បច្ចុប្បន្នដោយសារការលូតលាស់ផ្នែកសេដ្ឋកិច្ចរបស់ប្រទេសកម្ពុជា បានធ្វើអោយមានកំណើននៃភាពរីកចំរើនស្ទើរគ្រប់វិស័យ ពិសេសជាងគេគឺវិស័យហិរញ្ញវត្ថុ និងធនាគារ បើតាមតួលេខនៅឆ្នាំ២០១៥ និងដើមឆ្នាំ២០១៦
បច្ចុប្បន្នដោយសារការលូតលាស់ផ្នែកសេដ្ឋកិច្ចរបស់ប្រទេសកម្ពុជា បានធ្វើអោយមានកំណើននៃភាពរីកចំរើនស្ទើរគ្រប់វិស័យ ពិសេសជាងគេគឺវិស័យហិរញ្ញវត្ថុ និងធនាគារ បើតាមតួលេខនៅឆ្នាំ២០១៥ និងដើមឆ្នាំ២០១៦ នេះ។ អ្នកជំនាញដែលធ្វើការងារក្នុងវិស័យនេះតែងតែនិយាយអំពីកម្មវិធីសិក្សា ACCA និង CAT ដែលខ្លួនបានសិក្សាទៅកាន់មហាជន ក៏ប៉ុន្តែមនុស្សម្នាជាទូទៅប្រហែលជាមិនស្គាល់អ្វីជា ACCA និង CAT នោះទេ។
ACCA និង CAT គឺជាកម្មវិធីសិក្សាផ្នែកគណនេយ្យ ហិរញ្ញវត្ថុ និងសវនកម្មដែលបានបង្កើតឡើងដោយស្ថាប័ន ACCA (The Association of Chartered Certified Accountants) នៅចក្រភពអង់គ្លេស កាលពី១១២ឆ្នាំមុន ដោយមានសិស្ស និស្សិតជាង៤៥៥.០០០នាក់ បាននិងកំពុងសិក្សានៅលើ១៨១ប្រទេសជុំវិញសកលលោក។
ដោយឡែកប្រទេសកម្ពុជាវិញ មានសិស្សានុសិស្ស និស្សិត និងមហាជនមួយចំនួនធំនៅទីក្រុងភ្នំពេញ បានស្គាល់កម្មវិធីសិក្សានេះ តាំងពី១២ឆ្នាំមុន តាមរយៈសាលា CamEd Business School បាននាំយកមកបណ្តុះបណ្តាល ហើយក៏បានទទួលសិទ្ធិជាដៃគូបណ្តុះបណ្តាលចំណាត់ថ្នាក់ល្អជាងគេ (ACCA Platinum Approved Learning Partner) តែមួយគត់នៅកម្ពុជា ហើយថែមទាំងបានការទទួលស្គាល់គុណភាពពីក្រសួងអប់រំ យុវជន និងកីឡា ថែមទៀតផង។ មានសិស្ស និស្សិតជាង៣.០០០នាក់ បានក្លាយជាអ្នកជំនាញផ្នែកគណនេយ្យ ហិរញ្ញវត្ថុ និងសវនកម្មនៅតាមស្ថាប័នរដ្ឋ និងឯកជន ដោយសារកម្មវិធីសិក្សា ACCA និង CAT នេះ ហើយក៏ជាមូលហេតុដែលអ្នកជំនាញទាំងនោះតែងតែនិយាយ និងលើកសរសើរអំពីជំនាញនេះផងដែរ។
ដោយសារទំនុកចិត្ត គុណភាពនៃការអប់រំ សាស្ត្រាចារ្យ បរិកា្ខរ និងកម្មវិធីសិក្សាស្តង់ដារអន្តរជាតិបានធ្វើអោយសិស្ស និស្សិត បុគ្គលិកឯកជន និងមន្ត្រីរាជការសាធារណៈជាច្រើនបានសម្រេចចិត្តសិក្សាជាមួយសាលា CamEd Business School។ ក្រៅពីកម្មវិធីសិក្សា ACCA (Association of Chartered Certified Accountants) និង CAT (Certified Accounting Technician), សាលា CamEd Business School ក៏មានការបណ្តុះបណ្តាលជំនាញផ្សេងទៀតដូចជា វគ្គពន្ធដារ(Diploma in Cambodian Tax) វគ្គច្បាប់ពាណិជ្ជកម្ម (Cambodian Business Law) ហើយជាពិសេសនោះ គឺថ្នាក់បរិញ្ញាបត្រផ្នែកគណនេយ្យ និងហិរញ្ញវត្ថុ បូកបន្ថែមជាមួយសញ្ញាបត្រ CAT (Certified Accounting Technician) ដែលសិស្ស និស្សិតអាចទទួលបានសញ្ញាបត្រពីរក្នុងពេលតែមួយបន្ទាប់ពីបញ្ចប់ការសិក្សា។
ចែករំលែកព័តមាននេះ