ទីក្រុងបាងកក ៖ បុរសវ័យចំណាស់ម្នាក់ បានរក្សាទុកសាកស.ពប្រពន្ធរបស់គាត់ ក្នុងផ្ទះអស់រយៈពេល ២១ឆ្នាំកន្លងមក តែទីបំផុតទៅ គាត់សម្រេចចិត្តថា ដល់ពេលដែលត្រូវអនុញ្ញាតឲ្យនាងទៅហើយ នេះបើយោងតាមសារព័ត៌មានថៃ THE NATION ចុះផ្សាយនៅថ្ងៃទី០១ ឧសភា ២០២២នេះ ។
រឿងរ៉ាវរបស់ប្តី ដែលស្រលាញ់ប្រពន្ធខ្លាំងពេក មិនអាចបូជាសពនាងបាននោះ ត្រូវបង្ហោះលើបណ្ដាញសង្គមហ្វេសប៊ុករបស់មូលនិធិសង្គមមួយ ប្រចាំទីក្រុងបាងកក ប្រទេសថៃ កាលពីថ្ងៃសៅរ៍ម្សិលមិញនេះ ។
បុរសចំណាស់ខាងលើ គឺលោកអនុសេនីយ៍ទោ Charn Janwatchakal អាយុ ៧២ឆ្នាំ កាលពីថ្ងៃសុក្រទី២៩ មេសា បានទូរសព្ទទៅមន្ត្រីមូលនិធិមួយ ដើម្បោះស្នើសុំជំនួយសម្រាប់រៀបចំបូជាស.ពភរិយារបស់គាត់ ដែលបានស្លាប់កាលពីឆ្នាំ២០០១ ។
បុគ្គលិកមូលនិធិ បានចុះទៅភ្លាមៗ ទៅដល់ផ្ទះរបស់លោក Charn ក្នុងសង្កាត់បាងខេន នៅទីក្រុងបាងកក បន្ទាប់ពីទទួលទូរសព្ទ ។ បុគ្គលិកបានឃើញគាត់រស់នៅជាមួយសាកស.ពប្រពន្ធរបស់គាត់ ក្នុងផ្ទះតូចមួយ ។
នៅពេលបុគ្គលិកលើកសាកស.ពយកចេញពីក្នុងផ្ទះ លោក Charn បាននិយាយទាំងស្រក់ទឹកភ្នែកថា “ខ្ញុំនៅតែនឹកអ្នករាល់នាទី ហើយសេចក្តីស្រលាញ់របស់ខ្ញុំចំពោះអ្នក មិនផ្លាស់ប្តូរទេ” ។
យ៉ាងណាការបង្ហោះនៅលើហ្វេសប៊ុក មិនមានព័ត៌មានលម្អិត អំពីការក្សាទុកសាកស.ពអោយបានយូរឆ្នាំនោះទេ ។
បុរសចំណាស់បានពន្យល់ថា គាត់ទុកស.ពក្នុងផ្ទះ ព្រោះគាត់ស្រលាញ់នាងខ្លាំងណាស់ ហើយមិនចង់បែកពីព្រលឹងប្រពន្ធរបស់គាត់ទេ ។
លោក Charn បាននិយាយបន្តថា គាត់មានបំណងនៅជាមួយសាកស.ពរហូតដល់រូបគាត់ស្លា.ប់ដែរ ប៉ុន្តែក្រោយមក គាត់គិតឃើញថា មិនមាននរណាម្នាក់អាចធ្វើពិធីបុណ្យសពឲ្យបានល្អសម្រាប់នាង ក្រៅពីរូបលោកនោះទេ ។
លោកធ្លាប់បានធ្វើសំបុត្រមរណភាពរបស់ប្រពន្ធរួចហើយ ដូច្នេះលោកមិនខ្លាច ចំពោះការចោទប្រកាន់ពីបទលាក់បាំងសាកស.ពនោះទេ ។
មន្ត្រីមូលនិធិសង្គមបានអមដំណើរគាត់ទៅយកសំបុត្រមរណភាពមួយច្បាប់ ពីសាលាស្រុកបាងខេន ។ ឆ្នាំនៃការស្លា.ប់របស់នាង ត្រូវបានគេកត់ត្រាថា នៅក្នុងឆ្នាំ ២០០១ ។ បន្ទាប់មកមន្ត្រីមូលនិធិសង្គមបានចាប់ផ្តើមបញ្ជូនស.ពទៅវត្ត ដើម្បីរៀបចំពិធីបូជា ។
លោក Charn បានប្រាប់អោយដឹងដែរថា គាត់បានបម្រើការក្នុងជួរកងទ័ពជាមន្ត្រី ខណៈដែលភរិយារបស់គាត់ជាមន្ត្រីនៅក្រសួងសុខាភិបាល ។ ពួកយើងមានកូន ២នាក់ ដែលបានចាកចេញទៅរស់នៅឆ្ងាយ នៅពេលពួកគេពេញវ័យ ។
លោក Charn បន្តថា លោកមិនអាចទទួលយកបានទេ ដែលប្រពន្ធបានស្លា.ប់បាត់បង់ជីវិតនោះ ទើបលោកសម្រេចចិត្តទុកស.ពនៅផ្ទះ ជាជាងបញ្ជូនទៅបូជាកាលនោះ ។ លោកបានបន្ថែមថា លោកបានរស់នៅជាមួយភាពសោកសៅជារៀងរាល់ថ្ងៃ ចំពោះការបាត់បង់ប្រពន្ធជាទីស្រលាញ់ អស់រយៈពេល ២១ឆ្នាំ មកហើយ ។
លោកបញ្ជាក់ថា ពេលនេះលោកនៅតែមានអារម្មណ៍អាឡោះអាល័យ ប៉ុន្តែលោកបានអនុញ្ញាតឲ្យនាងទៅហើយ ដោយខ្លាចថា គ្មានអ្នកណាអាចដោះស្រាយស្ថានភាពនេះបានទេ ប្រសិនបើមានរឿងអ្វីមួយកើតឡើងចំពោះរូបលោក ៕
ចែករំលែកព័តមាននេះ