AP កាលពីពេល ថ្មីៗកន្លងមកផ្សាយថា ប្រជាជនបារាំងបានជំទាស់ចំពោះច្បាប់រៀបការដូចគ្នា ។ ជាក់ស្តែងប្រជាជនប្រមាណ២៤.០០០នាក់ បានតវ៉ាប្រឆាំងច្បាប់ដែលអនុញ្ញាតឱ្យអ្នកស្រឡាញ់ភេទដូចគ្នារៀបការ ។ ច្បាប់ដែលចេញកាលពីឆ្នាំ២០១៣ នោះពួកគេចង់ឱ្យលុបចោលវិញ ។
ការដង្ហែក្បួនតវ៉ាប្រឆាំងនៅក្រុងប៉ារីសនោះត្រូវប៉ូលិសបង្ក្រាប និងចាប់ខ្លួនបាតុករមួយចំនួន។ ក្នុងក្បួនតវ៉ានោះមានស្ត្រីបង្ហាញដើមទ្រូងពីក្រុមសកម្មជនសិទ្ធិស្ត្រីចូលបង្កប់ខ្លួនចូលរួមតវ៉ាប្រឆាំងដែរ ។ ក្រុមបាតុករបានស្រែកតវ៉ាថា «ការស្អប់ខ្ពើមមិនមែនជានិមិត្តរូបរបស់ក្រុមគ្រួសារទេ » ។ ក្រុមបាតុករជានារីបង្ហាញដើមទ្រូងនោះត្រូវប៉ូលិសចាប់ខ្លួន។
បាតុករជនជាតិបារាំងជាច្រើននាក់ដែលចូលរួមតវ៉ាប្រឆាំងច្បាប់រៀបការភេទដូចគ្នានៅក្រុងប៉ារីស កាលពីថ្ងៃទី១៦ តុលា ២០១៦នោះកើតឡើង៦ខែមុនការបោះឆ្នោតប្រធានាធិបតីបារាំង ៕
ចែករំលែកព័តមាននេះ