ក្រុមហ៊ុន CKE Restaurants Holdings, Inc. (“CKE”) ដែលជាក្រុមហ៊ុនមេរបស់ហាង Carl’s Jr.® និង Hardee’s® បានប្រកាសថាថ្ងៃនេះគឺជាថ្ងៃបើកសម្ភោធហាង Carl’s Jr. ដំបូងគេបង្អស់នៅព្រះរាជាណាចក្រកម្ពុជា។ ហាង Carl’s Jr. ដែលបើកដំណើរការដោយក្រុមហ៊ុន TH F&B Co. LTD នឹងមានទីតាំងនៅទីក្រុងភ្នំពេញ និងជាហាង Drive-Thru ដែលមានសេវាកម្មឆាប់រហ័ស (QSR) នៅក្នុងប្រទេស។
«យើងកំពុងតែស្ថិតក្នុងការលូតលាស់ខ្នាតអន្តរជាតិយ៉ាងខ្លាំងក្លាក្នុងឆ្នាំនេះ។ តាមពិតទៅ ការបើកនៅប្រទេសកម្ពុជា គឺបន្ទាប់ពីជោគជ័យនៅប្រទេសអូស្ត្រាលី ជប៉ុន កេនយ៉ា ហើយវាជាប្រទេសទី៤០ ដែលក្រុមហ៊ុន CKE International ឈានជើងចូល»។ នេះបើតាមសម្តីរបស់លោក Ned Lyerly ប្រធានអន្តរជាតិនៅ CKE។ «នេះគឺជាទីផ្សារមួយដ៏សំខាន់ក្នុងយុទ្ធសាស្ត្រពង្រីកក្រុមហ៊ុន ហើយយើងមានគម្រោងបើកហាង១៥បន្ថែមក្នុងប្រទេស ដើម្បីផ្តល់ជាបទពិសោធន៍បឺហ្គឺរមួយដ៏អស្ចារ្យសម្រាប់ប្រទេសកម្ពុជា»។
លោក Lyerly បានបន្តថា៖ «បន្ថែមពីលើការនាំមកនូវហាង Drive-thru ដំបូងគេនៅក្នុងប្រទេស ប្រជាជនកម្ពុជា ក៏អាចរីករាយក្នុងការញ៉ាំបឺហ្គឺរ និងស៊ាំងវិចមាន់ ដែលមានតម្លៃសមរម្យ គុណភាពខ្ពស់ និងធ្វើឡើងថ្មីៗ ស្រស់ៗ ដោយប្រើប្រាស់សារធាតុដើមដែលមានគុណភាពខ្ពស់ ដូចជាសាច់គោអូស្ត្រាលី ឆាគ្រីល១០០ភាគរយ។ យើងមានទំនុកចិត្តថា ប្រជាជនកម្ពុជានឹងចូលចិត្តបឺហ្គឺរធំៗដែលឆ្ងាញ់ជាប់មាត់ ក៏ដូចជាសេវាកម្មបម្រើអតិថិជនស្តង់ដាអន្តរជាតិរបស់ពួកយើង»។
ហាង Carl’s Jr. នឹងផ្តល់ជាមុខម្ហូបថ្មីៗ ដូចជាមុខម្ហូបប្រចាំយីហោ Western Bacon Cheeseburger®, Famous Star® និង បឺហ្គឺរ Super Star® ក៏ដូចជាមុខម្ហូបដែលមានប្រជាប្រិយភាពដែលរួមមាន The Big Carl™, the Jalapeno Thickburger®, Hand-Breaded Chicken Tenders™ និងការ៉េម Hand-Scooped Ice Cream Shakes™។
«ជាមួយនឹងការគំនិតបង្កើតថ្មីដែលគ្មានគូរប្រៀប Carl’s Jr. មានលក្ខណៈពិសេសក្នុងការផ្តល់មុខម្ហូបដែលមានតម្លៃថោកសមរម្យ ប៉ុន្តែមានគុណភាពខ្ពស់»។ លោក ណម ហាវ នាយកគ្រប់គ្រងរបស់ TH F&B បានបន្តថាទៀតថា៖ «យើងមានទំនុកចិត្តថាប្រទេសកម្ពុជា ជាមួយនឹងចំនួនយុវវ័យជាច្រើន និងការកើនឡើងនៃចំណង់ចំណូលចិត្តលើយីហោមកពីលោកខាងលិច នឹងស្រឡាញ់ពេញចិត្តវត្តមានរបស់ហាងបឺហ្គឹរលំដាប់ពិភពលោកនៅក្នុងប្រទេស។ វាជាកិត្តិយសរបស់យើងក្នុងការនាំយក Carl’s Jr. មកប្រទេសកម្ពុជា ហើយយើងនឹងរំពឹងមើលការរីកលូតលាស់របស់ហាងនៅជុំវិញប្រទេស»។
ព័ត៌មានខ្លះៗអំពី Carl’s Jr. នៅប្រទេសកម្ពុជា
• អាសយដ្ឋាន ៖ កែងផ្លូវលេខ ៥១ និងផ្លូវលេខ៣១០ ភ្នំពេញ កម្ពុជា
• ម៉ោងបើកដំណើរការ ៖ ម៉ោង១០ព្រឹក ដល់១០យប់ បើកជារៀងរាល់ថ្ងៃ
• ចំណុចពិសេសរបស់ទីតាំង៖
o សេវាកម្មរត់តុពាក់កណ្តាល
o ភេសជ្ជៈបន្ថែមដោយឥតគិតថ្លៃ
o Wi-Fi
o Drive-thru
សម្រាប់ព័ត៌មានបន្ថែមអំពីឱកាសទិញយីហោពី CKE សូមចូលទៅកាន់ www.ckefranchise.com ។
Follow Carl’s Jr. នៅលើគេហទំព័រ Facebook (www.facebook.com/CarlsJr.Cambodia), Twitter (@CarlsJrCambodia) និង Instagram (@carlsjrcambodia) សម្រាប់ព័ត៌មានពីផលិតផល និងកម្មវិធីបញ្ចុះតម្លៃថ្មីៗ។
ចែករំលែកព័តមាននេះ