មិននិយាយអ្វីទាំងអស់ គិតតែយំផងសើចផង
រាជធានីភ្នំពេញ ៖ ស្ត្រីវ័យកណ្ដាលម្នាក់បានហៅរ៉ឺម៉កម៉ូតូពីផ្សារកាណាឌីយ៉ាជិះទៅផ្សារឯករាជ្យ៣ បន្ទាប់មកបន្តជិះទៅស្ពានអាកាសស្ទឹងមានជ័យទៀត ខណៈដល់ …
រាជធានីភ្នំពេញ ៖ ស្ត្រីវ័យកណ្ដាលម្នាក់បានហៅរ៉ឺម៉កម៉ូតូពីផ្សារកាណាឌីយ៉ាជិះទៅផ្សារឯករាជ្យ៣ បន្ទាប់មកបន្តជិះទៅស្ពានអាកាសស្ទឹងមានជ័យទៀត ខណៈដល់ …
រាជធានីភ្នំពេញ ៖ ស្ត្រីវ័យកណ្ដាលម្នាក់បានហៅរ៉ឺម៉កម៉ូតូពីផ្សារកាណាឌីយ៉ាជិះទៅផ្សារឯករាជ្យ៣ បន្ទាប់មកបន្តជិះទៅស្ពានអាកាសស្ទឹងមានជ័យទៀត ខណៈដល់ស្ពានអាកាសស្ទឹងមានជ័យស្រាប់តែប៉ុនប៉ុងលោតចូលរថយន្តដើម្បី តែសំណាងល្អបានអ្នករត់រ៉ឺម៉កម៉ូតូជួយឃាត់ទាន់ បង្កឲ្យមានការភ្ញាក់ផ្អើលកាលពីវេលាម៉ោង៦ និង៥០នាទីព្រលប់ថ្ងៃទី១៩ ខែតុលា ឆ្នាំ២០១៦ នៅក្រោមស្ពានអាកាសស្ទឹងមានជ័យ ផ្លូវលេខ២១៧ សង្កាត់ទំនប់ទឹក ខណ្ឌចំការមន ។
តាមសម្តីរបស់អ្នករត់រ៉ឺម៉កម៉ូតូម្នាក់សុំមិនបញ្ចេញឈ្មោះបាននិយាយថា មុនពេលកើតហេតុរូបគាត់បានអង្គុយចាំដឹកម៉ូយនៅម្តុំផ្សារកាណាឌីយ៉ា ស្ថិតនៅផ្លូវវ៉េងស្រេង សង្កាត់ចោមចៅ ខណ្ឌពោធិ៍សែនជ័យ ខណៈពេលនោះស្ត្រីម្នាក់មិនស្គាល់ឈ្មោះមានអាយុប្រមាណ៤០ឆ្នាំមានទឹកមុខក្រៀមក្រំ បានហៅគាត់ឲ្យដឹកទៅផ្សារឯករាជ្យ៣ ក្នុងតម្លៃ៥ពាន់រៀល ពេលគាត់ដឹកស្ត្រីរូបនោះទៅដល់ផ្សារឯករាជ្យ៣ហើយស្ត្រីរូបនោះបានឲ្យរូបគាត់ឌុបបន្តទៅស្ពានអាកាសស្ទឹងមានជ័យ ដោយបន្ថែមលុយឲ្យ៥ពាន់រៀលទៀត គាត់ក៏ដឹកបន្តទៅជិតដល់ស្ពានអាកាសស្ទឹងមានជ័យ ស្រាប់តែស្ត្រីខាងលើបម្រុងងលោតពីលើរ៉ឺម៉កម៉ូតូរបស់គាត់ចូលរថយន្តដើម្បីសម្លាប់ខ្លួន ស្របពេលនោះរូបគាត់មានការភិតភ័យយ៉ាងខ្លាំង បានចាប់ហ្វ្រាំងម៉ូតូទាំងបង្ខំ រួចរត់ចុះទៅជួយឃាត់ស្ត្រី រូបនោះកុំឲ្យធ្វើអ៊ីចឹង បន្ទាប់មករូបគាត់បានដឹកស្ត្រីរូបនោះទៅឈប់កន្លែងគោលដៅសមត្ថកិច្ចចរាចរណ៍ ដែលនៅក្រោមស្ពានអាកាសស្ទឹងមានជ័យ ហើយនិយាយលួងលោមឲ្យស្ត្រីរូបនោះស្ងប់ចិត្តស្ងប់អារម្មណ៍ រួចពួកគាត់បានបន្តសួរទៀតថា តើបងស្រីមានរឿងអ្វី បានគិតខ្លីយ៉ាងនេះ តែស្ត្រីរូបនោះមិនបាននិយាយស្ដីអ្វីទាំងអស់ គិតតែពីយំផងសើចផង ហាក់ដូចជាមនុស្សមានបញ្ហាខួរក្បាលអ៊ីចឹង ។
អ្នករត់រ៉ឺម៉កម៉ូតូបន្តទៀតថា ដោយសារតែបែបនេះគាត់បានដេញឲ្យស្ត្រីរូបនោះចុះពីលើរ៉ឺម៉កម៉ូតូ ព្រោះអីរូបគាត់លែងហ៊ានដឹកទៅមុខទៀតហើយ ខ្លាចមានរឿងមានរ៉ាវនៅតាមផ្លូវ តែពេលនោះស្ត្រីរូបមិនព្រមចុះពីលើរ៉ឺម៉កម៉ូតូទេ ដោយនិយាយថា ឲ្យដឹកគាត់ទៅផ្សារឯករាជ្យ៣វិញ ពេលនោះអ្នករត់រ៉ឺម៉កម៉ូតូមិនដឹងធ្វើយ៉ាងម៉េច ក៏ទូរស័ព្ទទៅរកមិត្តភក្តិដែលជាអ្នករត់រ៉ឺម៉កម៉ូតូដូចគ្នាឲ្យមកជួយនិយាយលួងលោមស្ត្រីរូបនោះ លុះពេលមិត្តភក្តិអ្នករត់រ៉ឺម៉កម៉ូតូមកដល់បាននិយាយលួងលោម ហើយស្ត្រីរូបបានសន្យាថា បើជូនគាត់ទៅផ្សារឯករាជ្យ៣វិញ គាត់ឈប់លោតចូលរថយន្តទៀតហើយ និយាយរួចហើយអ្នករត់រ៉ឺម៉កម៉ូតូក៏សម្រេចចិត្តឌុបស្ត្រីរូបនោះទៅផ្សារឯករាជ្យ៣វិញ តែដោយសារមិនទុកចិត្ត អ្នករត់រ៉ឺម៉កម៉ូតូបានឲ្យមិត្តភក្ដិរបស់គាត់ម្នាក់ទៀតនៅអង្គុយនៅខាងក្រោយជាមួយស្ត្រីរូបនោះ ក្រែងលោស្ត្រីរូបនោះបង្កបញ្ហាតាមផ្លូវទៀត ។
ទោះបីជាយ៉ាងណា ស្ត្រីខាងលើមិនបាននិយាយប្រាប់ថា គាត់មានវិបត្តិគ្រួសារ ឬវិបត្តិស្នេហាឡើយ គឺគាត់មិនព្រមនិយាយស្តីអ្វីទាំងអស់ គ្រាន់តែគាត់ចង់លោតចូលរថយន្តដើម្បីសម្លាប់ខ្លួនតែប៉ុណ្ណោះ ៕
ចែករំលែកព័តមាននេះ