«International Business Times» របស់អង់គ្លេស កាលពីពេល ថ្មីៗកន្លងមកផ្សាយថា នាង Pippa Middleton ប្អូនស្រីរបស់ព្រះនាងឃែតធើរីន ព្រះជាយារបស់ព្រះអង្គម្ចាស់វីល្លៀម នៃរាជវង្សអង់គ្លេស គ្រោងរៀបអាពាហ៍ពិពាហ៍ជាមួយលោក James Matthews ជាគូដណ្តឹង និងជាប្រធានមូលនិធិ «Hedge Fund» អាយុ៤០ឆ្នាំ នៅឆ្នាំ២០១៧ ។ បច្ចុប្បន្ននាងត្រៀមផ្ញើលិខិតអញ្ជើញបញ្ជាក់ពីថ្ងៃរៀបអាពាហ៍ពិពាហ៍ដល់បងប្អូន ញាតិមិត្ត និងមិត្តភក្តិ រួមទាំងប័ណ្ណជូនពរក្នុងថ្ងៃបុណ្យគ្រីស្មើសផងដែរ ។
Pippa អាយុ៣៣ឆ្នាំ ត្រៀមផ្ញើលិខិតអញ្ជើញបញ្ជាក់ពីថ្ងៃរៀបអាពាហ៍ពិពាហ៍ដើម្បីឱ្យភ្ញៀវបានត្រៀមខ្លួន រួមទាំងផ្ញើប័ណ្ណសម្រាប់ជូនពរថ្ងៃគ្រីស្មើសផងដែរ ។ ក្រៅពីនេះលេចឮដំណឹងថា នាងបានទៅសាកឈុតកូនក្រមុំដែលមានតម្លៃប្រហែល១០.០០០ផោនទៀតផង ។
នាង Pippa Middleton និងលោក James Matthews គូដណ្តឹងបានកំណត់ថ្ងៃរៀបអាពាហ៍ពិពាហ៍របស់ពួកគេនៅឆ្នាំក្រោយ ។
នាង Pippa Middleton និយាយថា «ឈុតអាពាហ៍ពិពាហ៍របស់ខ្ញុំត្រូវតែលេចធ្លោជាងឈុតដែលបងស្រីធ្លាប់ស្លៀកនៅក្នុងពិធីអភិសេក» ។
កាលពីមុនលេចឮថានាង Pippa ត្រូវបុរសអនាមិកម្នាក់អះអាងថា លួចលក់រូបថតរបស់ខ្លួន និងគូដណ្តឹងជាង៣.០០០សន្លឹក ដល់បណ្តាញផ្សព្វផ្សាយនានា ក្នុងតម្លៃ៥០.០០០ផោន ដោយមានទាំងរូបថតរបស់នាង ក្នុងពេលសាកឈុតកូនក្រមុំរបស់បងស្រីផងដែរ ប៉ុន្តែបន្ទាប់មកបានប្តឹងទៅតុលាការហាមផ្សព្វផ្សាយរូបភាពទាំងនោះ ដើម្បីឱ្យប្រាកដក្នុងចិត្តថា រូបថត និងវីដេអូឃ្លីបមិនត្រូវចុះផ្សាយជាដាច់ខាត ៕
ចែករំលែកព័តមាននេះ