កីឡាការិនីវាយកូនបាល់សញ្ជាតិរុស្ស៊ីMaria Sharapova រីករាយឡើងវិញ បន្ទាប់ពីតុលាការកីឡាសម្រេចកាត់បន្ថយការដាក់ពិន័យមកលើរូបនាងមកត្រឹមតែ១៥ខែប៉ុណ្ណោះ ក្រោយពីរកឃើញថា នាងមិនបានប្រើប្រាស់សារធាតុញៀនដោយចេតនានោះឡើយ ។
អតីតម្ចាស់ពានរង្វាន់Grand Slam ៥ជំនាន់រូបនេះរំពឹងថា នឹងមានឱកាសចូលរួមប្រកួតវិញបាននៅខែមេសាឆ្នាំ២០១៧ខាងមុខនេះ ។ គួររំលឹកថា កីឡាការិនីវ័យ២៩ឆ្នាំរូបនេះ ត្រូវបានតុលាការកីឡាដាក់បម្រាមមិនឱ្យចូលរួមប្រកួតរយៈពេល២ឆ្នាំ បន្ទាប់ពីពិនិត្យឃើញថានាងបានប្រើប្រាស់សារធាតុញៀនអំឡុងពេលប្រកួតក្នុងព្រឹត្តិការណ៍Australian Open កាលពីខែមករាកន្លងមក ៕
ចែករំលែកព័តមាននេះ