ស្រវឹងស្រាជោកមកលោតទឹកស្ពានព្រែកថ្មី
ខេត្តកណ្តាល ៖ បុរសម្នាក់ខណៈស្រវឹងស្រាជោក ស្រាប់តែមកលោតទឹកស្ពានព្រែកថ្មីបង្កឲ្យមានការភ្ញាក់ផ្អើលកាលពី វេលាម៉ោង១២ និង៣០នាទីថ្ងៃត្រង់ ថ្ងៃទី១៨ ខែតុលា …
ខេត្តកណ្តាល ៖ បុរសម្នាក់ខណៈស្រវឹងស្រាជោក ស្រាប់តែមកលោតទឹកស្ពានព្រែកថ្មីបង្កឲ្យមានការភ្ញាក់ផ្អើលកាលពី វេលាម៉ោង១២ និង៣០នាទីថ្ងៃត្រង់ ថ្ងៃទី១៨ ខែតុលា …
ខេត្តកណ្តាល ៖ បុរសម្នាក់ខណៈស្រវឹងស្រាជោក ស្រាប់តែមកលោតទឹកស្ពានព្រែកថ្មីបង្កឲ្យមានការភ្ញាក់ផ្អើលកាលពី វេលាម៉ោង១២ និង៣០នាទីថ្ងៃត្រង់ ថ្ងៃទី១៨ ខែតុលា ឆ្នាំ២០១៦ នៅចំណុចស្ពានព្រែកថ្មី ស្ថិតក្នុងភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាល ។
ជនរងគ្រោះឈ្មោះ ស៊ុំ សេរី ហៅតី ភេទប្រុស អាយុ៣៧ឆ្នាំ ជនជាតិខ្មែរ មុខរបរកសិករ មានទីលំនៅភូមិ-ឃុំកើតហេតុ ។
ប្រភពព័ត៌មានពីអ្នកដងត្រីមាត់ព្រែកនិយាយថា មុនពេលកើតហេតុគេឃើញជនរងគ្រោះមានសភាពស្រវឹងស្រាជោក បានដើរឡើងទៅលើស្ពានបានមួយសន្ទុះក៏លោតចុះពីលើស្ពានទៅក្នុងទឹក ស្រាប់តែលិចបាត់មិនឃើញងើបឡើងមកវិញឡើយ ។ ភ្លាមនោះដឹងដល់ក្រុមគ្រួសារជនរងគ្រោះក៏ទៅជួលគេឲ្យមកចុះមុជទឹករាវរកក៏ប្រទះឃើញជនរងគ្រោះលង់ទឹកស្លាប់បាត់បង់ជីវិតទៅហើយ ។
បន្ទាប់ពីរាវឃើញសព ក្រុមគ្រួសារបានរាយការណ៍ប្រាប់សមត្ថកិច្ចប៉ុស្តិ៍ និងនគរបាលជំនាញសហការជាមួយអាជ្ញាធរមូលដ្ឋាន គ្រូពេទ្យឃុំ ចុះមកពិនិត្យ និងធ្វើកោសល្យវិច្ច័យសពនិងបានបញ្ជាក់ថាសាកសពពុំមានស្លាកស្នាមអ្វីគួរឲ្យកត់សំគាល់ទេ ដោយសន្និដ្ឋានថា ជនរងគ្រោះស្លាប់ដោយសារឈ្លក់ទឹកលង់ស្លាប់ពិតប្រាកដមែន ។
ក្រោយពេលពិនិត្យរួច សពជនរងគ្រោះត្រូវបានប្រគល់ជូនក្រុមគ្រួសារយកទៅធើ្វបុណ្យតាមប្រពៃណី ៕
ចែករំលែកព័តមាននេះ