គេគ្រាន់តែដឹងថា វិទិនី ចេះហែលទឹក ជម្រើសជាតិ ហើយក៏កាន់តែភ្ញាក់ផ្អើលមួយក្រឺតទៀត ក្រោយពេលនាងបានទិញពាក្យចូលរួមប្រកួត វិស័យប្រឡងយកស្រីស្អាតដែលនាងមិនធ្លាប់សាកឡើយ។ នេះជារសជាតិមួយ ដែលសាកល្បងហើយ ក៏ចង់អោយ
រាជធានីភ្នំពេញ ៖ គេគ្រាន់តែដឹងថា វិទិនី ចេះហែលទឹក ជម្រើសជាតិ ហើយក៏កាន់តែភ្ញាក់ផ្អើលមួយក្រឺតទៀត ក្រោយពេលនាងបានទិញពាក្យចូលរួមប្រកួត វិស័យប្រឡងយកស្រីស្អាតដែលនាងមិនធ្លាប់សាកឡើយ។ នេះជារសជាតិមួយ ដែលសាកល្បងហើយ ក៏ចង់អោយអ្នកគាំទ្រនាងតាមដានថា ពេលហក់មកកន្លែងថ្មី អាចយល់ការបានដល់កម្រិតណា ក្រោយពេលអ្នកប្រឡងលើកនេះ សុទ្ធតែជាអ្នកពូកែៗ។
ដំណឹងមួយនេះ ត្រូវបានលើកឡើងយូរហើយ ដែលលេចឮថា កីឡាការិនី មានរាងស្រឡូនរូបនេះ ដាក់គម្រោងមកប្រកួតក្នុងវិស័យបវរកញ្ញា។ គេក៏មិននឹកស្មានថា វិទិនី មានចិត្តដល់ម្ល៉ឹង ហើយហ៊ានសម្រេចចិត្តសាកល្បង បង្អួតសម្រស់ប្រជែងគេឯង ដណ្តើមមកុដ។ ពិតណាស់កម្មវិធីប្រឡងបវរកញ្ញា មិនថា Miss Grand Miss Universe គឺពេលនេះនៅកម្ពុជា មានការពេញនិយមណាស់។
ទាក់ចិត្តទាំងអ្នកទស្សនា ទាំងអ្នកដាក់ពាក្យប្រកួត។ ជាពិសេសឃើញថា មាននារីវ័យឆ្លាតៗជាច្រើនរូបលេចមុខប្រកាសដាក់ពាក្យប្រឡង និងប្រកបដោយសមត្ថភាពពេញលេញ ទាំងកម្រិតសម្រស់ និងចំណេះដឹ ខុសពីច្រើនឆ្នាំមុន។
ឯម្ចាស់ជ័យលាភីលេខ១ ត្រូវបានប្រកាសថា ទទួលបានមកុដ ដល់ទៅតម្លៃជាង១ម៉ឺនដុល្លារឯណោះ នេះនៅមិនទាន់គិតលើ ការងារផ្សេងៗទៀត ដែលចាំតែដើរថត ដើរសម្តែង តាមក្រុមហ៊ុនល្បីៗផង។ បែបនេះហើយ ទើបទប់ចិត្តបេក្ខភាពនីមួយៗ មិនជាប់ឡើយ ទើបមកដាក់ពាក្យល្បងស្នាដៃរៀងៗខ្លួនអោយគេវាយតម្លៃ។
ចំពោះ ហែម ថុនវិទិនី វិញ នាងបានសម្រេចចិត្តមកដាក់ពាក្យប្រឡងក្នុង កម្មវិធីប្រឡងបវរកញ្ញាចក្រវាឡ។ នាងបានសង្កេត និងពិនិត្យមើលលក្ខខណ្ឌផ្សេងៗរួចរាល់ដើម្បីប្រកួត។ នេះជាបទពិសោធន៍ថ្មីមួយទៀត ដែលមកសាកល្បង។ អ្នកតាមដានក៏មើលឃើញថា នាងមានរូបសម្បត្តិ ដងខ្លួនសាកសមទំបង ឯកម្ពស់វិញក៏មើលទៅត្រូវខ្នាតតែម្តង។ ហ្វេនៗដែលស្រឡាញ់នាង ជួយលើកទឹកចិត្តផង ដើម្បីសម្រេចបំណង និងក្តីស្រម៉ៃដែលប៉ង។
ចែករំលែកព័តមាននេះ