«Daily Star» កាលពីពេល ថ្មីៗកន្លងមកផ្សាយថា ដុំភ្លើងដ៏ធំមួយបានហោះកាត់ពីលើតំបន់ឆ្នេរភាគខាងកើតសហរដ្ឋអាមេរិក កាលពីពេល ថ្មីៗកន្លងទៅធ្វើឱ្យមហាជនភ្ញាក់ផ្អើល។ អ្នកជំនាញសន្និដ្ឋានថា អាចជាអាចម៍ផ្កាយហោះធ្លាក់មកផែនដី ។ អ្នកបានឃើញរៀបរាប់ថា ដុំភ្លើងយក្សនោះភ្លឺចិញ្ចាចនៅពីលើឆ្នេរភាគខាងកើតសហរដ្ឋអាមេរិក កាលពីយប់ថ្ងៃទី៥ តុលា ២០១៦។ ក្រោយមកមានសំឡេងផ្ទុះកក្រើកក្នុងរយៈចម្ងាយ៥០ម៉ៃពីចំណុចប្រទះឃើញពន្លឺនោះ ។
រហូតមកដល់ពេលនេះនៅមិនទាន់ប្រាកដថា តើដុំភ្លើងយក្សនោះជាអ្វីពិតប្រាកដទេ ។ លោកម៉ៃ ហេនគី ប្រធានសមាគមអាចម៍ផ្កាយអាមេរិក បញ្ជាក់ថា វាអាចជាអាចម៍ផ្កាយ ឬកម្ទេចផ្កាយដែលបានឆេះ ខណៈពេលឆ្ពោះមកផែនដី ។
លោកម៉ៃ និយាយថា «ហេតុ ការណ៍នេះប្រហែលស្ថិតក្នុងចំណាត់ថ្នាក់ ដំបូងៗនៃ១០ព្រឹតិ្តការណ៍អាចម៍ផ្កាយគួរឱ្យភ័យខ្លាចនៅឆ្នាំនេះ។ អ្វីដែលខ្ញុំតក់ស្លុត គឺសូម្បីតែពលរដ្ឋកាណាដា និងភាគខាងត្បូងរដ្ឋមែរីលែន ក៏មើលឃើញ មានន័យថា ពន្លឺបានឆ្លុះក្នុងរយៈចម្ងាយឆ្ងាយ ។ ជាធម្មតាអាចម៍ផ្កាយត្រូវឆេះរហូតអស់នៅពេលឆ្លងចូលបរិយាកាសផែនដី ប៉ុន្តែលោកម៉ៃ មានជំនឿថា វាអាចធ្លាក់ចូលស្រទាប់ផែនដី មានទំហំធំ និងល្បឿនលឿន មានន័យថាវាចូលក្បែរស្រទាប់ផែនដី ដោយបុកស្រទាប់បរិយាកាសផែនដី និងបង្កឱ្យផ្ទុះឮសំឡេងខ្លាំងបែបនេះ» ៕
ចែករំលែកព័តមាននេះ