ទីភ្នាក់ងារព័ត៌មាន «ស៊ីនហួ» របស់ចិនផ្សាយថា កាលពីពេល ថ្មីៗកន្លងមកផ្សាយថា អ្នកបុរាណវិទ្យាប្រទះឃើញផ្នូរបុរាណតាំងពីយុគសម័យសង្គ្រាម ឬយុគសម័យ «ចាងគួ» ជាង១០០រណ្ដៅ ។ កាលពីខែឧសភា ឆ្នាំ២០១៦ ក្រុមអ្នកបុរាណវិទ្យាបានរកឃើញផ្នូរសពបុរាណនៅក្រុងហួងវ៉ា ខេត្ដហ៊ឺប៉ើយ ប្រទេសចិន គឺជាការបណ្ចុះសពនៅក្នុងក្រឡនៅយុគសម័យ «ចាងគួ» ប្រហែល២០០០ឆ្នាំមុន ។
ក្រុមអ្នកស្រាវជ្រាវផ្នែកបុរាណវិទ្យារបស់សារមន្ទីរក្រុងហួងវ៉ា បានត្រួតពិនិត្យតំបន់នោះយ៉ាងលំអិតអស់រយៈពេលជាច្រើនខែ ហើយទីបំផុតប្រទះឃើញផ្នូរសពបុរាណ១១៣រណ្ដៅ ក្នុងនោះមានផ្នូរសពកុមារចំនួន១០៧ផ្នូរ ខណៈពេលមជ្ឈមណ្ឌលស្រាវជ្រាវបុរាណវិទ្យានៃមហាវិទ្យាល័យជីលីន បានបញ្ជាក់ថា រណ្ដៅសពចំនួន៦ទៀតជាសពចាស់ជរា ។
ក្រៅពីនេះក្រុមអ្នកស្រាវជ្រាវជីកឃើញក្រឡបញ្ចុះសព ច្នៃពីដីដុតជាង២០ប្រភេទ អាចបញ្ជាក់ពីរយៈពេលយ៉ាងច្បាស់ ផ្ដល់ប្រយោជន៍ដល់ការស្រាវជ្រាវពីប្រពៃណីនៃការបញ្ចុះសព និងជីវភាពរស់នៅរបស់មនុស្សក្នុងសម័យបុរាណប្រហែល២០០០ឆ្នាំមុន ថាតើមានអរិយធម៌បែបណា ?
ចែករំលែកព័តមាននេះ