រាជធានីភ្នំពេញ ៖ ក្រុមហ៊ុន LG ដែលទើបតែបានផលិតគ្រឿងសំអាងនៅប្រទេសកូរ៉េ បាននាំចូលផលិតផលគ្រឿងសំអាងជាច្រើនមកកាន់ទីផ្សារប្រទេសកម្ពុជា ដោយកាលពីថ្ងៃទី១៥ ខែតុលា ឆ្នាំ២០១៦ ក្រុមហ៊ុនបានបង្ហាញផលិតផលថ្មីៗដល់ភ្ញៀវពិសេសរបស់ខ្លួនជាង២០០ ដែលបានអញ្ជើញចូលរួមក្នុងសណ្ឋាគារស៊ូហ្វីតែលភ្នំពេញភូគីត្រារាជធានីភ្នំពេញ ។
នៅក្នុងឱកាសនោះក្រុមហ៊ុនបានបង្ហាញផលិតផលថ្មីរបស់ខ្លួននោះ គឺ SU:M37 ដែលជាផលិតផលសំអាងធម្មជាតិរបស់ក្រុមហ៊ុនអិលជី ដែលបានបង្កើតឡើងកាលពីឆ្នាំ២០០៧ ។ SU:M37 មកដល់ពេលបច្ចុប្បន្ន គឺបានរីកចម្រើនយ៉ាងឆាប់រហ័ស ហើយក្រៅពីនោះ ក្រោមការខិតខំពិសោធន៍ស្វែងរកអស់រយៈពេលយ៉ាងយូរ SU:M37 បានបង្ហាញអោយឃើញពីប្រសិទ្ធភាពយ៉ាងល្អប្រសើរនៃធម្មជាតិចំពោះស្បែកមុខ ។
នៅក្នុងសេចក្តីប្រកាសព័ត៌មានមួយរបស់ក្រុមហ៊ុន LG បានអោយដឹងថា ចាប់តាំងពីការដាក់លក់មក គឺបានសរសេរប្រវត្តិផលិតផលគ្រឿងសំអាងធម្មជាតិសារជាថ្មីឡើងវិញដែលបានលក់ចេញជាង១.៧០០លានក្នុងរយៈពេល៤ឆ្នាំ គឺអាចចាត់ទុកជាការព្រឹត្តិការណ៍១អស្ចារ្យ ក្នុងទីផ្សារផលិតផលគ្រឿងសំអាងកូរ៉េ ។
តំណាងក្រុមហ៊ុនបានបញ្ជាក់ថា ពិធីសម្ពោធលើកនេះ គឺនាំមកនូវសេចក្តីភ្ញាក់ផ្អើលយ៉ាងច្រើន ។ ភ្ញៀវដែលបានចូលរួមអាចទទួលបាននូវការបញ្ចុះពិសេសលើផលិតផល SU:M37 របស់ក្រុមហ៊ុនបានផងដែរ ។ នៅក្នុងប្រទេសកម្ពុជាផលិតផល SU:M37 ត្រូវបាននាំចូល និងចែកចារយដោយក្រុមហ៊ុន 3SH អន្តរជាតិកម្ពុជា ។
គួរបញ្ជាក់ថា តាមសេចក្តីប្រកាសព័ត៌មានបញ្ជាក់ថា ពិធីសម្ពោធនេះ គឺជាជំហាន១ដ៏ធំសម្រាប់ 3SH ។ ក្រុមហ៊ុននឹងពង្រីកកាន់តែច្រើនចំពោះទីផ្សារលក់ដូរគ្រប់រូបភាព ដោយជំរុញការផ្សព្វផ្សាយអោយបានកាន់តែច្រើន រួមទាំងពង្រឹងនូវគុណភាព សេវាកម្ម ធ្វើអោយអតិថិជនមានទំនុកចិត្តមកលើក្រុមហ៊ុនកាន់តែខ្លាំង ៕
ចែករំលែកព័តមាននេះ