉ោងមកត្រឹមប៉ុន្មាននាទីប៉ុណ្ណោះ ។
Dron ត្រូវហោះហើរនៅក្រោមកំពស់១៥២ម៉ែត្រ ដើម្បីបញ្ចៀសការបុកគ្នាជាមួយយន្តហោះដឹកអ្នកដំណើរ ដែលប្រើប្រាស់មនុស្សក្នុងការបើកបរ ។ ហើយវាអាចធ្វើប្រតិបត្តិការត្រឹមតែចំងាយ១៥០គីឡូម៉ែត្រ បើទោះជាវាមានសមត្ថភាពលើសការកំណត់ពីរដងក៏ដោយ វាដើរដោយថ្ម ហើយប្រើប្រាស់បច្ចេកវិទ្យា ទិន្នន័យGPS ដើម្បីទៅកាន់គោលដៅនានា ។ លើសពីនេះទៅទៀតវាក៏មានសមត្ថភាពបញ្ជូនព័ត៌មានត្រឡប់មកវិញទៅកាន់ទីបញ្ជារាររបស់វា និងទីបញ្ជាការគ្រប់គ្រង់ផ្លូវអាកាសរ្វ៉ាន់ដាផងដែរតាមប្រព័ន្ធភ្ជាប់cellular របស់ទូរស័ព្ទ ។ វានឹងហោះហើរដូចជារង្វង់នាឡិកា ក្នុងល្បឿន៣០kmក្នុងមួយម៉ោង បើទោះជា មានខ្យល់ ឬភ្លៀងតិចតួចក្តី ។
Zipline នឹងត្រូវបានគិតប្រាក់ឈ្នួលពីក្រសួងសុខាភិបាលរ្វ៉ាន់ដាក្នុងការដឹកជញ្ជូនម្តងរបស់ខ្លួន ។ ក្រុមហ៊ុនដែលទទួលបន្ទុកការងារនេះថា តម្លៃប្រាក់ឈ្នួលក្នុងការដឹកជញ្ជូនគឺស្មើនឹងការដឹកជញ្ជូនដែលត្រូវបានគេប្រើប្រាស់ប្រចាំថ្ងៃដូចគ្នាដែរ គឺស្មើនឹងការដឹកជញ្ជូនតាមម៉ូតូ ឬរថយន្តសង្គ្រោះបន្ទាន់ ។
នាពេលនេះក្រៅពីZipline មានក្រុមហ៊ុនដឹកជញ្ជូនជាច្រើនដូចជាក្រុមហ៊ុនAmazon ក្រុមហ៊ុនDHL និងក្រុមហ៊ុនSingapore Post ក៏បានដាក់បង្ហាញសេវាdrone របស់ខ្លួនដែលអាចចុះចត់បាននៅគ្រប់គោលដៅ ។ តែក៏តម្រូវឱ្យប្រើប្រាស់សម្រាប់គោលបំណង់មនុស្សធម៌នៅគ្រប់ទីកន្លែងក្នុងទ្វីបអាហ្វ្រិក ក្នុងនោះមានកម្មវិធីដឹកជញ្ជូនឈាម និងគំរូលាមកនៅតំបន់ម៉ាដាហ្គាស្កាផងដែរ គំរោងមួយទៀតគឺគំរោងឃ្លាំមើលជំរំជនភៀសខ្លួននៅប្រទេសUganda ជាដើម ។
បើទោះជាdrones វាមានប្រយោជន៍ច្រើនក្តី ក្នុងការជួយមនុស្ស តែក៏មានមនុស្សបានបំពាក់អាវុធសម្រាប់ការប្រយុទ្ធដែរ ។ ហេតុនោះបានជារដ្ឋាភិបាលនៅតំបន់អាហ្វ្រិកមួយចំនួនមិនអនុញ្ញាតឲ្យមានវត្តមានdrones នៅលើប្រទេសរបស់គេដោយយកហេតុផលថា វាបានគំរាមដល់សន្តិសុខជាតិ ។
ប្រទេសរ្វ៉ាន់ដា ជាប្រទេសអាហ្វ្រិកខាងត្បូង ប្រទេសMauritius ជាប្រទេសដែលឈានមុខគេក្នុងតំបន់ ហើយផ្តល់ច្បាប់ឲ្យមានប្រតិបត្តិការdrones ។ ចំណែកប្រទេសម៉ូរ៉ុកកូ ប្រទេសកេនយ៉ា ប្រទេសអ៊ុយហ្គង់ដា បានហាមប្រាមជាដាច់ខាត់ពីការប្រើប្រាស់Drones ។ នៅប្រទេសហ្គាណាវិញ អ្នកប្រើប្រាស់Drones អាចប្រឈមនឹងការជាប់ពន្ធនាគារ៣០ឆ្នាំប្រសិនបើមិនសុំច្បាប់ប្រើប្រាស់ ៕
ចែករំលែកព័តមាននេះ