រាជធានីភ្នំពេញ ៖ បុរសម្នាក់ជិះម៉ូតូធំ រវល់តែសម្លឹងមើលនារីៗ ដែលអង្គុយនៅខាងមុខហាងខារ៉ាអូខេ ស្រាប់តែជ្រុលទៅបុករថយន្តកំពុងចតស្ងៀម បណ្តាលឱ្យដួលរងរបួសធ្ងន់ កាលវេលាម៉ោង១២ និង៤០នាទីរំលងអធ្រាត្រ ឈានចូលថ្ងៃទី១៨ តុលា ស្ថិត
រាជធានីភ្នំពេញ ៖ បុរសម្នាក់ជិះម៉ូតូធំ រវល់តែសម្លឹងមើលនារីៗ ដែលអង្គុយនៅខាងមុខហាងខារ៉ាអូខេ ស្រាប់តែជ្រុលទៅបុករថយន្តកំពុងចតស្ងៀម បណ្តាលឱ្យដួលរងរបួសធ្ងន់ កាលវេលាម៉ោង១២ និង៤០នាទីរំលងអធ្រាត្រ ឈានចូលថ្ងៃទី១៨ តុលា ស្ថិតតាមបណ្តោយផ្លូវជាតិលេខ៣ ទល់មុខមណ្ឌលកំសាន្ដម៉ូឌែនស៊ីធី ក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សេន
ជ័យ ។
បុរសរងរបួសមិនបានស្គាល់អត្តសញ្ញាណទេ បើកម៉ូតូធំម៉ាកCBR ពណ៌ខ្មៅ ពាក់ស្លាកលេខភ្នំពេញ1FE-5860 ក្នុងទិសដៅពីត្បូងទៅជើង ក្នុងល្បឿនមធ្យម និងរថយន្តប្រភេទយីឌុបពណ៌ខៀវបានឈប់ស្របទិសគ្នា ។
តាមប្រភពពីកន្លែងកើតហេតុឱ្យដឹងថា គេឃើញរថយន្តប្រភេទយីឌុបមួយគ្រឿង ដែលទើបនឹងឈប់នៅកណ្តាលផ្លូវ ហើយស្រាប់តែឃើញបុរសម្នាក់បើកបរក្នុងទិសដៅពីត្បូងទៅជើង មកដល់ចំណុចខាងលើ អ្នកបើករវល់តែងាកមើលនារីខារ៉ាអូខេ ដែលនៅអង្គុយត្រៀបត្រានៅមុខហាង រង់ចាំទទួលភ្ញៀវនោះមិនបានមើលទៅមុខ បានជ្រុលទៅបុករថយន្តចតស្ងៀមនោះ បណ្តាលឱ្យដួលរងរបួសធ្ងន់។
ក្រោយពេលកើតហេតុ ជនរងគ្រោះខាងលើត្រូវរថយន្តសង្គ្រោះរបស់ស្រុកអង្គស្នួល បានដឹកជនរងគ្រោះទៅមន្ទីពេទ្យខ្មែរ-សូវៀត រថយន្ត និងម៉ូតូខាងលើត្រូវបានជំនាញចរាចរណ៍ រាជធានីភ្នំពេញធ្វើការវាស់វែងនឹងយករក្សាទុកនៅដើម្បីរងចាំការដោះស្រាយ។
ចែករំលែកព័តមាននេះ