អាជ្ញាធរអារ៉ាប៊ី សាអូឌីត ឱ្យដឹងកាលពីថ្ងៃទី៥ មីនា ថា ខ្លួននឹងមិនអត់ឱនដល់បាតុកម្មណាមួយឡើយ បន្ទាប់ពីបាតុកម្មមានកម្រិតនានាដែលកើតមានរយៈពេលប៉ុន្មានថ្ងៃចុងក្រោយនេះនៅក្នុងប្រទេសមក ។ ក្រសួងមហាផ្ទៃអារ៉ាប៊ីសាអូឌីត រំលឹកថា ច្បាប់របស់ប្រទេសហាមឃាត់ទាំងស្រុងនូវបាតុកម្ម គ្រប់ប្រភេទដោយបញ្ជាក់ថា កងកម្លាំងសន្តិសុខនឹងរាំងខ្ទប់គ្រប់រូបភាពនៃការបង្កចលាចលប៉ះពាល់ដល់សណ្តាប់ធ្នាប់សាធារណៈ ។
រយៈពេលប៉ុន្មានថ្ងៃចុងក្រោងនេះ ពួកបាតុករជាសមាជិករបស់ពួកស៊ីអុីត ដែលមានភាគតិចនាំគ្នាដើរហែក្បួននៅភាគខាងលិចប្រទេស ហើយបើយោងតាមពួកប្រឆាំងថា បាតុកម្មតូចមួយបានប្រព្រឹត្តទៅកាលពីថ្ងៃទី៤ មីនា កន្លងមកនេះ នៅព្រះវិហារមួយនៃទីក្រុងរីយ៉ាដ ។ ពួកស៊ីអុីត ដែលភាគច្រើនរស់នៅភាគខាងកើតប្រទេសបានធ្វើការតវ៉ាប្រឆាំងនឹងការរើសអើងហើយទាមទារឱ្យដោះលែងពួកអ្នកទោសដែលជាប់ឃុំឃាំងដោយគ្មានការកាត់ទោស ៕
ចែករំលែកព័តមាននេះ