ការដែលធ្វើឱ្យកូនតូចរបស់លោកអ្នកគេងបានពេញមួយយប់នោះគឺជាអ្វីដែលឪពុកម្តាយតែងតែរំពឹងទុកតាមរយៈការផ្លាស់ប្តូររបៀបខ្លះៗ និងជំនួយបន្តិចបន្តួចនោះ កូនតូចដ៏គួរឲ្យស្រលាញ់របស់អ្នកនឹង
ការដែលធ្វើឱ្យកូនតូចរបស់លោកអ្នកគេងបានពេញមួយយប់នោះគឺជាអ្វីដែលឪពុកម្តាយតែងតែរំពឹងទុកតាមរយៈការផ្លាស់ប្តូររបៀបខ្លះៗ និងជំនួយបន្តិចបន្តួចនោះ កូនតូចដ៏គួរឲ្យស្រលាញ់របស់អ្នកនឹងមានទន្លាប់គេងបានពេញមួយយប់មិនរំខានដល់ដំណេកយើងឡើយ ។
ទម្លាប់ទាំងនោះរួមមានៈ បំបៅទារករបស់អ្នកឲ្យទាន់ពេលវេលា ទម្លាប់នៃការចូលគេង រួមទាំងការបំបៅឱ្យបានត្រឹមត្រូវផងដើម្បីធានាថាទារកអាចគេងបានពេញលេញ និងមិនភ្ញាក់ដោយសារតែការឃ្លានឡើយ ។
ទោះជាយ៉ាងណា អ្នកគួរតែព្យាយាមបំបៅកូនតូចរបស់អ្នកយ៉ាងហោចណាស់30នាទីមុនពេលម៉ោងគេងពេលយប់។ បើទារករបស់អ្នកចាប់ផ្តើមបរិភោគអាហាររឹងៗ ចូរចាំថាអ្នកគួរតែឲ្យគេបរិភោគតិចតួចទៅបានហើយ នឹងទទួលផលល្អចំពោះសុខភាព ជៀសវាងការទទួលទានអាហារដែលមានជាតិហ្គាសនាំឱ្យហើមពោះ ។
ចូលគេងតាមម៉ោងទៀងទាត់ ៖ ស្ត្រីជាម្តាយគប្បីបង្រៀនកូនតូចឱ្យចូលដេកតាមពេលវេលាឱ្យបានទៀងទាត់ ការធ្វើដូចនេះកូនតូចរបស់លោកអ្នកនឹងគេងបានកាន់តែយូរ ។ ព្រោះទារកចូលចិត្តទម្លាប់ចូលគេងសមស្របតាមពេលវេលាដែលអាចផ្តល់សញ្ញាដល់ពួកគេថាវាដល់ពេលវេលាចូលគេងហើយ ។
ចូររក្សាទម្លាប់នៃការចូលគេងសាមញ្ញៈ ចាប់ផ្តើមជាមួយការម៉ាស្សាតិចៗ បន្ទាប់មកងូតទឹកក្តៅ និងតាមពីក្រោយដោយសម្លៀកបំពាក់ស្អាត ។ ចាក់ភ្លេងស្រទន់ និងផ្ដល់ការឱបដ៏កក់ក្តៅ ដើម្បីជួយកូនតូចរបស់អ្នកឲ្យគេងលក់ស្រួល ។ មិនយូរប៉ុន្មានទារករបស់អ្នកនឹងមានទន្លាប់គេងយ៉ាងងាយស្រួល ។
បិទភ្លើង ៖ ទារកក៏ដូចមនុស្សធំដែរ ពួកគេមិនអាចគេងលក់ទេនៅពេលភ្លើងភ្លឺ។ ពន្លឺភ្លើងភ្លឺអាចជាការរំខានសម្រាប់ការគេងរបស់ទារករបស់អ្នក ។
បិទភ្លើង ឬបើកភ្លើងដែលមានពន្លឺតិចៗនៅពេលយប់ វានឹងជួយឱ្យកូនរបស់អ្នកយល់ពីភាពខុសគ្នារវាងពេលថ្ងៃនិងពេលយប់។ វានឹងជួយគ្រប់គ្រងនាឡិកាខាងក្នុងរាងកាយរបស់ទារក។
ប្រសិនបើអ្នកត្រូវការដូរកន្ទបកខ្វក់នៅពេលយប់ ចូរធ្វើការប្តូរវាជាមួយនឹងពន្លឺភ្លើងតិចៗ និងការរំខានដ៏តិចតួចបំផុត ។
រក្សាតុល្យភាពនៃសកម្មភាពលេងនិងការគេងពេលថ្ងៃៈ វាជាការសំខានក្នុងការលើកទឹកចិត្តឱ្យមានសកម្មភាពកាន់តែច្រើនក្នុងអំឡុងពេលថ្ងៃ។ នៅពេលដែលកូនរបស់អ្នកភ្ញាក់ អ្នកអាចនិយាយ ច្រៀង និងលេងជាមួយគេឱ្យបានច្រើន។ សកម្មភាពនៅពេលថ្ងៃទាំងនេះនឹងលើកកម្ពស់ការគេងនៅពេលយប់បានល្អប្រសើរជាងមុន ៕
ចែករំលែកព័តមាននេះ