ដេញតាំងពីវត្តពោធិ៍ញាណដល់ស្ពានអាកាសស្ទឹងមានជ័យ ទម្រាំចាប់
រាជធានីភ្នំពេញ ៖ យុវជន២នាក់ត្រូងបានកម្លាំងអន្តរាគមន៍ដេញតាំងពីក្រោយវត្តពោធិ៍ញាណរហូតដល់លើស្ពានអាកាសស្ទឹងមានជ័យទើបចាប់បានម្នាក់ រត់រួចម្នាក់ …
រាជធានីភ្នំពេញ ៖ យុវជន២នាក់ត្រូងបានកម្លាំងអន្តរាគមន៍ដេញតាំងពីក្រោយវត្តពោធិ៍ញាណរហូតដល់លើស្ពានអាកាសស្ទឹងមានជ័យទើបចាប់បានម្នាក់ រត់រួចម្នាក់ …
រាជធានីភ្នំពេញ ៖ យុវជន២នាក់ត្រូងបានកម្លាំងអន្តរាគមន៍ដេញតាំងពីក្រោយវត្តពោធិ៍ញាណរហូតដល់លើស្ពានអាកាសស្ទឹងមានជ័យទើបចាប់បានម្នាក់ រត់រួចម្នាក់ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោងជាង១២រំលងអាធ្រាត្រឈានចូលថ្ងៃទី១៩ ខែតុលា ឆ្នាំ២០១៦ នៅលើស្ពានអាកាសស្ទឹងមានជ័យ ក្នុងសង្កាត់ស្ទឹងមានជ័យ ខណ្ឌមានជ័យ ។
ជនសង្ស័យជាអ្នកទាក់ឆ្កែដែលត្រូវសមត្ថកិច្ចដេញចាប់បានឈ្មោះ ចិន ចាន់ណារី អាយុ១៥ឆ្នាំ មុខរបរអ្នករើសអេតចាយ ស្នាក់នៅផ្ទះជួលគ្មានលេខក្នុងសង្កាត់ទំនប់ទឹក ខណ្ឌចំការមន ចំណែកបក្សពួកដែលរត់គេចខ្លួនមានឈ្មោះ អាយ៉ា ភេទប្រុស អាយុ៣០ឆ្នាំ ស្នាក់នៅសង្កាត់ឫស្សីកែវ ខណ្ឌឫស្សីកែវ ។
ប្រភពព័ត៌មានពីកម្លាំអន្តរាគមន៍រាជធានីភ្នំពេញបានឲ្យដឹងថា មុនពេលកើតហេតុកម្លាំងអន្តរាគន៍រាជធានីភ្នំពេញកំពុងតែល្បាតនៅក្នុងមូលដ្ឋានរបស់ខ្លួន ខណៈមកដល់ផ្លូវលំក្បែរសាលាមតេយ្យស្ទឹងមានជ័យ ស្រាប់តែប្រទះឃើញជនសង្ស័យ២នាក់ជិះម៉ូតូវីវ៉ា ពណ៌ខ្មៅ ពាក់ស្លាកលេខ ភ្នំពេញ 1W-8650 កំពុងធ្វើសកម្មភាពលួចទាក់ឆ្កែបានសម្រេចហើយបម្រុងជិះយកទៅលក់នៅម្តុំវត្តពោធិ៍ញាណក៏ត្រូវសមត្ថកិច្ចជិះម៉ូតូដេញតាមរហូតដល់លើស្ពានអាកាសស្ទឹងមានជ័យទើបចាប់បានជនសង្ស័យជាអ្នកបើកម៉ូតូ និងម៉ូតូវីវ៉ា១គ្រឿង ចំណែកជនសង្ស័យជាអ្នកធ្វើសកម្មភាពទាក់ឆ្កែដែលអង្គុយខាងក្រោយបានរត់គេចខ្លួនបាត់ ។
សមត្ថកិច្ចបានឲ្យដឹងថា ជនសង្ស័យជាមុខសញ្ញាទាក់ឆ្កែយ៉ាងសកម្មប៉ុន្តែកន្លងមកដេញចាប់ជនសង្ស័យមិនដែលបាន ទើបតែលើកនេះចាប់បានជនសង្ស័យម្នាក់ រត់គេចបាត់ ម្នាក់ ។ ដោយឡែកជនសង្ស័យដែលចាប់ខ្លួនបាននោះបានសារភាពថា រូបគេទើបធ្វើសកម្មភាពទាក់ឆ្កែបានម្តងតែប៉ុណ្ណោះ ។
ទោះបីជាយ៉ាងណាជនសង្ស័យត្រូវបាននគរបាលប៉ុស្តិ៍ស្ទឺងមានជ័យឃុំខ្លួនបណ្តោះ អាសន្ន ដើម្បីស្រាវជ្រាវតាមចាប់បក្សពួកម្នាក់ទៀតយកមកផ្តន្ទាទោសតាមច្បាប់ ៕
ចែករំលែកព័តមាននេះ