នាង Hilary Duff នារីមេម៉ាយដ៏ស្រស់ស្អាតជនជាតិអាមេរិក បានបង្ហាញគូស្នេហ៍ថ្មី ក្នុងភាពល្អូកល្អិនឱបថើបតាមអីុនស្តេហ្ក្រាម។ Hilary Duff បានបណ្តើរគូស្នេហ៍របស់ខ្លួនបន្ទាប់ពីកន្លងមកនាងធ្លាប់បដិសេធព័ត៌មានចចាមអារ៉ាមចំពោះគូស្នេហ៍ថ្មីនេះ ។ កាលពីថ្ងៃទី១៦ តុលា ២០១៦ Hilary បានបញ្ជាក់ការណ៍ពិតតាមអីុនស្តេហ្ក្រាម ដោយបង្ហោះរូបនាង និងគូស្នេហ៍ថើបគ្នា ។
គូស្នេហ៍នោះចាប់ផ្តើមសេពគប់គ្នាតាំងពីខែមិថុនា ២០១៦មក ប៉ុន្តែ Hilary Duff ព្យាយាមលាក់បាំង និងគេចវេះឆ្លើយសំណួរទាក់ទិននឹងស្នេហារបស់នាង ។ នៅខែកញ្ញាកន្លងមក ទើប Hilary Duff ចាប់ផ្តើមបង្ហាញ បន្តិចម្តងៗទាក់ទិននឹងស្នេហារបស់ខ្លួន ។ នាងបញ្ជាក់ថា «យើងស្គាល់គ្នាអស់រយៈពេលយូរមកហើយ គេជាមនុស្សល្អ និងរីករាយបំផុតក្នុងពេលនៅជាមួយគ្នា គឺជាអារម្មណ៍ដ៏ល្អក្នុងខ្សែជីវិតខ្ញុំ » ។
ចាត់ទុកថាជាស្នេហាថ្មីលើកដំបូងរបស់ Hilary Duff ចាប់តាំងពីនាងលែងលះជាមួយកីឡាករវាយកូនហ្គោលលើទឹកកក (Hockey) លោក Mike Comrie នៅឆ្នាំ២០១៤ ដោយមានកូនប្រុសម្នាក់មក ៕
ចែករំលែកព័តមាននេះ