រាជធានីភ្នំពេញ ៖ ម្តាយមីង២នាក់ និងមេការសំណង់ម្នាក់ ដែលពាក់ព័ន្ធទៅនឹងសំណុំរឿងចាក់ច្រវាក់ជើង និងបង្ខាំងក្មេងស្រីអាយុ១៣ឆ្នាំ នៅព្រឹកថ្ងៃទី១៨ ខែតុលា ឆ្នាំ២០១៦ ត្រូវលោក
រាជធានីភ្នំពេញ ៖ ម្តាយមីង២នាក់ និងមេការសំណង់ម្នាក់ ដែលពាក់ព័ន្ធទៅនឹងសំណុំរឿងចាក់ច្រវាក់ជើង និងបង្ខាំងក្មេងស្រីអាយុ១៣ឆ្នាំ នៅព្រឹកថ្ងៃទី១៨ ខែតុលា ឆ្នាំ២០១៦ ត្រូវលោក លាង សំណាត់ ប្រធានក្រុមប្រឹក្សាជំនុំជម្រះ សាលាដំបូងរាជធានីភ្នំពេញ សម្រេចផ្តន្ទាទោសជនជាប់ចោទ២នាក់ ដែលត្រូវជាម្តាយមីងរបស់ជនរងគ្រោះ ដាក់ពន្ធនាគារក្នុងម្នាក់ៗ៣ឆ្នាំ ពីបទអំពើអូសទាញពេស្យាចារកុមារ បទប្បញ្ញត្តិមានចែងតាមមាត្រា៣៥ ច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ។
មេការសំណង់ម្នាក់ផ្តន្ទាទោសដាក់ពន្ធនាគារកំណត់៣ឆ្នាំ៦ខែ ពីបទការទិញពេស្យាចារកុមារ បទប្បញ្ញត្តិមានចែងតាមមាត្រា៣៤ច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ។ គួររំលឹកថា ជនជាប់ចោទទាំង៣នាក់ខាងលើទី១.ឈ្មោះ ជា ស្រស់ ភេទស្រី អាយុ៣២ឆ្នាំ ជនជាតិខ្មែរ-ឥស្លាម ២.ឈ្មោះ ជា ទីណា ភេទស្រី អាយុ ២៧ឆ្នាំ ជនជាតិខ្មែរ-ឥស្លាម ជនជាប់ចោទទាំងពីររូបនេះ ត្រូវជាម្តាយមីងរបស់ក្មេងស្រីជនរងគ្រោះ។ រីឯជនជាប់ចោទម្នាក់ទៀតឈ្មោះ ឆិន ឆាយលី ភេទប្រុស អាយុ៣៦ឆ្នាំ ត្រូវបានតុលាការបង្គាប់ឲ្យសងសំណងជំងឺចិត្តទៅដើមបណ្ដឹងឈ្មោះ ខាត់ គ្រី ចំនួន៨លានរៀលផងដែរ។ គួរបញ្ជាក់ថា ជនជាប់ចោទទាំង៣នាក់ខាងលើ ត្រូវបានសមត្ថកិច្ចចាប់ខ្លួនកាលពីរសៀលថ្ងៃទី៣ សីហា ២០១៥ នៅខណ្ឌឬស្សីកែវ។
នៅក្នុងប្រតិបត្តិការបង្ក្រាបអំពើបង្ខាំងក្មេងស្រីអាយុ១៣ឆ្នាំម្នាក់ដាក់ច្រវាក់ជើង ហើយបង្ខំឲ្យរួមភេទជាមួយបុរសចំណាស់ ជាថ្នូរនឹងប្រាក់ចំនួន១០០០ដុល្លារអាមេរិក។ លោក កែវ ធា នាយការិយាល័យនគរបាលប្រឆាំងការជួញដូរមនុស្ស និងការពារអនីតិជនរាជធានីភ្នំពេញ បានឲ្យដឹងថា ក្រោយពីមានពាក្យបណ្ដឹងរបស់ជនរងគ្រោះ លោកស្នងការនគរបាលរាជធានីភ្នំពេញ និងលោកព្រះរាជអាជ្ញាអមសាលាដំបូង បានអនុញ្ញាតឲ្យចូលត្រួតពិនិត្យលំនៅស្ថាន ខ្មែរឥស្លាមមួយក្នុងខណ្ឌឬស្សីកែវ។ ក្នុងការឆែកឆេនេះ សមត្ថកិច្ចបានឃាត់ខ្លួន ស្ត្រីពីរនាក់ និងបុរសម្នាក់ដែលជាប់ពាក់ព័ន្ធ នឹងបទល្មើស និងរំដោះក្មេងស្រីរងគ្រោះម្នាក់ ដែលម្ដាយមីងបានដាក់ច្រវាក់ជើងបង្ខាំងទុកក្នុងផ្ទះទុកលក់ផ្លូវភេទ។
លោក កែវ ធា បានឲ្យដឹងទៀតថា ជនសង្ស័យដែលសមត្ថកិច្ចឃាត់ខ្លួនទី១ឈ្មោះ ជា ស្រស់ ភេទស្រី អាយុ៣២ឆ្នាំ ទី២ឈ្មោះ ជា ទីណា ភេទស្រីអាយុ២៧ឆ្នាំ ជាម្ដាយមីងបង្កើតរបស់ជនរងគ្រោះតែម្ដង។ ចំណែកបុរសដែលទិញការរួមភេទជាមួយក្មេងស្រីរងគ្រោះពីម្ដាយមីង ឈ្មោះ ឈឹម ឆៃលី អាយុ៣៦ឆ្នាំ។ ឥឡូវនេះក្រុមជនសង្ស័យកំពុងធ្វើការសាកសួរនៅនគរបាលការិយាល័យប្រឆាំងការជួញដូរមនុស្ស ដើម្បីកសាងសំណុំរឿងបញ្ជូនឡើងកាន់សាលាដំបូងរាជធានីភ្នំពេញ ចោទប្រកាន់តាមផ្លូវច្បាប់។ សមត្ថកិច្ចប្រតិបត្តិការឆែកឆេរ កាលពីដើមឆ្នាំ២០១៥ ម្ដាយមីងរបស់ក្មេងស្រីរងគ្រោះ បានលួងលោមក្មួយស្រីរបស់ខ្លួនដែលជាក្មេងកំព្រាយកទៅលក់ខ្លួនឲ្យបុរសឈ្មោះ ឈឹម ឆៃលី បានប្រាក់ចំនួន១០០០ដុល្លារ ។
ក្រោយមកម្ដាយមីងទាំងពីនាក់ បានលួងលោមក្មួយស្រីរបស់ខ្លួនឲ្យធ្វើជាស្រីកំណាន់របស់ឈ្មោះ ឈឹម ឆៃលី ទៀត តែឈ្មោះ ជណរ មិនព្រម ក៏ត្រូវម្ដាយមីងចិត្តតិរច្ឆានចាប់ដាក់ច្រវាក់ជើង បង្ខាំងទុកក្នុងផ្ទះរហូតមកដើម្បីលក់ខ្លួនឲ្យឈ្មោះ ឈឹម ឆៃលី ម្ដងម្កាល។ លុះដល់ថ្ងៃទី៣១ កក្កដា ២០១៥ ជនរងគ្រោះបានដោះច្រវាក់ ហើយរត់ទៅរកអ្នកជិតខាងឲ្យជួយ និងបានទៅសមត្ថកិច្ចដាក់ពាក្យប្ដឹងតែម្ដង។ សមត្ថកិច្ចបានឲ្យដឹងថា រហូតមកដល់ថ្ងៃនេះជនរងគ្រោះឈ្មោះ ជណរ ទើបតែមានអាយុ១៣ឆ្នាំប៉ុណ្ណោះ និងជាក្មេងកំព្រាទៀតផង ទើបម្ដាយមីងទាំងពីរនាក់ចាប់បង្ខាំងទុកលក់ កេងប្រវ័ញ្ចលើផ្លូវភេទយ៉ាងអយុត្តិធម៌បំផុត។
ផ្ទុយពីការអះអាងរបស់ សាក្សីខ្មែរឥស្លាមច្រើននាក់ នៅក្នុងភូមិកើតហេតុ បានច្រានចោលការចោទប្រកាន់នោះ ដោយពួកគាត់បាននិយាយថាក្មេងស្រីនោះ ត្រូវបានម្ដាយមីងទាំងពីរចិញ្ចឹមតាំងពីក្មេងតូចមកម្លេះ លុះដល់ធំពេញវ័យមិនស្ដាប់បង្គាប់ម្ដាយមីងទេ ចេះតែដើរលេងសេពគប់មិត្តភក្តិជក់គ្រឿងញៀន ដើរដាច់យប់មិនចូលផ្ទះជាដើមទើបម្ដាយមីងបង្ខាំងនៅក្នុងផ្ទះហើយករណីនេះ អ្នកភូមិអាចធ្វើសាក្សីបាន៕
ចែករំលែកព័តមាននេះ