ADផ្ទាំងផ្សព្វផ្សាយពាណិជ្ជកម្ម

Picture

ទាំងនេះ​ជា​ក្រុម​ទាំង​៦ ដែល​ត្រូវ​ប្រជែង​ពាន​កំពូល​ទាំង​៣​របស់ UEFA រដូវ​កាល​នេះ

2 អាទិត្យ មុន

បរទេស ៖ ការ​ប្រកួត​ពានរង្វាន់​កំពូល​ទាំង​៣ របស់​សហព័ន្ធ​បាល់ទាត់​ទ្វីបអឺរ៉ុប (UEFA) រដូវ​កាល​នេះ បាន​រក​ឃើញ​២​ក្រុម​ចុង​ក្រោយ ដែល​ត្រូវ​ឡើង​ទៅ​តទល់​គ្នា​នៅ​វគ្គ​ផ្តាច់ព្រ័ត្រ​រៀង​ៗ​ខ្លួន​។

បរទេស ៖ ការ​ប្រកួត​ពានរង្វាន់​កំពូល​ទាំង​៣ របស់​សហព័ន្ធ​បាល់ទាត់​ទ្វីបអឺរ៉ុប (UEFA) រដូវ​កាល​នេះ បាន​រក​ឃើញ​២​ក្រុម​ចុង​ក្រោយ ដែល​ត្រូវ​ឡើង​ទៅ​តទល់​គ្នា​នៅ​វគ្គ​ផ្តាច់ព្រ័ត្រ​រៀង​ៗ​ខ្លួន​។

UEFA Champions League ៖
ហង្ស​ក្រហម Liverpool មក​ពី​អង់គ្លេស​នឹង​ត្រូវ​តទល់​ជាមួយ​អធិរាជ​ស Real Madrid មក​ពី​អេ​ស្ប៉ា​ញ​នៅ​វគ្គ​ផ្តាច់ព្រ័ត្រ​។ ជំនួប​ដ៏​ធំ​ជា​ប្រវត្តិសាស្ត្រ​មួយ​នេះ នឹង​ត្រូវធ្វើ​ឡើង​នៅ​កីឡដ្ឋាន​ជាតិ Stade de France ទី​ក្រុងប៉ារីស ប្រទេស​បារាំង វេលា​ម៉ោង ២:០០​នាទី​រំលង​អា​ធ្រា​ត្រ (​ម៉ោង​នៅ​កម្ពុជា​) ថ្ងៃ​ទី​២៨ ឈាន​ចូល​ថ្ងៃ​ទី​២៩ ខែឧសភា ឆ្នាំ​២០២២​។

Picture

UEFA Europa League ៖
ក្រុម Eintracht Frankfurt មក​ពី​អា​ល្លឺ​ម៉​ង់​នឹង​ត្រូវ​តទល់​ជាមួយ​ក្រុម Rangers មក​ពី​ស្កុ​តឡែ​ន​។ ជំនួប​វគ្គ​ផ្តាច់ព្រ័ត្រ​នៃ​ពាន​លំដាប់​ទី​២ របស់​អឺរ៉ុប​រវាង​ក្រុម​ទាំង​២ នឹង​ត្រូវធ្វើ​ឡើង​នៅ​កីឡដ្ឋាន Ramon Sanchez Pizjuan ទីក្រុង Sevilla ប្រទេស​អេ​ស្ប៉ា​ញ វេលា​ម៉ោង ២:០០​នាទី​រំលង​អា​ធ្រា​ត្រ (​ម៉ោង​នៅ​កម្ពុជា​) ថ្ងៃ​ទី​១៨ ឈាន​ចូល​ថ្ងៃ​ទី​១៩ ខែឧសភា ឆ្នាំ​២០២២​។

Picture

UEFA Europa Conference League ៖
ចចក​ញី Roma មក​ពី​អ៊ី​តា​លី​នឹង​ត្រូវ​តទល់​ជាមួយ​ក្រុម Feyenoord មក​ពី​ហូ​ឡង់​នៅ​វគ្គ​ផ្តាច់ព្រ័ត្រ​។ ដែល​ជំនួប​នេះ នឹង​ត្រូវធ្វើ​ឡើង​នៅ​កីឡដ្ឋាន​ជាតិ Arena Kombetare ទីក្រុង Tirana សាធារណរដ្ឋ​អាល់​បា​នី វេលា​ម៉ោង ២:០០​នាទី​រំលង​អា​ធ្រា​ត្រ (​ម៉ោង​នៅ​កម្ពុជា​) ថ្ងៃ​ទី​២៥ ឈាន​ចូល​ថ្ងៃ​ទី​២៦ ខែឧសភា ឆ្នាំ​២០២២៕

Picture
Picture