រាជធានីភ្នំពេញ ៖ កុមារអាចចាប់ផ្តើមនិយាយកុហកចាប់ពីអាយុប្រហែល ៣ ឆ្នាំ ។ ដូច្នេះ ចូរចាប់លើកទឹកចិត្តកុមារឱ្យនិយាយការពិតដោយបញ្ជាក់ពីសារៈសំខាន់នៃភាពស្មោះត្រង់ ។ កុមារអាចនិយាយកុហកដើម្បីបិទបាំងអ្វីមួយ…
រាជធានីភ្នំពេញ ៖ កុមារអាចចាប់ផ្តើមនិយាយកុហកចាប់ពីអាយុប្រហែល ៣ ឆ្នាំ ។ ដូច្នេះ ចូរចាប់លើកទឹកចិត្តកុមារឱ្យនិយាយការពិតដោយបញ្ជាក់ពីសារៈសំខាន់នៃភាពស្មោះត្រង់ ។ កុមារអាចនិយាយកុហកដើម្បីបិទបាំងអ្វីមួយ ដើម្បីកុំឱ្យពួកគេមានបញ្ហា, ធ្វើឱ្យរឿងកាន់តែរំភើប, ដើម្បីពិសោធន៍អ្វីមួយ, ទាមទារការយកចិត្តទុកដាក់, ទទួលបានអ្វីមួយដែលពួកគេចង់បាន និងចៀសវាងធ្វើឱ្យប៉ះពាល់ដល់អារម្មណ៍របស់នរណាម្នាក់ ។ ការកុហកបែបនេះត្រូវបានគេហៅថា «កុហកពណ៌ស» ។
តើកុមារចាប់ផ្តើមនិយាយកុហកនៅពេលណា ? កុមារអាចរៀននិយាយកុហកតាំងពីតូចមក ជាធម្មតានៅអាយុប្រហែល ៣ ឆ្នាំ ។ នេះជាពេលដែលកុមារចាប់ផ្ដើមដឹងថា អ្នកមិនមែនជាអ្នកអានគំនិត ដូច្នេះពួកគេអាចនិយាយអ្វីដែលមិនពិតដោយគ្មានអ្នកដឹងជានិច្ច ។ កុមារនិយាយកុហកច្រើននៅអាយុ ៤-៦ ឆ្នាំ ។ ពួកគេអាចនឹងកាន់តែប្រសើរឡើងក្នុងការនិយាយកុហកដោយការផ្គូផ្គងទឹកមុខ និងទឹកដមសំឡេងរបស់ពួកគេទៅនឹងអ្វីដែលពួកគេកំពុងនិយាយ ។ នៅពេលដែលកុមារធំឡើង ពួកគេអាចកុហកបានកាន់តែជោគជ័យ ដោយមិនចាំបាច់ចាប់បាន ។ ការភូតកុហកក៏កាន់តែស្មុគស្មាញផងដែរ ពីព្រោះកុមារមានពាក្យច្រើន ហើយយល់កាន់តែច្បាស់ពីរបៀបគិតរបស់អ្នកដទៃ ។ នៅវ័យជំទង់ កុមារតែងតែនិយាយកុហកពណ៌ស ដើម្បីកុំឱ្យប៉ះពាល់ដល់អារម្មណ៍អ្នកដទៃ ។
ការលើកទឹកចិត្តកុមារឱ្យនិយាយការពិត ៖ នៅពេលដែលកុមារមានវ័យគ្រប់គ្រាន់ដើម្បីយល់ពីភាពខុសគ្នារវាងការពិត និងមិនពិត វាជាការល្អក្នុងការលើកទឹកចិត្ត និងគាំទ្រពួកគេក្នុងការនិយាយការពិត ។ អ្នកអាចធ្វើដូច្នេះបានដោយសង្កត់ធ្ងន់លើសារៈសំខាន់នៃភាពស្មោះត្រង់ក្នុងគ្រួសាររបស់អ្នក និងជួយកុមារឱ្យយល់ពីអ្វីដែលអាចកើតឡើងប្រសិនបើពួកគេកុហក ។
ខាងក្រោមនេះ គឺជាគន្លឹះមួយចំនួនក្នុងការលើកទឹកចិត្តកុមារឱ្យនិយាយការពិត ៖
១. ពិភាក្សាអំពីការកុហក និងនិយាយការពិតជាមួយកូនរបស់អ្នក ។ ឧទាហរណ៍ ម៉ាក់នឹងមានអារម្មណ៍យ៉ាងណាបើប៉ាកុហកកូន ? ឬ តើមានអ្វីកើតឡើងពេលកូនកុហកគ្រូ ?
២. ជួយកូនរបស់អ្នកចៀសវាងស្ថានភាពដែលពួកគេមានអារម្មណ៍ថា ត្រូវការកុហក។ ជាឧទាហរណ៍ ប្រសិនបើអ្នកសួរកូនរបស់អ្នកថា តើពួកគេកំពប់ទឹកដោះគោ ឬអត់ កូនរបស់អ្នកអាចមានអារម្មណ៍ថា ចង់កុហក ។ ដើម្បីចៀសវាងពីស្ថានភាពនេះ អ្នកគ្រាន់តែនិយាយថា ម៉ាក់ឃើញទឹកដោះគោកំពប់ ។ ចូរកូនទៅសម្អាតវា ។
៣. សរសើរកូនរបស់អ្នកដែលធ្វើខុស ។ ជាឧទាហរណ៍ ប៉ារីករាយណាស់ដែលកូនបានប្រាប់ប៉ាពីអ្វីដែលបានកើតឡើង ។ ចូរយើងធ្វើការជាមួយគ្នាដើម្បីដោះស្រាយបញ្ហា ។
៤. ធ្វើជាគំរូសម្រាប់និយាយការពិត ។ ជាឧទាហរណ៍ ប៉ាបានធ្វើខុសនៅក្នុងរបាយការណ៍ដែលប៉ាបានសរសេរសម្រាប់ការងារថ្ងៃនេះ ។ ប៉ាបានប្រាប់ចៅហ្វាយរបស់ប៉ាដើម្បីឱ្យយើងដោះស្រាយវា ។ ក្នុងករណីខ្លះ ប្រសិនបើកូនរបស់អ្នកកំពុងកុហក ឬបង្កើតរឿងអំពីអ្វីមួយ អ្នកអាចឆ្លើយតបដោយនិយាយអ្វីមួយដូចជា នោះជារឿងដ៏អស្ចារ្យ យើងអាចបង្កើតវាទៅជាសៀវភៅបាន ។ ពេលខ្លះ រឿងនេះអាចលើកទឹកចិត្តដល់ការស្រមើលស្រមៃរបស់កូនអ្នក ដោយមិនចាំបាច់និយាយកុហក ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ និងសាលារៀនណត្សឡាញន៍ បើកវគ្គសិក្សាថ្មីសម្រាប់កម្មវិធីមត្តេយ្យ កម្មវិធីភាសាអង់គ្លេស កម្មវិធីភាសាចិន ចូលរៀនថ្ងៃទី ៣ ខែឧសភា ឆ្នាំ ២០២២ ។ សាលារៀនផ្តល់ជូនពិសេស ១៥% លើតម្លៃសិក្សា និងធានារ៉ាប់រងគ្រោះថ្នាក់ និងការការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូនខាងលើមានសុពលភាពត្រឹមថ្ងៃទី ២ ខែឧសភា ឆ្នាំ ២០២២ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ