ក្រុមជួយសង្គ្រោះកំពុងដុតដៃដុតជើងស្វែងរកអ្នកនៅរស់រានមានជីវិត បន្ទាប់ពីអគារមួយខ្នងបាក់រលំកាលពីថ្ងៃសុក្រម្សិលមិញនេះ នៅទីក្នុងទីក្រុង Changsha របស់ចិន។
សំណង់អគារកំពស់ ៦ជាន់នោះមានភោជនីដ្ឋាន ផ្ទះសំណាក់ និងរោងកុន។ វាបានបាក់រលំនៅថ្ងៃសុក្រពេលថ្ងៃ។ នេះបើយោងតាមការចុះផ្សាយរបស់ CCTV។
រហូតមកដល់ពេលនេះ គេមិនទាន់បានដឹងច្បាស់ថាមានមនុស្សស្លា.ប់ និងរបួសប៉ុន្មាននាក់នោះទេ។ ប្រព័ន្ធផ្សព្វផ្សាយរដ្ឋ CGTN បានចុះផ្សាយថា មនុស្សជាច្រើនជាប់ក្នុងគំនរបាក់បែក ហើយប្រតិបត្តិការសង្គ្រោះកំពុងដំណើរការ។
CCTV រាយការណ៍ថា បុគ្គលិកនាយកដ្ឋានពន្លត់អគ្គិភ័យ និងសង្គ្រោះបន្ទាន់បានប្រញាប់ប្រញាល់ទៅកាន់កន្លែងកើតហេតុ ហើយមូលហេតុដែលបណ្តាលឲ្យបាក់រលំនោះកំពុងស្ថិតក្រោមការស៊ើបអង្កេត។
សូមបញ្ជាក់ថា ការបាក់រលំអគារនៅចិនមិនមែនជារឿងចម្លែកនោះទេ ដោយសារតែគ្មានស្ថង់ដារសុវត្ថិភាព និងអំពើពុករលួយក្នុងចំណោមមន្ត្រីទទួលខុសត្រូវលើការអនុវត្តច្បាប់។
កាលពីខែមករា ដើមឆ្នាំ ២០២២នេះ មានការផ្ទះដ៏កក្រើកមួយដែលសង្ស័យមកពីការធ្លាយហ្គាស បណ្តាលឲ្យអគារមួយខ្នងបាក់រលំនៅក្នុងទីក្រុង Chongqing បណ្តាលឲ្យមនុស្សរាប់សិននាក់បានស្លា.ប់៕ (យោងតាមប្រភព៖ Channel News Asia)
ចែករំលែកព័តមាននេះ