ខេត្តព្រៃវែង ៖ បន្ទាប់ពីមានភ្លៀងធ្លាក់ជាប់ៗគ្នាជាច្រើនថ្ងៃមក បានធ្វើឱ្យកើតទៅជាជំនន់ទឹកភ្លៀងជន់លិចវាលស្រែ បឹង ព្រែក ជាពិសេស គឺផ្លូវជាតិលេខ៣១៣ ត្រង់ចំណុចទំនប់បង្ហៀរបឹងសេ្នហ៍ ស្ថិតក្នុងឃុំធាយ ស្រុកបាភ្នំ ខេត្តព្រៃវែង ។
ខេត្តព្រៃវែង ៖ បន្ទាប់ពីមានភ្លៀងធ្លាក់ជាប់ៗគ្នាជាច្រើនថ្ងៃមក បានធ្វើឱ្យកើតទៅជាជំនន់ទឹកភ្លៀងជន់លិចវាលស្រែ បឹង ព្រែក ជាពិសេស គឺផ្លូវជាតិលេខ៣១៣ ត្រង់ចំណុចទំនប់បង្ហៀរបឹងសេ្នហ៍ ស្ថិតក្នុងឃុំធាយ ស្រុកបាភ្នំ ខេត្តព្រៃវែង ។
ការជន់លិចដ៏ខ្លាំងនេះ មិនត្រឹមតែធ្វើឱ្យប៉ះពាល់ដល់ផ្លូវ និងទំនប់នោះទេ ថែមទាំងប៉ះពាល់ដល់ការធ្វើដំណើរ និងសុវត្ថិភាពរបស់អ្នកដំណើរថែមទៀតផង ។ ដើម្បីការពារផ្លូវកុំឱ្យបាក់ស្រុតខូចខាតធ្ងន់ធ្ងរ និងបង្កាការពារគ្រោះថ្នាក់ ដែលអាចកើតមានជាយថហេតុនោះ អាជ្ញាធរខេត្តព្រៃវែង កាលពីព្រឹកថ្ងៃទី១៧ តុលា ២០១៦ បានចេញសេចក្តីប្រកាសបិទផ្លូវជាតិលេខ៣១៣ តភ្ជាប់ពីចំណុចកែងស្នេហ៍ ឆ្ពោះទៅផ្សារកំពង់សឹង្ហ និងផ្សារកអណ្តើក ដោយបិទហាមឆ្លងកាត់ជាបណ្តោះអាសន្ន និងបានចាត់ឱ្យមន្ទីរសាធារណៈការ និងមន្ទីរធនធានទឹក សហការត្រួតពិនិត្យផ្នែកបច្ចេកទេស ដោយដាក់ស្លាកសញ្ញាហាមឆ្លងកាត់ ស្លាកសញ្ញាចំណុចគ្រោះថ្នាក់ផ្សេងៗ និងធ្វើការទប់ស្កាត់ការច្រោះបាក់ផ្លូវ ។ល។
ចំណែកអាជ្ញាធរឃុំ និងស្រុក ត្រូវធ្វើការផ្សព្វផ្សាយហាមឃាត់ប្រជាពលរដ្ឋ កុំឱ្យធ្វើដំណើរឆ្លងកាត់ចំណុចទំនប់បង្ហៀរបឹង
ស្នេហ៍នេះ ចៀសវាងកុំមានគ្រោះថ្នាក់ផ្សេងៗកើតឡើង។
ទោះបីជាអាជ្ញាធរខេត្តបានប្រកាសបិទផ្លូវជាតិលេខ៣១៣នេះក្តី រហូតមកដល់ល្ងាចថ្ងៃទី១៨តុលានេះ គេនៅមិនទាន់ឃើញខាងមន្ទីរជំនាញទាំង២ ក៏ដូចជាអាជ្ញាមូលដ្ឋាន ចេញអនុវត្តតាមការចាត់តាំងរបស់ខេត្តនៅឡើយទេ គឺស្ងាត់ឈឹងតែម្តង ។ ចំណែកក្រុមអ្នកដំណើរនៅតែបន្តនាំគ្នា ធ្វើដំណើរឆ្លងកាត់ផ្លូវជាតិលេខ៣១៣នេះ ដូចធម្មតា ដោយពេលមកដល់ចំណុចទំនប់បង្ហៀរបឹងស្នេហ៍ កន្លែងដែលមានទឹកហូរកាត់ខ្លាំង អ្នកខ្លះចុះដើរ ខ្លះមិនហ៊ានឆ្លងបត់ត្រឡប់ក្រោយវិញ ឯអ្នកខ្លះទៀតសំរេចចិត្តបើកឆ្លងកាត់ទឹកហូរ ទាំងក្នុងអារម្មណ៍ភ័យខ្លាច ។
ចែករំលែកព័តមាននេះ