ខេត្តបន្ទាយមានជ័យ ៖ ដោយសារទុកលុយក្នុងរថយន្តហើយមិនចាក់សោ ត្រូវចោរបើកទ្វារយកអស់៥៤ម៉ឺនបាត ក៏ប៉ុន្តែត្រូវកម្លាំងកងរាជអាវុធឃាត់ខ្លួនបានចំនួន៣នាក់ និងរកឃើញលុយនៅសល់លុយ១៣៦,៧៥០បាត ហើយត្រូវបញ្ជូនទៅតុលាការ កាលពីថ្ងៃទី១៧ តុលា ២០១៦ ។
ប្រភពឱ្យដឹងថា ជនសង្ស័យទាំង៣នាក់ ១-ឈ្មោះរី ខន អាយុ៣១ឆ្នាំ ២-ឈ្មោះឯម ចាន់ថន អាយុ២៩ឆ្នាំ និង៣-ឈ្មោះវឿន វ៉ាន់ អាយុ២៤ឆ្នាំ ទាំង៣នាក់ស្នាក់នៅភូមិក្បាលស្ពានសង្កាត់ប៉ោយប៉ែត ក្រុងប៉ោយប៉ែត ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តដឹងថា មុនពេលឃាត់ខ្លួនជនសង្ស័យទាំង៣នាក់នេះ គឺកម្លាំងទទួលពាក្យបណ្តឹងពីជនរងគ្រោះឈ្មោះតាន់ សុផៃ ភេទប្រុស អាយុ៤៣ឆ្នាំ ស្នាក់នៅសង្កាត់ប៉ោយប៉ែត ក្រុងប៉ោយប៉ែត បានប្តឹងជនសង្ស័យធ្វើសកម្មភាពលួចលុយក្នុងរថយន្ត ដែលភ្លេចចាក់សោ ឬឡុកសោ អស់លុយបាតចំនួន៤៥ម៉ឺនបាត និងទូរស័ព្ទដៃ៣គ្រឿង កាលពីយប់ថ្ងៃទី១៣ តុលា ២០១៦ ស្ថិតនៅចំណុចជិតគល់ស្ពានមិត្តភាពកម្ពុជា-ថៃ ច្រកទ្វារអន្តរជាតិប៉ោយប៉ែតគ្រប់គ្រោងដោយកម្លាំងនគបាលអន្តោប្រវេសន៍ច្រកទ្វារអន្តរជាតិប៉ោយប៉ែត ។
ក្រោយពេលចោរលួចធ្វើសកម្មភាពលួចលុយក្នុងរថយន្ត ហើយម្ចាស់បានប្តឹងកម្លាំងកងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវមុខសញ្ញាបានឃាត់ខ្លួនបាន៣នាក់ និងរឹបអូសយកបានលុយមកវិញចំនួន១៣៦,៧៥០បាតនៅល្ងាចម៉ោង៥ថ្ងៃទី១៤តុលា ២០១៦ នៅចំណុចភូមិក្បាលស្ពានសង្កាត់/ក្រុងប៉ោយប៉ែត។
ចែករំលែកព័តមាននេះ