ខេត្តកំពង់ឆ្នាំង ៖ «ខ្យងមាសឬខ្យងក្រហម និងខ្លះហៅថាខ្យងថៃ គឺជាប្រភេទខ្យងចង្រៃ បំផ្លាញដំណាំស្រូវរបស់ប្រជាកសិករយើង» ។ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត មានប្រសាសន៍បែបនេះ ខណៈពេលចុះពិនិត្យដំណាំស្រូវរបស់ប្រជាកសិករកាលពីពេលថ្មីៗកន្លងទៅ ។
ខេត្តកំពង់ឆ្នាំង ៖ «ខ្យងមាសឬខ្យងក្រហម និងខ្លះហៅថាខ្យងថៃ គឺជាប្រភេទខ្យងចង្រៃ បំផ្លាញដំណាំស្រូវរបស់ប្រជាកសិករយើង» ។ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត មានប្រសាសន៍បែបនេះ ខណៈពេលចុះពិនិត្យដំណាំស្រូវរបស់ប្រជាកសិករកាលពីពេលថ្មីៗកន្លងទៅ ។
លោកប្រធានមន្ទីរបន្តថា ជាការកត់សម្គាល់នៅរដូវទឹកឡើងឆ្នាំនេះ នៅបឹងធំស្ថិតក្នុងភូមិស្រែព្រីង និងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង គេសង្កេតឃើញខ្យងប្រភេទនេះមានច្រើនពេញបឹង ធ្វើឱ្យប្រជាកសិករមានស្រែនៅតំបន់ខាងលើព្រួយ បារម្ភយ៉ាងខ្លាំងពីការកើតឡើងនូវខ្យងចង្រៃនេះដែលវាជាខ្យងស៊ីស្រូវ។ ករណីនេះ ប្រជាកសិករគួរតែរួមគ្នាកម្ចាត់ខ្យងចង្រៃនេះ ដោយកៀរពងវាទម្លាក់ក្នុងទឹក នោះពងវានឹងមិនអាចញាស់បានឡើយ។ ខ្យងមាសឬខ្យងពងក្រហមនេះ មានឈ្មោះជាវិទ្យា សាស្ត្រហៅថា Poma Cea Camaliculate Lamarck ។
ខ្យងប្រភេទនេះ វាទើបតែនឹងកើតមាននៅស្រុកខ្មែរក្នុងអំឡុងឆ្នាំ២០០៩ ។ ដើមកំណើតរបស់វាគឺមាននៅក្នុងប្រទេសអាហ្វ្រិក ហើយវាចាប់ផ្តើមកើតមានមុនគេនៅស្រុកខ្មែរយើងនៅខេត្តសៀមរាប ។ ការកើតមាននោះ គឺដោយសារមានប្រជាពលរដ្ឋនៅទីនោះ យកវាពីតំបន់អាហ្វ្រិកមកចិញ្ចឹម ដើម្បីធ្វើម្ហូប ដោយយល់ឃើញថា ខ្យងប្រភេទនេះមានសម្បុរស្អាតដូចមាស និងសាច់ផ្នែកក្បាលមានរសជាតិឆ្ងាញ់ ប៉ុន្តែសាច់ផ្នែកខាងគូទរបស់វាមិនអាចហូបបានទេ ព្រោះមានជាតិពុលធ្វើឲ្យយើងមានអាការរាគរូសបើសិនជាយើងហូបវានោះ ។
ចែករំលែកព័តមាននេះ