ខេត្តកំពង់ស្ពឺ ៖ មុខសញ្ញានិងជាមេខ្លោងជួញដូរគ្រឿ.ង.ញៀ.នដ៏ធំតាមតំបន់ ដែលពួកគេគ្រប់គ្រងចំនួន៤គោលដៅ ត្រូវបានកម្លាំងមន្ទីរប្រឆាំងគ្រឿងញៀនបង្ក្រាបបានជាបន្តបន្ទាប់ ក្នុងនោះ មានម្នាក់ជាមុខសញ្ញាមិនដែលរងការបង្ក្រាបពីសំណាក់សមត្ថកិច្ចមូលដ្ឋាននោះទេ ។
អ្វីដែលធ្វើអោយមហាជនមានការសប្បាយចិត្ត គឺក្នុងចំណោមមុខសញ្ញាដែលបង្ក្រាបទាំងអស់មានម្នាក់គឺជាមុខសញ្ញាដ៏ធំប្រចាំផ្លូវ៤១ ស្រុកគងពិសី ឈ្មោះអៀង វុទ្ធី ដែលធ្វើសកម្មភាពជាងដប់ឆ្នាំមកហើយ ។ មុខសញ្ញាម្នាក់នេះ កន្លងមក ពលរដ្ឋធ្លាប់បានរាយការណ៍ជូនសមត្ថកិច្ចជំនាញគ្រឿ.ង.ញៀ.នស្រុកគងពិសីអោយបង្ក្រាបដែរ តែហាក់មិនមានលទ្ធផលទាល់តែសោះ ទើបតែពេលនេះដឹងថា ខាងមន្ទីរចុះមកបង្រ្កាបបានធ្វើអោយពលរដ្ឋនៅតំបន់ខាងលើ មានកាសប្បាយចិត្តយ៉ាងខ្លាំង តែមន្ត្រីខិលខូចមួយចំនួនដែលសង្ស័យថា បានទទួលលាភសក្ការ:ពីជននេះ ហាក់មិនសូវសប្បាយចិត្តនោះទេ នៅពេលដែលអ្នកព័ត៌មានសួរនាំពីរឿងនេះ។
ពលរដ្ឋជាច្រើនដែលជាអ្នកមូលដ្ឋាន និងស្គាល់មុខសញ្ញាដែលជាមេខ្លោង ឈ្មោះអៀង វុទ្ធី នេះ បាននិយាយថា នៅពេលដែលពលរដ្ឋរាយការណ៍អំពីសកម្មភាពរបស់ក្រុមកូនចៅរបស់គេទៅសមត្ថកិច្ច គឺបានត្រឹមតែប្រាប់មក
វិញថា ឈ្មោះអៀង វុទ្ធី នេះ ក៏ជាសមត្ថកិច្ចដែរ សមត្ថកិច្ចមូលដ្ឋានមិនហ៊ានបង្ក្រាបនោះទេ ។ ជនសង្ស័យអៀង វុទ្ធី មានស្រុកកំណើតភូមិក្រាំងឃ្នង ឃុំស្រង់ស្រុកគងពិសី ខេត្តកំពង់ស្ពឺ មានម្តាយឈ្មោះ អៀង ហេង ឪពុកឈ្មោះ ទី ងួន ទីលំនៅមុនពេលចាប់ខ្លួនភូមិបឹងងោង ឃុំទឹកល្អក់ ស្រុកគងពិសី ខេត្តកំពង់ស្ពឺ ។
យោងតាមប្រភពពីសមត្ថកិច្ចមូលដ្ឋានបានប្រាប់ថា ការបង្ក្រាបនេះ គឺកម្លាំងខាងមន្ទីរប្រឆាំងគ្រឿងញៀនធ្វើឡើងដោយអនុវត្តតាមបទបញ្ជារបស់នាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ
តាមបញ្ជាដឹកនាំផ្ទាល់របស់នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ និងលោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន ។
ប្រតិបត្តិការនេះ អនុវត្តដោយកម្លាំងសមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន បានសហការជាមួយកម្លាំងពាក់ព័ន្ធបើកការស៊ើបអង្កេត ស្រាវជ្រាវ រហូតដល់បង្រ្កាបក្រុមជួញដូរគ្រឿងញៀនប្រដាប់អាវុធចំនួន៤គោលដៅផ្សេងគ្នាជាបន្តបន្ទាប់នៅរាជធានីភ្នំពេញ ខេត្តកណ្ដាល ខេត្តកំពង់ស្ពឺ និងខេត្តតាកែវ ។ សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀនបានឱ្យដឹងថា កាលពីថ្ងៃទី២៧ ខែមេសា ឆ្នាំ២០២២ កម្លាំងជំនាញនៃមន្ទីរប្រឆាំងបទល្មើសគ្រឿងញៀន ដឹកនាំដោយលោកវរសេនីយ៍ទោ ពុធ ស៊ុនរស្មី នាយករងមន្ទីរប្រឆាំងគ្រឿងញៀន សហការជាមួយកម្លាំងនៃស្នងការដ្ឋានគរបាលរាជធានីភ្នំពេញ ខេត្តកណ្ដាល ខេត្តកំពង់ស្ពឺ និងខេត្តតាកែវ ដោយមានការដឹកនាំសម្របសម្រួលពី លោក សិត វណ្ណ: ព្រះរាជអជ្ញារងនៃអយ្យការអមសាលាដំបូងរាជធានីភ្នំពេញ និងព្រះរាជអាជ្ញាតាមខេត្តខាងលើ ទើបកម្លាំងជំនាញបានធ្វើការស៊ើបអង្កេត ស្រាវជ្រាវ បង្រ្កាបនៅទីតាំង៤គោលដៅផ្សេងគ្នាឃាត់ខ្លួនមុខសញ្ញាជាបន្តបន្ទាប់ ។
ក្នុងនោះ គោលដៅដែលបង្ក្រាបនោះរួមមាន គោលដៅទី១៖ នៅតាមបណ្តោយផ្លូវលំជិតស្ពាន៧មករា សង្កាត់ក្រាំងពង្រ ខណ្ឌដង្កោ រាជធានីភ្នំពេញ ឃាត់ខ្លួនជនសង្ស័យ២នាក់ និងថ្នាំញៀន៧កញ្ចប់។គោលដៅទី២៖ នៅភូមិទួលសុទិន ឃុំអង្គពពេល ស្រុកគងពិសី ខេត្តកំពង់ស្ពឺ ឃាត់ខ្លួនជនសង្ស័យ១នាក់ និងថ្នាំញៀន១កញ្ចប់ ។ គោលដៅទី៣៖ នៅមុខផ្សារដើមរកា តាមបណ្តោយផ្លូវជាតិលេខ៣ ឃុំជង្រុក ស្រុកគងពិសី ខេត្តកំពង់ស្ពឺ ឃាត់ខ្លួនជនសង្ស័យ១នាក់ ថ្នាំញៀន២កញ្ចប់ និងរថយន្ត១គ្រឿង។ គោលដៅទី៤៖ នៅក្បែស្តុបអង្គតាសោម តាមបណ្តោយផ្លូវជាតិលេខ៣ ឃុំអង្គតាសោម ស្រុកត្រាំកក់ ខេត្តតាកែវ ឃាត់ខ្លួនជនសង្ស័យ២នាក់ ថ្នាំញៀន៣កញ្ចប់ និងរថយន្ត១គ្រឿង។ជាលទ្ធផល កម្លាំងមសត្ថកិច្ចបានឃាត់ខ្លួនជនសង្ស័យ៦នាក់៖
១៖ ឈ្មោះ ម៉ុង បូរិទ្ធ អាយុ៣៤ឆ្នាំ ជនជាតិខ្មែរ
២៖ ឈ្មោះ ស៊ឹម វិចិត្ត អាយុ៣៣ឆ្នាំ ជនជាតិខ្មែរ
៣៖ ឈ្មោះ អ៊ុក ម៉ាលីបុត្រ អាយុ២៤ឆ្នាំ ជនជាតិខ្មែរ
៤៖ ឈ្មោះ ថន ពិសិដ្ឋ អាយុ៤០ឆ្នាំ ជនជាតិខ្មែរ
៥៖ ឈ្មោះ ប៉ុល ចិត្រា អាយុ៣៣ឆ្នាំ ជនជាតិខ្មែរ
៦៖ ឈ្មោះ អៀង វុទ្ធី អាយុ៣២ឆ្នាំ ជនជាតិខ្មែរ។
វត្ថុតាងដែលសមត្ថកិច្ចប្រមូលបាន រួមមាន៖
១៖ សារធាតុញៀនប្រភេទម៉េតំហ្វេតាមីន (ICE)ទម្ងន់សុទ្ធ១៥១.៥១ក្រាម
២៖ អាវុធខ្លី២ដើម (ប្រភេទរូឡូ និង CZ75)
៣៖ រថយន្ត២គ្រឿង (ធុនRX330 និង CAMRY)។
ចែករំលែកព័តមាននេះ