ឈាមស្រែកស្បែកហៅ ! វែកមុខឃាតករសម្លា.ប់ក្មេងស្រីដោះយកក្រវិលកាឡៃ
ខេត្តកែប ៖ ក្រោយពីមានករណីប្លន់សម្លា.ប់ក្មេងស្រីអាយុ៧ឆ្នាំដោះយកក្រវិលកាឡៃ១គូពីស្មានថាមាសរួចបោះទម្លាក់ទឹករណ្តៅកាលពីថ្ងៃទី១៦ ខែតុលា ឆ្នាំ២០១៦ …
ខេត្តកែប ៖ ក្រោយពីមានករណីប្លន់សម្លា.ប់ក្មេងស្រីអាយុ៧ឆ្នាំដោះយកក្រវិលកាឡៃ១គូពីស្មានថាមាសរួចបោះទម្លាក់ទឹករណ្តៅកាលពីថ្ងៃទី១៦ ខែតុលា ឆ្នាំ២០១៦ …
ខេត្តកែប ៖ ក្រោយពីមានករណីប្លន់សម្លាប់ក្មេងស្រីអាយុ៧ឆ្នាំដោះយកក្រវិលកាឡៃ១គូពីស្មានថាមាសរួចបោះទម្លាក់ទឹករណ្តៅកាលពីថ្ងៃទី១៦ ខែតុលា ឆ្នាំ២០១៦ នៅចំណុចខាងលើផ្លូវរថភ្លើង ចម្ងាយប្រមាណជា៥០០ម៉ែត្រពីផ្ទះ ស្ថិតក្នុងភូមិដំណាក់ចង្អើរ សង្កាត់ព្រៃធំ ក្រុងកែប ទាំងនគរបាលខេត្ត ទាំងកងរាជអាវុធហត្ថក្រុង និងខេត្តបានសហការគ្នាបើកការស៊ើបអង្កេតស្រាវជ្រាវរកមុខសញ្ញាជនល្មើសរហូតចាប់ខ្លួនបានដូចការប្តេជ្ញាចិត្តមែន ។
សូមរំលឹកថា ព្រៃផ្សៃណាស់ ! ព្រោះតែក្រវិលកាឡៃ១គូ
សមត្ថកិច្ចនគរបាលជំនាញនៃស្នងការដ្ឋានខេត្តកែបបានឲ្យដឹងថា ក្រោយពីសមត្ថកិច្ចធ្វើការស៊ើបអង្កេត សមត្ថកិច្ចបានកំណត់មុខសញ្ញាជនល្មើសបានយ៉ាងច្បាស់ រួចឈានទៅឃាត់ខ្លួនជនល្មើសនៅការដ្ឋានសំណង់មួយកន្លែងស្ថិតក្នុងភូមិដំណាក់ចង្អើរ សង្កាត់ព្រៃធំ ក្រុងកែប កាលពីវេលាម៉ោង៩ និង១៥នាទីព្រឹក ថ្ងៃទី១៩ ខែតុលាឆ្នាំ២០១៦ ហើយបាននាំខ្លួនមកកាន់ការិយាល័យព្រហ្មទណ្ឌកម្រិតធ្ងន់ នៃស្នងការដ្ឋានខេត្តដើម្បីធ្វើការសាកសួរ ។
សមត្ថកិច្ចឲ្យដឹងទៀតថា ក្រោយពីសមត្ថកិច្ចធ្វើការសាកសួរតាមនិតិវិធីជំនាញ ជនសង្ស័យឈ្មោះ តេង ព្រឿន ភេទប្រុស អាយុ២៥ឆ្នាំ មុខរបរកសិករ រស់នៅភូមិ-សង្កាត់ជាមួយក្មេងស្រីរងគ្រោះ បានសារភាពប្រាប់សមត្ថកិច្ចថា ខ្លួនពិតជាបានវាយសម្លាប់ក្មេងស្រីឈ្មោះ អែម លីហ្សា អាយុ៧ឆ្នាំ ពិតប្រាកដមែន ដោយខ្លួនមានបំណងចង់បានក្រវិល១គូពីក្មេងស្រីនោះ ហើយដោយសារតែក្មេងស្រីនេះជាមនុស្សស្គាល់គ្នាទើបសម្លាប់ហើយយកក្រវិលដើម្បីបំបិទភស្តុតាង ប៉ុន្តែនៅតែគេចមិនផុតត្រូវសមត្ថកិច្ចស្រាវជ្រាវឃាត់ខ្លួនទាល់តែបាន ។
គួររំលឹកថា ករណីអំពើឃាតកម្មមួយបានកើតឡើង ខណៈក្មេងស្រីអាយុ៧ឆ្នាំបានតាមឪពុកម្តាយទៅស៊ីឈ្នួលបេះម្រេចឲ្យគេនៅចម្ការម្រេចមួយកន្លែងក្បែរជើងភ្នំ ស្ថិតក្នុងភូមិដំណាក់ចង្អើរ កាលពីថ្ងៃទី១៦ ខែតុលា ឆ្នាំ២០១៦ ទំនងជាកុមារីរងគ្រោះហេវបាយបានដើរមកផ្ទះមុន ហើយបាត់ខ្លួនរហូតដល់វេលាម៉ោង៦ និង៣០នាទីព្រឹក ថ្ងៃទី១៧ ខែតុលា ឆ្នាំ២០១៦ ទើបឪពុកធំនិងម្តាយប្រទះឃើញសពកូនក្នុងទឹករណ្តៅខាងលើផ្លូវរថភ្លើងចម្ងាយ៥០០ម៉ែត្រពីផ្ទះ ក៏ស្រង់សាកសពហៅសមត្ថកិច្ចមកពិនិត្យមានស្លាកស្នាមរបួសខ្នងជាច្រើនកន្លែង ក្បាលមួយកន្លែង ដែលសមត្ថកិច្ចសន្និដ្ឋានថា ជាករណីឃាតកម្មមកលើក្មេងស្រីយ៉ាងពិតប្រាកដ ហើយសមត្ថកិច្ចក៏បានសហការគ្នាបើកការស៊ើបអង្កេតស្រាវជ្រាវរហូតឈានទៅឃាត់ខ្លួនជនល្មើសបានដោយជោគជយ័ ។
ជនសង្ស័យក្រោយពីធ្វើការសាកសួររួច សមត្ថកិច្ចបានកសាងសំណុំរឿងបញ្ជូនទៅតុលាការដើម្បីចាត់ការទៅតាមច្បាប់ ៕
ចែករំលែកព័តមាននេះ