អនិច្ចា! បុរសម្នាក់ត្រូវស្លា.ប់ក្នុងអណ្តាតភ្លើងពេលផ្ទុះឆាបឆេះផ្ទះយ៉ាងសន្ធោសន្ធៅ
- ស្វាយរៀង
បុរសម្នាក់បានស្លា.ប់នៅក្នុងអណ្តាតភ្លើងយ៉ាងអាណោចអាធ័ម ខណៈពេលដែលកំពុងតែបញ្ចូលហ្គាសចូលកំប៉ុង បណ្តាលឲ្យ
ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា បុរសម្នាក់បានស្លា.ប់នៅក្នុងអណ្តាតភ្លើងយ៉ាងអាណោចអាធ័ម ខណៈពេលដែលកំពុងតែបញ្ចូលហ្គាសចូលកំប៉ុង បណ្តាលឲ្យផ្ទុះឆាបឆេះផ្ទះ និងខ្លួនឯងស្លា.ប់តែម្តង ករណីផ្ទុះធុងហ្គាសបង្កឱ្យក្លាយជាអគ្គិភ័យនេះបានកើតឡើងកាលពីវេលាម៉ោង៣ទៀបភ្លឺ ថ្ងៃទី២៥ ខែមេសា ឆ្នាំ២០២២ ស្ថិតនៅភូមិព្រះពន្លា ឃុំ ព្រះពន្លា ស្រុកកំពង់រោទិ៍ ខេត្តស្វាយរៀង។
បើតាមសមត្ថកិច្ចបានឲ្យដឹងថា ម្ចាស់ផ្ទះដែលកើតហេតុខាងលើនេះ មានឈ្មោះ សោម ចិន ភេទប្រុស អាយុ៣០ឆ្នាំ មុខរបរបញ្ចូលហ្គាស និងដូរហ្គាស មានទីលំនៅកន្លែងកើតហេតុខាងលើ (បានស្លា.ប់នៅក្នុងផ្ទះកន្លែងបញ្ចូលហ្គាស)។
ប្រភពដដែលបានបន្តថា នៅមុនពេលកើតហេតុ ជនរងគ្រោះខាងលើ បានយកកំប៉ុងហ្គាសមកបញ្ចូលដូចសព្វមួយដង ប៉ុន្តែមិនដឹងថា ថ្ងៃនេះកំប៉ុងហ្គាសខូច ឬចាស់នោះទេ បានបណ្តាលឲ្យផ្ទុះឆាបឆេះខ្លួនប្រាណ និងឆេះទាំងផ្ទះ បង្កឲ្យឆេះខ្លួនឯងស្លា.ប់នៅក្នុងផ្ទះយ៉ាងអាណោចអាធ័មតែម្តង។ ហើយចំពោះសម្ភារៈដែលខូចខាត រួមមាន ៖ ១- ផ្ទះមួយខ្នងទំហំ ៧ម៉ែត្រx៦ម៉ែត្រ សង់អំពីឈើប្រក់ស័ង្កសី ជញ្ជាំងស័ង្កសីខូចខាតទាំងស្រុង។ ២- ម៉ូតូ និងរ៉ឺម៉កសណ្តោងចំនួន០១គ្រឿង។ ៣- ហ្គាសធុងធំចំនួន១១ធុង ៤-ហ្គាសកំប៉ុងតូច ចំនួន៨០កំប៉ុង និងសម្ភារៈប្រើប្រាស់មួយចំនួនទៀត។
បើតាមសមត្ថកិច្ចចុះពិនិត្យកន្លែងកើតហេតុ ធ្វើការសន្និដ្ឋានថា មូលហេតុ គឺដោយសារជនរងគ្រោះបានប្រើប្រាស់ធុងហ្គាសចាស់ៗ កំប៉ុងហ្គាសក៏ចាស់ៗ ហើយខ្វះការប្រុងប្រយ័ត្ន និងទុកដាក់ធុងហ្គាសមិនមានបច្ចេកទេសត្រឹមត្រូវ ហើយនៅពេលផ្ទុះធុងហ្គាស គ្មានបំពង់ពន្លត់អគ្គិភ័យ និងប្រព័ន្ធទឹកសម្រាប់ពន្លត់អគ្គិភ័យ ជាហេតុធ្វើឱ្យប្រជាពលរដ្ឋមិនហ៊ានចូល ព្រោះខ្លាចគ្រោះថ្នាក់។ ក្រោយពីសមត្ថកិច្ចពិនិត្យ និងធ្វើកំណត់ហេតុរួច សមត្ថកិច្ចក៏បានប្រគល់ស.ពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ