រាជធានីភ្នំពេញ ៖ ជនសង្ស័យឆក់២នាក់ត្រូវបានប្រជាពលរដ្ឋនាំគ្នាឃាត់ខ្លួនកាលពីម៉ោង១១និង៤០នាទី ថ្ងៃទី១២ ខែតុលា ឆ្នាំ២០១៦ នៅចំណុចផ្សាររតនាផ្លាហ្សាក្នុងភូមិចុងថ្នល់ខាងកើត
រាជធានីភ្នំពេញ ៖ ជនសង្ស័យឆក់២នាក់ត្រូវបានប្រជាពលរដ្ឋនាំគ្នាឃាត់ខ្លួនកាលពីម៉ោង១១និង៤០នាទី ថ្ងៃទី១២ ខែតុលា ឆ្នាំ២០១៦ នៅចំណុចផ្សាររតនាផ្លាហ្សាក្នុងភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ បន្ទាប់ពីធ្វើសកម្មភាពឆក់កាបូបពីស្ត្រីជនជាតិចិនម្នាក់ដែលកំពុងដើរឆ្លងផ្លូវចូលផ្សារមិនបានសម្រេច។ ជនសង្ស័យដែលត្រូវឃាត់ខ្លួន ទី១.ឈ្មោះ ព្រុំ ចិន អាយុ២០ឆ្នាំ ស្នាក់នៅបន្ទប់ជួលក្នុងភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ និងមានស្រុកកំណើត ភូមិស្វាយចេក ឃុំស្វាយធំ ស្រុកស្វាយជ្រុំ ខេត្តស្វាយរៀង ទី២.ឈ្មោះ ប៉ែន ម៉េងហួរ អាយុ១៨ឆ្នាំ ស្នាក់នៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ។
ចំណែកស្ត្រីជាម្ចាស់កាបូបឈ្មោះ ហ្វាង លីហ្វី អាយុ៣១ឆ្នាំ ជាជនជាតិចិន មុខរបរលក់ដូរ ស្នាក់នៅម្តុំមុខព្រលានយន្តហោះអន្តរជាតិភ្នំពេញក្នុងខណ្ឌពោធិ៍សែនជ័យ។ តាមស្ត្រីម្ចាស់កាបូបបានប្រាប់សមត្ថកិច្ចតាមរយៈអ្នកបកប្រែឱ្យដឹងថា មុនកើតហេតុគាត់បានធ្វើដំណើរដោយថ្មើរជើងឆ្លងផ្លូវ គោលបំណងចូលផ្សារដោយកាន់កាបូបយួរដៃ ខណៈនោះ ស្រាប់តែមានជនសង្ស័យ២នាក់ជិះម៉ូតូមួយគ្រឿងម៉ាក Let’s ពណ៌សលាយទឹកប្រាក់ពាក់ស្លាកលេខ តាកែវ 1L-5646 មកឆក់កាបូបពីដៃគាត់ ហើយមានកាប្រតាយប្រតប់គ្នា។
ភ្លាមៗត្រូវប្រជាពលរដ្ឋនៅក្បែនោះឃើញបានជួយអន្តរាគមន៍ឃាត់បានទាំង២នាក់តែម្តង។ តាមម្ចាស់កាបូបបានប្រាប់ឲ្យដឹងទៀតថា នៅក្នុងកាបូបដៃមានលុយចំនួន ១.៣៩០ដុល្លារ និងទូរស័ព្ទដៃ១គ្រឿងប៉ុណ្ណោះ៕
ចែករំលែកព័តមាននេះ