មនុស្សយន្ដតូចរបស់តូយ៉ូតាចេះនិយាយ
ក្រុមហ៊ុនផលិតរថយន្តជប៉ុនតូយ៉ូតាបានបង្កើតមនុស្សថ្មីរបស់ខ្លួនដែលចេះនិយាយ មាន កម្ពស់១០សង្ទីម៉ែត្រ មានកាមេរ៉ា មានមេត្រូ មាន Bluetooth និងអាចភ្ជាប់ជាមួយទូរស័ព្ទបាន ។
ក្រុមហ៊ុនផលិតរថយន្តជប៉ុនតូយ៉ូតាបានបង្កើតមនុស្សថ្មីរបស់ខ្លួនដែលចេះនិយាយ មាន កម្ពស់១០សង្ទីម៉ែត្រ មានកាមេរ៉ា មានមេត្រូ មាន Bluetooth និងអាចភ្ជាប់ជាមួយទូរស័ព្ទបាន ។
ក្រុមហ៊ុនផលិតរថយន្តជប៉ុនតូយ៉ូតាបានបង្កើតមនុស្សថ្មីរបស់ខ្លួនដែលចេះនិយាយ មាន កម្ពស់១០សង្ទីម៉ែត្រ មានកាមេរ៉ា មានមេត្រូ មាន Bluetooth និងអាចភ្ជាប់ជាមួយទូរស័ព្ទបាន ។ វាមានតម្លៃប្រហែល២៨៩ដុល្លារអាមេរិក ។ មនុស្សយន្ដនេះមានសមត្ថភាពប្រហែលនឹងក្មេង អាយុ៥ឆ្នាំដែរ ។
លោក Fuminori Kataoka ប្រធានគំរោងមនុស្សយន្តបាននិយាយថា តម្លៃរបស់វាគឺផ្លូវចិត្តព្រោះវាជាដៃគូរបស់អ្នកទាំងនៅក្នុងរថយន្ត ក្នុងផ្ទះ និងទៅកន្លែងនានា ហើយអ្វីដែលម្ចាស់វាត្រូវធ្វើគឺដើរកាន់វា ហើយបើកបរឲ្យវាប៉ុណ្ណោះ។ គាត់បន្តថា ក្រុមហ៊ុនតូយ៉ូតា បានផលិតរថយន្តជាច្រើនដែលមានតម្លៃក្នុងការប្រើប្រាស់ ប៉ុន្តែពេលនេះក្រុមហ៊ុនកំពុងជំរុញបន្ថែមទៀតលើផ្លូវអារម្មណ៍របស់អតិថិជន ។
នៅក្នុងការបង្ហាញនោះ លោក Kataoka បានសួរទៅមនុស្សយន្តថា វាមានឈ្មោះអ្វី ហើយមនុស្សយន្តក៏សួរគាត់វិញថាតើគាត់មានរថយន្តប្រភេទអ្វីដែរ។មនុស្សយន្តនេះមិនបានបំពាក់បច្ចេកវិទ្យាចងចាំមុខនោះទេ ហេតុនេះវាមិនអាចកំណត់សម្គាលមនុស្ស ផ្សេងៗពីគ្នាបានឡើយ ព្រោះអ្នកផលិតចង់ឲ្យវាក្លាយជាដៃគូសម្រាប់មនុស្សណាម្នាក់ទេ ។ គាត់បន្តថា មនុស្សកាន់តែច្រើនឡើងក្នុងប្រទេសជប៉ុនដែលរស់នៅតែម្នាក់ឯងទាំងចាស់ និងយុវជនដែលមិនទាន់រៀបការ ហើយពួកគេត្រូវការមនុស្សម្នាក់ពិសេសដើម្បីនិយាយជាមួយ ហេតុនេះមនុស្សយន្តថ្មីនេះសក្ដិសមសម្រាប់ពួកគេ ។
អ្នកដែលត្រូវបញ្ជាទិញមនុស្សយន្តអាចចាប់ផ្តើមនាចុងឆ្នាំនេះ ហើយការដឹកជញ្ជូននឹងធ្វើឡើងនៅឆ្នាំ២០១៧ ។
លោក Kataoka ថាវាមិនទាន់ឆ្លាតគ្រប់គ្រាន់ឲ្យយើងហៅវាថា មនុស្សយន្តឆ្លាតវៃនោះទេ វាគ្រាន់តែជាមនុស្សយន្តមួយដែលអ្នកអាចនិយាយជាមួយអ្នកបាន ។ មានមនុស្សជាច្រើនចូលចិត្តនិយាយជាមួយសត្វចិញ្ចឹមរបស់ពួកគេទាំងវាមិនចេះនិយាយផងនោះ ចុះបើមានវាអាចឆ្លើយតបបាននោះមិនល្អទេឬ? ម្យ៉ាងវិញទៀតមានការស្រាវជ្រាវជាច្រើនបង្ហាញថា ជំអឺថប់អារម្មណ៍នឹងកើតមានឡើងសម្រាប់អ្នកដែលនៅឯកោហេតុនេះមនុស្សយន្តមួយនេះនឹងក្លាយជាដៃគូជជែកលេងដ៏ល្អសម្រាប់ពួកគេ ឬអាចនិយាយបានថា ប្រើបច្ចេកវិទ្យាដើម្បីជួយមនុស្ស ។
មួយវិញទៀតនៅពេលអ្នកធ្វើដំណើរជាមួយមនុស្សយន្ត នោះវាប្រហែលជានិយាយថា អូ អូ អូ អូប្រុងប្រយ័ត្ន នៅពេលដែលអ្នកជាន់ហ្វ្រាំង ភ្លាមៗ ឬមនុស្សយន្តនិយាយថា តោះយើងសម្រាកមួយភ្លែតសិនទៅនៅពេលអ្នកធ្វើដំណើរឆ្ងាយនោះ ៕
ចែករំលែកព័តមាននេះ